20190226

A auga de Ribadeo, unha historia

Hoxe, 26 de febreiro de 2019, repetiuse a historia. De novo a auga da billa en Ribadeo chega ás casas en malas condicións. Embaixo deixo a nota de prensa do concello.
Mentres, non estaría mal repasar a historia repetida dende o inicio do CAVI. No blog hai abondas referencias; entre elas, as que aparecen nesta entrada.
Tamén, deixo unha foto dunha Comarca de 1960 (31 de xullo), de cando se pensaba que o servizo de traída de augas estaría listo para o verán seguinte (verán de 1961):

Nota de prensa do concello de hoxe:
"
VIAQUA BALEIRO OS DEPÓSITOS

Novos vertidos ao río Grande

26/02/2019
Nas últimas horas producíase un novo vertido de lixiviados ao río Grande, unha das captacións de auga das que se abastece a poboación ribadense. Ese vertido ocasionou un forte cheiro na auga da traída. O alcalde, Fernando Suárez, ven de enviar requerimentos unha vez máis e advertencias de denuncia á Confederación Hidrográfica do Cantábrico, a Augas de Galicia, a Dirección Xeral de Calidade Ambiental, á Dirección Xeral de Saúde Pública, ao Seprona, ao Concello de Barreiros e á Cooperativa Os Irmandiños. Para Suárez Barcia é intolerable que estes vertidos se produzan cada pouco tempo.
O rexedor ribadense dixo que "desde o Concello de Ribadeo estamos vendo que nestas últimas horas volveuse producir algún tipo de vertido de lixiviados ao río Grande, que é unha das dúas captacións que ten Ribadeo para abastecemento de auga á poboación. Neste caso todo parece indicar que no veciño concello de Barreiros, ao igual que outras veces, hai varios anos que vimos soportando esta desgraza. Consultada información á empresa concesionaria Viaqua sobre esta circunstancia, sobre todo porque hai moita xente que está preguntando alarmada e preocupada polo olor e polo mal sabor da auga, a concesionaria indícanos que a calidade da auga cumpre a día de hoxe cos parámetros que se establecen no real decreto 140/2003, pero cousa diferente é que o olor e o sabor non sexa adecuado, e evidentemente non o é. De aí que, como sempre, aplicando os protocolos cando nos acontecen estas circunstancias acabamos de enviar de maneira urxente requerimentos e advertencias de denuncia á Confederación Hidrográfica do Cantábrico, a Augas de Galicia, ao Seprona da Garda Civil, ao Servizo de Calidade e Avaliación Ambiental da Xunta de Galicia, ao Concello de Barreiros, que é onde detectamos que está a orixe dos vertidos, á Cooperativa Os Irmandiños, que é onde nos parece que está a orixe dos vertidos, e á Consellería de Sanidade".
Fernando Suárez engadiu: "debo dicir, o que nestas circunstancias outras veces pasa, que os Concellos somos os responsables da calidade e da auga que vai pola tubaxe, pero en ningún caso podemos ser responsables, porque nin temos competencias nin está no noso territorio, cando se botan vertidos aos ríos que son utilizados pola poboación para beber. Para iso hai outras administracións a nivel autonómico e estatal que deben velar para que isto non ocorra, e é  o que, outra vez máis e xa van non sei cantas, lles acabamos de pedir. Isto non pode ser, non pode estar unha poboación de 10.000 habitantes sempre cun fío pensando que nalgún momento temos que cortar o subministro de auga porque a calidade, aínda que cumpra os parámetros legais, non é boa. É inxusto que en Ribadeo teñamos que sufrir esta situación".
O alcalde de Ribadeo explicou que "a empresa concesionaria, para resolver esta incidencia, o que fixo foi baleirar os depósitos, estaos recargando de novo e espérase que nas vindeiras horas volva a normalidade. Espero que sexa dunha vez por todas, pero non quita que dentro duns días por calquera outra circunstancia volvamos ter incidencias deste tipo, e isto, insisto outra vez máis, é intolerable".
Este é o contido do informe que desde Viaqua lle fixeron chegar esta mañá ao alcalde de Ribadeo vía correo electrónico: "Tras realizar los ensayos de control de calidad habituales (como cada día) en el agua del abastecimiento de Ribadeo, no se detecta ninguna incidencia en estos, es decir el agua cumple los criterios de calidad establecidos en el R.D. 140/2003 y ninguno de los parámetros que analizamos “in situ” presentan desviaciones o incumplimientos.
A pesar de esto el agua presenta una alteración en el olor que es advertida por la población, trasladada como queja a nuestros servicios de atención comercial y desde Viaqua somos conscientes de ello. Esta alteración en el parámetro “olor” es consecuencia de una reacción del cloro (agente desinfectante utilizado en el tratamiento de potabilización) con la materia orgánica presente en el agua del embalse de Lexoso.

El cloro cuando reacciona con el agua forma dos tipos de reacciones que son:


• Cloro libre residual (es el que garantiza la desinfección)



• Cloro combinado  (combinación de cloro con materia organica presente en el agua)


El cloro por tanto que tiene el agua almacenada en el depósito y en la red de distribución es la suma de Cloro libre residual + cloro combinado. EL cloro libre residual (se aprecia mínimamente a través del olfato) y el Cloro combinado (se aprecia intensamente a través del olfato)
Habitualmente en el servicio de abastecimiento sobre el total de cloro existente, el porcentaje de cloro libre es de un 90 % y de cloro combinado 10 %, de este modo la percepción del olor a desinfectante es minima.
En el día de hoy en el servicio de abastecimiento se han invertido los porcentajes de concentración de cloro, representando el cloro libre un 25-30% y el cloro combinado un 65-70 %, es por ello que como el cloro combinado es altamente percibido a través del olor, los vecinos están percibiendo esta alteración en las características organolépticas del agua. A pesar de esta alteración en la cloración los parámetros están dentro de los límites establecidos en el R.D. 140/2003.
Como medida correctora y para mejorar las características organolépticas del agua (olor), desde primera hora de la mañana hemos cortado la entrada de agua a la ETAP de Santa Cruz procedente del embalse de Lexoso, hemos vaciado el depósito de Santa Cruz, estamos realizando vaciado de la red de distribución en 5 puntos de manera controlada, midiendo en cloro para garantizar la desinfección del agua en puntos representativos (deposito, avenida de Galicia, parque municipal, calvo Sotelo, oficina, cementerio, etc…)
La mejora de la calidad del agua será apreciada en las próximas horas y el servicio recuperará la normalidad. De igual modo se ha procedido a abastecer Ribadeo desde el depósito de Loureiro con agua procedente de la ETAP de Vilarbetote.
Así mismo, se ha denunciado un presunto vertido al embalse de Lexoso cuyo origen presuntamente proviene de la cooperativa os Irmandiños. Esta denuncia se ha cursado con el Seprona y con el área de vertidos de Augas de Galicia. Este último nos ha informado que recientemente esta cuenca deja de ser del ámbito de su demarcación y corresponde a la Confederación hidrográfica del Cantábrico. Hemos procedido por tanto a cursar denuncia a la citada confederación, solicitando que Agentes responsables del Área de Medio Ambiente inspeccionen la zona y conozcan las presuntas malas prácticas de la cooperativa de Os Irmandiños como de las explotaciones ganaderas de la cuenca que son susceptibles de provocar vertidos de purines y lixiviados a afluentes de la cuenca del embalse de Lexoso y ponen en riesgo el agua del abastecimiento del servicio municipal de Ribadeo”.
"

20190224

Mapas de Ribadeo

Hoxe por hoxe pódense atopar múltiples mapas de Ribadeo. Dende os de openstreetmap, pasando por Google maps ós mapas do concello, por non falar dos englobados noutras institucións como o sixpac da Xunta (ou o sigpac a nivel estatal) a Confederación Hidrográfica do Cantábrico (que inclúe medio concello, ó sur do Mondigo e chegando xusto ata o sur da illa Pancha, pero ten o mapa de todo), diversos visores da Xunta, como o básico da Información Xeográfica de Galicia, ou o Plan de Ordenación do Litoral, entre outros.
Ó que ía. O caso é que algúns deles, están mal. Aquí deixo algún, con pequenas (ou grandes) diferenzas entre eles:
O primeiro, da obra 'Ribadeo, terra, mar e xente, un homenaxe dos seus pícaros, publicado no 1983 no colexio Público Comarcal de Ribadeo:
O segundo, un 'mapa das parroquias' que se pode ver na páxina do concello e que estivo diante da oficina de turismo por anos, e que se diría copiado na división do dos pícaros:
O terceiro, dun mapa militar de hai case sesenta anos:
O cuarto, un dos planos do PXOM (o D4), un instrumento que coido que sería bo consultar por curiosidade a máis de por interese de propiedade:

 ... os dous primeiros, os que teñen división parroquial, non casan co nomenclator da Xunta. Un caso: Reme de Arriba, incluído en Covelas no nomenclátor da Xunta.

20190222

O tirón de Ribadeo

Onte pasoume una amigo unha imaxe: as Catedrais como reclamo turístico. Ben, si, ten aparecido moitas veces. Si, mesmo como se usa neste caso.
E, como se usa neste caso? Pois como reclamo para Asturias... Se ata ten aparecido en La Nueva España en ese sentido!
Conste que penso que a imaxe das Catedrais non ten por que ser usada só como reclamo de Ribadeo, ou de Galicia, senón que a pode usar calquera. Pero sen mentir, ben. É dicir, non poden usar a foto das Catedrais como imaxe reclamo para anunciar unha viaxe a Asturias. Si se pode para dicir que bonito planeta temos e como nolo estamos a cargar.
E, mentres, que fai o goberno municipal? Pois ó mellor non se enterou, mais noutros casos semellantes, que eu saiba, nada (ao menos, non coñezo que o teña feito, non lle ten dado difusión, e ó non facelo nestes casos e si noutras cousas...) E iso que é un dos bens de Ribadeo con máis valor simbólico, como marca. O meu amigo, en cambio, xa fixo unha reclamación privada para que non usaran mal a imaxe...
Por certo, estiven pensando en poñer a imaxe do cartel co enderezo e todo, pero coido que sería facerlles propaganda aínda por riba: xa sabedes, iso que se está a usar tanto en política: que se fale de min, aínda que sexa mal... Mellor unha foto dun lugar bonito que é de todos e polo tanto, ninguén debe usar mal.

20190221

Fronte ó eixo atlántico, menor velocidade en Ribadeo

Hoxe na prensa poden verse as últimas novas fronte ó corredor atlántico: se Galicia sae mal parada, a Mariña sinxelamente non sae. Por contra, hai poucos días pasaba unha nova na que un xornal a nivel estatal recoñecía o desastre de Feve, e hai pouco aínda que nas estradas 'convencionais' entraron estes valores de impedimento de velocidade:
Cal é o motivo da rebaixa de velocidade? Que a menor velocidade, menos accidentes... E, se te quedas na casa, seguro que non tes accidentes por viaxar! Pero o caso é que isto das menores velocidades perxudica mais... a quen? á xente das zonas menos poboadas. E... non sería máis efecivo en canto a accidentes un mellor coidado das estradas ou unha racionalización da sinalización que evitara as incongruencias e a hipersinalización que non da asimilado quen conduce?

20190220

Indefensión aprendida, debilidade asumida

De cara ás próximas (varias) eleccións, coido sería interesante poñer no foco un concepto que non se estila moito en polítca e menos en época preelectoral. Algo que, non obstante, aplícase de xeito case sistemático neste ámbito. Trátase do que en psicoloxía se coñece como 'indefensión aprendida'. En breve, refírese a que se se amañan as regras dun xogo, sexa o xogo que sexa, e se fai dun xeito opaco co resultado de que sexa máis difícil xogar e chegar a resultados para unhas persoas que para outras, entón a xente afectada pola discriminación negativa verase como peor xogadora, e en consecuencia, desincentivarase e terá peores resultados e unha imaxe máis negativa de si en relación o xogo.
Agora ben, a política tal como está concebida no sistema de representación, é un xogo...
En política, de longo tempo por estes lares, ven sucedendo algo polo estilo. Vista a política como xestión do poder sobre o conxunto social e as súas actividades, se as persoas non teñen poder por outros medios, poder 'de feito', 'poder fáctico', ven sistemáticamente como o valor da súa participación política tende a anularse. Como resultado, diminúe a súa participación primaria e en consecuencia, a súa representación, incidindo máis aínda no seu sentemento de perda de poder político nunha espiral decrecente da que non se pode saír dentro do sistema.
Se a participación se mantén en parte, é por un interese secundario, debido non á expresión do que é, sinte ou lle parece á persoa, senón debido a propaganda dos diversos partidos, nunha especie de chamamento que indica 'comigo serás forte', abandoa o teu e vente. Pero isto significa que a participación xa é mediatizada, para o uso puntual dos partidos e non das persoas, que se se benefician en algo é de xeito secundario.
Mesmo esa posibilidade de cambio que se podería albiscar cada x anos nos procesos electorais está así mediatizada de diversos xeitos, dende o filtro polo que pasan os candidatos para chegar a selo, á convivencia do poder político cos poderes fácticos, pois haxa ou non connivencia de principio, pode aplicarse aquelo de que dous que durmen no mesmo colchón vólvense da mesma opinión...
Mentres, para saír desta espiral só queda cambiar as regras do xogo, ou sexa, cambiar o xogo.
--
Nota: esta entrada é unha versión de https://tentandoeducar.wordpress.com/2019/02/20/indefension-aprendida-debilidade-asumida-fora-da-educacion/

20190218

Paseando sobre a ría de Ribadeo

Fin de semana. Temperie agradable. Nun entorno como o de Ribadeo, un paseo preto do pobo está á man. Mágoa dun espectáculo como o da foto, tomada nos bloques, cunha luminaria destrozada e un cubo de lixo destrozado e estrado o seu contido. Febre do sábado noite? O carallo! febre de imbecilidade animal.
 Lémbrame a imaxe anterior a outra, esta tomada no Comado, nun lugar que podería albergar a un dos famosos bancos 'máis bonito do mundo'. De feito, puxeron un para admirar a vista. E a imaxe amosa como está na actualidade. E iso que subir ata alí require como mínimo, tempo de vehículo se vas motorizado.
Volvamos a Ribadeo. Un paseo pode levar a un a ver as exportacións que saen polo porto, como os montóns de madeira (de pino a maioría, neste caso) que se apilan en Mirasol. Miles de toneladas dispostas a ser cargadas.
Un paseo mañaneiro permite ver como se levanta o Sol polo fondo da Liñeira.
Pero aínda que non sexa tan cedo, dende o parque do mineral pode aprezarse o fondo da ría, a salvo cun límite do campo con cordas que leva sufrido xa agresións e pola traxectoria, seguirá a sufrilas.
 E, voltando ó sitio de inicio, como conxugará quen fai os destrozos o lixo estrado coas novas duchas (que xa facían falta...)
En fin, Ribadeo ten recunchos para un paseo. E para moitos.

20190217

Un partido informando ('informando', así se titula)

Vou tirar un papel á papelera e fíxome: un aviso de que un acto de presentación dun candidato non se vai celebrar por cambios de última hora na axenda dun alto cargo do partido.  Pero o candidato éo ás municipais. Os carteis xa estaban impresos e colocados, e a nota foi algo rápido, para saír do paso, o que significará un novo aviso para cando a axenda do alto cargo teña un oco...
A modo de separación de poderes, houbo un tempo que crin que tamén había separación de funcións entre as administracións dos diversos niveis, coa coordinación pertinente, claro, pero tamén coa separación entre o que é administración e o que é partido. Hai tempo que abandoei a idea, ó ver un manga-por-hombro entre administración e partido tanto como a vertebración, partido mediante, de diversas administracións con ausencia de coordinación con outras vertebradas por partidos diferentes. E o cidadán pinta pouco, só comparsa, se non está nun partido metido. As asociacións cidadáns teñen que ganarse día a día un minúsculo oco para facer algo parello á súa función nun sistema en equilibrio. Porque meterse no sistema como cooptadas polos partidos non é ser asociación, senón sucursal.
Sigo soñando, son un soñador, tal vez iluso: tal vez mañá esa coordinación exista, vertebrada a partir dos cidadáns, cara arriba dunha a outra administración, de abaixo arriba, e os partidos sexan agrupacións de cidadáns con ideas semellantes para vender as súas ideas e non maquinarias de guerra social mediatizada de arriba abaixo.
Si, sei que o sistema propicia a súa reprodución e que a cousa está difícil. Mais os cidadáns temos un sistema de relacións cunha plasticidade que pode permitilo. Traballo nos ha costar. Pero é a supervivencia o que está en xogo, e o sistema actual, cos seus fallos, non a asegura.
--
Tamén en Galicia Dixital.

20190216

Es maior de idade? 8 cm menos!

Ao ritmo actual, se es maior de idade, isto é, ao menos tes 18 anos, o mar subiu dende o teu nacemento ao menos 8 cm, 4,8 mm/ano.
Se vives en Ribadeo, iso significaría que verías o tesón na ría cousa de media hora menos cada día. Significaría, se non fóra por un detalle: a subida do nivel do mar tamén fai que entre relativamente máis auga na ría e se colmate máis, aumentando a necesidade de dragado, aínda que o maior nivel de auga parecería implicar maior calado.
E na praia? Pois cada unha funcionará de xeito diferente, mais, de conservar a area, significaría cousa de 1 m menos de praia en cada momento. Pero, a elevación do nivel do mar implica nas praias sobre todo maior erosión, logo aínda menos praia...
E nas catedrais, ese monumento natural icónico que leva anos potenciando a economía ribadense? Pois mais nivel do mar implica maior erosión, e polo tanto, menor duración: caerán antes, con todo o que iso significa.
Cada unha das afirmacións anteriores é matizable: son afirmacións vagas e xerais. Pero iso non significa que por termo medio, sexan 'verdades coma puños'.
Ah! e o cambio climático está acelerando. Iso significa que ne próximos anos os seus efectos acentuaránse. E non só no nivel do mar... estás preparada ou es outra persoa inxenua máis (entre outras posibilidades que non significan que podas solucionalo dex eito individual)?
Xoias das Maldivas, foto da ESA na que se recollen as illas Maldivas, un dos lugares máis afectados pola suba do nivel do mar (a súa elevación máixima é equivalente á do tesón en marea baixa)


20190215

Ligando unha reseña na páxina web do IES de Ribadeo Dionisio Gamallo

http://www.edu.xunta.gal/centros/iesribadeo/?q=node/485
O luns, día 4 de febreiro, Antonio Gregorio Montes faloulle ó alumnado de 2º de ESO da Galipedia, versión en galego da Wikipedia. O relator foi un dos promotores desta enciclopedia colaborativa e, durante algún tempo, un dos seus administradores.
Organizaron a actividade o Equipo de Dinamización da Lingua Galega e o Departamento de Galego.

20190212

Manifestación aquí, en Santiago, en Madrid, no mundo... vistas dende Ribadeo

Imaxe cedida ó dominio público, collida de commons.wikimedia.org

A fin de semana pasada tiveron lugar dúas manifestacións, unha na praza de Colón de Madrid, e outra na praza da Quintana de Santiago, que tiveron diferente tratamento mediático. É complexo tentar unha comparación, pero coido que o tema a merece, ao menos parcial, insertada dentro doutras dúas, a protesta continuada polas pensións e a dos chalecos verdes (esta última ó mellor non te soa... aínda)
As superficies ocupadas pola manifestación madrileña, con autobuses pagados ('polo partido', din), era, descontando o terreo das fontes e aumentando algo das rúas laterais, duns 50 000 m2. Non vou entrar en guerra de cifras, pero si dicir que a súa densidade media, á vista das fotos, era algo menor que a da praza da Quintana, con autobuses a pagar polos asistentes, e que ven tendo uns 3 100 m2. Iso ven a significar que, como moito, na manifa madrileña había 16 veces máis xente que na de Santiago. Comparando a poboación de España, 47 millóns, coa de Galicia, 2,7 millóns, sae a máis de 17 veces. É dicir, en importancia relativa, a pesares das condicións para traer a xente, o machaque mediático, etc, foi maior a manifestación en prol da Sanidade Pública en Galicia que a feita polo espectro dereita-ultradereita en Madrid. En cambio, para sinalar o tratamento dos medios informativos, só dicir que nos medios a nivel estatal non se podia atopar nova algunha sobre a manifestación en Galicia, mentras que a madrileña ocupaba varias páxinas, a máis dos artigos dos comentaristas. Nos medios 'galegos', a portada era para a manifestación madrileña, que acaparaba tamén os comentarios, con artigos interiores menores en tamaño para a da Sanidade Galega. Sería porque o xefe do goberno galego foi a protestar a Madrid evitando as protestas moito máis concretas e verdadeiras que as madrileñas (con manifesto que o principal partido convocante recoñece que ten só 'gran parte de veracidad'). E así, imos cambiando ó son que nos toca (iso pretenden): hai tempo, foi 'España' (unha versión, claro), logo, a 'Marca España', agora a 'España moral'...
Mentres, hai máis dun ano que comezaron as protestas dos pensionistas, e son recollidas de xeito moi diferente polos medios. Mentres que é evidente que por termo medio van medrando en importancia (e para mostra, a de Ribadeo), o cansanzo dos medios despois de non darlle recoñecemento inicial e ter un pico nas noticias cando xa era inevitable, fai que queden relegadas ás informacións locais, e que, na información por termo medio, se opte por dicir que a houbo máis que por recalcar os puntos que son reclamados e a actualidade das reclamacións.
E mentres, a nivel mundial está a medrar o clamor dos chalecos verdes.
?
Si, está lanzada a convocatoria da School strike for climate, folga escolar múltiple (pasada, presente e futura) polo clima, co lema 'Deixade de roubarnos o noso futuro!'. Escolar, si, pero en marea crecente, que puiden ver notificada ata o momento en poucos medios a nivel estatal, e máis como curiosidade que como nota dunha acción. Mais supoño que hoxe mesmo aparecereá xa en máis, así é o mimetismo da prensa. Un cachondeo? Non lle pareceu así á xente con poder cando no elitista Foro de Davos invitaron á primeira convocante, unha rapaza sueca de tan só 15 anos...
E é que, por moito que se empeñen as 'macromanifestacións' quencidas pola prensa, o mundo está a cambiar...

NUNCA TANTO RIBADEO. Covadonga Suárez, colectivo « Por nuestro faro »

    Nunca tanto Ribadeo anduvo de boca en boca, nunca fue tan fotografiado, tan exportado.
   Nunca tanto Ribadeo fue como una moneda, de esas que brillan a kilómetros, pero que después derretidas en la mano te das cuenta de que eran de chocolate. Nunca Ribadeo se pareció tanto a una de esas señoras estiradas y reoperadas cuya edad verdadera sólo se sabe a ciencia cierta si te acercas bien y les miras la textura de las manos. Pero el concepto a la última «Ribadeo para el mundo» es esto: una gran exposición.
   Si nos acercamos, la moneda, la de verdad, se persigue en la hosteleria con un trabajo y una dedicación constantes porque a pesar de los pesares resulta que no hay tanta gente como se anuncia, y cuando aparece no siempre deja el dinero que podía esperarse. Aquí tenemos la otra cara de aquella moneda, la del día a día, fuera de cámara. Mientras las dos suites de Illa Pancha funcionan sin llenazo constante, sin evaluación económico-financiera conocida, en el centro urbano se trabaja duro para que salgan las cuentas. Como la moneda, nunca tanto Ribadeo tuvo doble faz.
  Las irregularidades y vacíos informativos en todo lo referente al misterio « Illa Pancha » se acumulan a lo largo del tiempo, denunciados por el colectivo « Por nuestro faro », y revalidados por el Defensor del Pueblo, sin que eso haya incomodado lo más mínimo al Concello. Se ha pedido información e implicación al alcalde durante años, sin éxito, a través de correos, con intervenciones en los plenos municipales, y en los periódicos, hasta llegar, en el momento actual, a denunciar su falta de transparencia por segunda vez consecutiva ante la Valedora do Pobo. Ahora tenemos una fosa séptica cambiada de sitio y denunciada a Seprona, con una larga lista de incongruencias en su proyecto, y sin legalizar pero formando parte del conjunto desde el principio. Se trata de una fosa que el alcalde no ha querido cuestionar ni durante el período de alegaciones, ni antes, ni después, como tampoco ha querido responder en base a qué normas dio en su momento la licencia de apertura cuando aún hoy dice desconocer si la fosa cuenta con todos los permisos. Mucho me temo que en medio de los flashes esté pasando desapercibido uno de los atropellos antitransparencia más importantes de los últimos lustros en Ribadeo, y quizás todo sea inversamente proporcional a la política hueca pero llena de paillettes que ahora es moda, ese nuevo patriotismo ultraribadense de base publicitaria.
Por otro lado, hace unos días la encargada de los apartamentos de Illa Pancha reconocía en la prensa que los clientes del hotel se quedaban solos, tenían un código con el que entraban, y la isla era para ellos, no sólo el hotel, no sólo la zona concesionada, sino la isla entera. Y nosotros sin saber por qué, quién lo autorizó, dónde está la ley que lo permite, ni si la conoce o le importa al alcalde (lo que sí sospechamos es que no moverá un dedo y que todo seguirá su curso). Pero, desde luego, y volviendo a lo de antes, qué suertaza tienen los de fuera, nosotros tenemos que esperar a que alguien organice un evento para ver la isla de cerca, cuando clientes de todas las edades, pasean a sus anchas de noche o de día. Sin duda, después de tantos años cerrada al público, alguien debió decretar también que ahora no hay ningún riesgo de despeñarse, o salir volando con un golpe de mar, y que todos los huéspedes tienen un ángel de la guarda hiperactivo por muy solos que se queden en Illa Pancha durante las noches de invierno.
   Al final, quién sabe lo que pasa en la isla, por qué y cómo funciona, pero eso es lo de menos mientras venga un fotógrafo tailandés a inmortalizar su estampa y luego se le vea comer una ración de pulpo en una tapería típica. Entrar o no en la isla dependerá del humor del regente, de las desconocidas leyes de Puertos, y de la opacidad cómplice del Concello. Pero desde luego no seré yo la afortunada, y vosotros tampoco. A pesar de que en Ribadeo nunca tanto... todo.

20190210

Algunhas normas para circular en bici por Ribadeo

Hai xa tempo, hai varios mandatos, aló pola década dos dous mil, que en Ribadeo houbo xuntanzas varias impulsadas dende o concello para construír un plan de mobilidade. Aquelo desapareceu, tragado non sei ben por que. Hai abondos menos anos, houbo durante case un ano un paseo mensual para chamar a atención sobre a mobilidade en bicicleta (obxectivo moito máis reducido, como correspondía ó grupo de usuarios impulsor) que chegou un momento que non foi convocado, e que quizáis fixo que cousa dun ano despois apareceran os carteis de 'Ribadeo vila amiga das bicicletas'
Mais, con ou sen carteis, a diferencia entre antes e despois do dito non se ten deixado notar. Por iso, e procurando un pequeno impulso, deixo abaixo unha síntese de normas que sería convinte adoptar (ou outras semellantes) para a circulación de bicicletas. E falo en condicional porque, por exemplo os carrís bici aínda non existen en Ribadeo...
Decálogo do ciclista ribadense
1.Toda persoa que circule ten que repectar as normas de circulación.
2.As bicicletas deben circular pola calzada, de xeito preferente achegadas ás beiras, tendo prohibidas as beirarúas.
3.Se hai carril bici, deben facelo por dito carril, no que teñen preferencia.
4.Poderán circular polas zonas peonís só se están razonablemente baleiras. 
5.A bicicleta debe ter elementos de sinalización que permitan ubicala claramente mesmo en condicións de pouca visibilidade. Asemade, é recomendable o uso de prendas reflectantes.
6.Os usuarios da bicicleta non poderán levar auriculares.
7.Só se podrán transportar outras persoas se alguén maior de idade transporta a menores de 7 anos, con cadeira adaptada e casco.
8.As bicicletas deben estacionarse nos lugares habilitados. Se non houbera ningún preto, poderán usarse as beirarúas e as áreas peonís.
9.Os menores de idade deben circular sempre con casco.
10.Os adiantamentos de vehículos con motor deben deixar unha beira de 1,5 m, e, en caso de manterse detrás dunha bici, unha distancia de 3 m.
--
O último punto é máis para condutores que para ciclistas, e o conxunto pode ser moi perfeccionado, mais coido que é máis importante cumprir un conxunto básico de normas que poñer moitas e logo que nin se saiba que din...

20190209

Novas do concello de Ribadeo : anos do 1936-1940 (1)

   Onte recibín unha ligazón que apreciei:
   Novas do concello de Ribadeo : anos do 1936-1940 (1)
   Doado de procurar en Google, aconsello o artigo, en espera da segunda parte. Nel, Isidro, vai debullando algún feito, como que ata o 23 os grupos armados golpistas non entraron en Ribadeo, e que a primeira 'cousa institucional' que fixeron foi o nomeamento de alcalde. Sobra dicir que a dedo, e pola legalidade da imposición. O 'afortunado' foi Antonio Moreda Rodríguez, avogado, que recibiu o encargo do representante da guardia civil en Ribadeo, F. álvarez Holguín.
Faise eco o artigo de diversas doacións do concello para peticións tamén diversas, de axuda para unha prótese artificial para un ferido no ataque a Ribadeo ó sufraxio de gastos para un avión, logo trocados para un navío. Tamén toca varios casos de 'abandono do servicio' e polo tanto, suspensión, expulsión, etc, de obreiros do concello, ou a detención dun deputado.
    Como di antes do título, nada que non saíra en prensa ou non fora recollido en actas do concello. Pero algo moi ben traído.
   E unha guinda, entre outras que se poden citar, na acta do concello do 20 de marzo de 1937: "Decídese restablecer o vello costume de acudir ós actos eclesiásticos da Semana Santa." Coido que está claro que a costume fora interrompida, e tamén de onde sae que aínda a Semana Santa pasada houbera representación do concello na procesión. Algo contra o que José Mª Rodríguez ten falado máis dunha vez, e aparecido neste blog asemade máis dunha vez.

--

 Obras de José Mª Rodríguez

 --

   O artigo de Cidre en Terra e Tempo

Novas do concello de Ribadeo : anos do 1936-1940 (1)

XOSÉ ISIDRO FERNÁNDEZ VILALBA



O día 23 de xullo ante o licenciado don Eugenio López Yáñez, secretario do concello; o avogado, Antonio Moreda Rodríguez, previamente designado polo señor comandante militar desta praza e comandante da garda civil don F. Álvarez Holguín, é nomeado para o cargo de alcalde-presidente da Comisión xestora deste Concello.

No Progreso do día 24 de xullo hai unha nota que di: “También hace constar que en Ribadeo en donde la tradición había imperado momentanemante entró una columna engrosada por vecinos de Mondoñedo y Villanueva de Lorenzana pertenecistas, restableciendo inmediatamente la tranquilidad en la población y aprisionándose a los cabecillas que recibiran ejemplar castigo. En la población reina gran jubilo”.

E continúa con copia dun telegrama do comandante Fernando Álvarez Holguín que dirixe a columna que caeu sobre Ribadeo: “ A las 16:30 de hoy la columna a mis ordenes combinada en forma acordada, después de sostener una lucha enconada desde 10 kilómetros antes de la llegada a esta conseguimos apoderarnos de la población habiendo hecho al enemigo varios muertos y heridos no pudiendo precisar el número de unos y otros, incautándonos de infinidad de armas, explivos, municiones y un automóvil que dejé inutilizado en el camino. El número de carabineros hechos prisioneros asciende a cuarenta y tantos, incluso el capitán y un teniente: Las fuerzas del puesto han permanecido leales como buenos guardias civiles, a la causa justa de la razón y de la justicia.

Mañana procurare continuar las operaciones hasta pacificar completamente esta zona. Procuro efectuar la detención del exdiputado Villamil que supongo jefe de la rebelión, lo tengo localizado en la iglesia parroquial, que personalmente he tomado…”

A nova xestora municipal toma posesión o 25 de agosto ás doce da mañá no salón de sesións ante a presenza do señor comandante militar desta praza, tenente da Garda Civil Juan Aranguren Ponte, co señor alcalde Antonio Moreda Rodríguez e o secretario don Eugenio López Yáñez. Estaba formada polos señores Robustiano López Sarmiento, Herminio Díaz Núñez, José Cancio González, Justo Iribanen Vega, Fernando Parga Rapa e Carlos Fernández e Gómez de Mercado.

O Cargo de Tenente Alcalde primeiro foi para Robustiano López Sarmiento, o segundo Tenente para José Cancio González e o terceiro Tenente, Fernando Parga Rapa. O cargo de Procurador-Síndico para Justo de Iribarren Vega e xestores, Herminio Díaz Núñez e Carlos Fernández y Gómez de Mercado.

Na sesión do 27 de agosto, o concello acorda contribuír á “Suscripción Patriótica de la provincia” coa cantidade de 5000 pesetas que “le había facilitado la sucursal del Banco Herrero en préstamo sin interés”.

Tamén se acorda contribuír con 250 pesetas á subscrición aberta en Lugo con obxecto de adquirir un pé artificial para o “Heroíco soldado José María San Martín Sueiro” ferido na toma desta vila o 23 de xullo e actualmente inválido.

Repóñense as cruces dos camposantos de Ribadeo e Obe nas súas portas principais.

O tres de setembro na sesión a comisión xestora quedou decatada dos decretados ditados pola alcaldía como consecuencia do ordenado polo señor comandante militar da provincia no bando do 29 de xullo xardineiro deste concello, José Antonio Lombardero Mon, e do peón-sepultureiro, Salvador González Álvarez por abandono do servizo e a destitución deste último foi confirmada polo Sr. comandante militar o día 13. Dispuxo tamén a suspensión de emprego e soldo por tempo indefinido do vixiante de arbitrios, José Rey Vijandio.

A proposta do alcalde acórdase publicar un bando para que os propietarios das casas onde se atopan colocados “rótulos de propaganda política” procedan a retiralos.

Por outra banda, acórdase celebrar, a petición de Falanxe Española e requirimentos do pobo, unha misa de campaña no Campo de San Francisco o día 8 de setembro, día da festa da patroa de Ribadeo.

Na sesión ordinaria do 10 de Setembro o alcalde propón darlle o nome a unha rúa de Ribadeo do comandante José Ceano Vivas “por su valor y arrojo de militar merece el bien de la patria que particularmente por ese valor y pericia al frente de su columna batio a las hordas rojas en Vegadeo, Castropol, Tapia, Navia, etc librando con ella a esta villa del azote comunista que amenazaba invadirla y teniendo además en cuenta que dicho señor con su personal simpatía y con sus bondades ha ganado el corazón a todos los ribadeneses… se le haga el modesto homenaje de dar su nombre a una calle, a la que hoy se denomina de Galán y García-Hernández”.


Na acta do 17 deste mesmo mes a comisión dá a nova de que o soldado do Rexemento de Infantería de Burgos n.º 31, Emilio García Rodríguez, natural e veciño desta, morrera o día 27 de agosto no posto máis avanzado da vangarda da columna que operaba no porto de Somiedo. Acordan por tal motivo poñer na acta a carta que o capitán da súa compañía lle remite ó pai e que unha comisión integrada polo señor alcalde e xestores, Cancio González e Díaz Núñez, visiten os pais para darlles o “pésame en nombre del ayuntamiento y pueblo y notificar estos acuerdos”. Esta comisión irá con carácter oficial á función pola súa alma. Acordouse tamén contribuír á construción dun aeroplano que leve o nome da provincia con 250 pesetas.

A proposta do Sr. Díaz Núñez, a comisión por unanimidade acordou a fin de perpetuar os nomes dos xefes das columnas do Exército Nacional que liberaron a Ribadeo “de las garras de la invasión roja que hubieran hecho de este pueblo un montón de ruinas …” se dea o nome de Álvarez Holguín e López Revuelta á rúa de recente construción que desde a estrada que vai á Veiga empalma coa Avenida de Bos Aires. E por indicación da presidencia acórdase mudar os nomes ás prazas República e de Pablo Iglesias desta vila polo de “Plaza de España” e “Plaza de José Calvo Sotelo”.

Na sesión do 24, acórdase facer unha homenaxe a Salvador García de González, veciño desta vila, sarxento da lexión morto na fronte de Huesca. Ofrendándolle unha coroa de flores naturais, ceder gratuitamente un nicho no cemiterio municipal desta vila.

O 17 de outubro o Sr. Alcalde deu conta de que o catorce do actual morrera no hospital municipal desta vila o brigada da lexión, Ignacio Ferrero Madín a consecuencia das feridas que recibira defendendo a causa de España na fronte de Asturias e que lle permitira enterrarse nun nicho deste cemiterio.

En sesión do 12 de novembro tense coñecemento dun oficio da comisaría carlista de guerra da provincia da Coruña suplicando deste concello un donativo para sufragar os gastos que ocasione a construción dun altar do apóstolo Santiago, para instalalo en Madrid tan pronto como o exército entre na capital. Concédese un donativo de 50 pesetas.

Sesión ordinaria do 10 de Nadal. Tendo coñecemento a xestora dunha carta do alcalde de Olmedo propoñendo unha homenaxe ó pobo portugués que podía consistir en que cada municipio dos actualmente sometidos ó movemento “salvador de España” contribuíse cunha cota única de 5 pesetas, con cuxos donativos se podía reunir unha cantidade necesaria para poder ofrecer ó pobo portugués unha “placa de bronce” na que figuraran o nome de cada un destes concellos.

Acórdase mercar un retrato do “generalísimo Francisco Franco Baamonde” xefe do estado español, para colocalo nun sitio privilexiado do salón de sesións.

Na sesión do 26 de Nadal apóiase a iniciativa do concello de Vitoria para solicitar do Xefe do Goberno do Estado a declaración oficial de Himno Nacional da Nova España a chamada Marcha Real. Tamén se fai a remisión á superioridade dos antecedentes relativos ás destitucións dos empregados municipais, ó sepultureiro, Salvador González Álvarez, do varredor, José Antonio Lombardero Mon e sereno, Jenaro Martínez Pulpeiro e os vixiantes de arbitrios, José Rey Vijandoi, Francisco Álvarez Díaz, Antonio Seijas Rodríguez, José Gómez Villarino e José Sanjurjo Vázquez.

O 29 de Nadal constituíuse no salón de plenos, coa presenza do delegado do Excmo. Sr. Gobernador Militar da provincia, o señor Miguel García Cortés a nova comisión xestora. Presidente alcalde, Antonio Moreda Rodríguez; tenente alcalde primeiro, Manuel da Barrera Rodríguez; segundo tenente, Fernando de Lazurtegui e Jordan de Urries; terceiro, Fernando de Parga y Rapa; síndico, Dario Ferro e Pulpeiro. Concelleiros: José Fernández Yañez, Francisco Maseda Villamil, Manuel Omjoy Reinante, Nicasio Franco Torres, Dario Ferro Pulpeiro, Wenceslao Alonso Casariego e Veremundo Rolle e Rolle.

Na sesión do 7 de xaneiro do ano 1937 dáse conta dun escrito do presidente do concello de Oviedo, felicitando e mostrando a súa gratitude ao concello de Ribadeo pola axuda moral e material que remitiu a esa cidade.

Na acta de sesión ordinaria do 18 de febreiro o sindicato agrícola da Devesa “Prosperidad Cantábrica” propón a creación dunha feira. O concello accede e cre que sería mellor o segundo xoves de cada mes. A proposta do alcalde, e co fin de facilitar aos agricultores destas comarcas as transaccións de gandos acordouse por unanimidade restablecer as feiras que se viñan celebrando no lugar de “Puente” o segundo domingo de cada mes e no Campo de Cantarralana desta vila o derradeiro domingo do mes.

Acórdase cambiar o nome da rúa “Pablo Iglesias” polo de “Rúa do 23 de xullo” e mercar un cadro do Sr. Don José Calvo Sotelo para colocalo no salón de sesións e designar como vertedoiro de lixo o foso do Castelo de San Damián a onde se deberá levar todo o lixo que se produza na vila.

Acta do 20 de marzo, o señor alcalde puxo en coñecemento da corporación que carecendo de básculas para pasaxe do gando nas feiras que se acordou restablecer na vila e non habendo medio de adquirilas neste momento, obtivo autorización do sr. Gobernador civil da provincia para proceder á incautación das que posúe a “Fundación Pedro Murias” e dispoñer das que pertencen á Sociedade Agraria de Obe “La Victoria”. Decídese restablecer o vello costume de acudir ós actos eclesiásticos da Semana Santa.

Na sesión ordinaria do 1 de abril, a petición do xefe provincial de Falanxe Española e das J.O.N.S de Lugo acordan poñer o nome de “José Antonio Primo de Rivera” a unha rúa.

O 20 de maio, tense coñecemento dun oficio do director do instituto de 2.ª ensino, participando que con data de onte e como consecuencia dunha denuncia formulada por varios alumnos de dito centro acordaron a suspensión de emprego e soldo ó bedel Faustino Penedo García e instrución de oportuno expediente. O alcalde acordou que se remita testemuño de tales antecedentes ó xulgado militar desta praza por estimar que estes feitos denunciados poden revestir un grave delito contra a patria e dende logo contra o movemento nacional.

Na sesión do 17 de xuño tense coñecemento dunha solicitude de Fernando e Carlos Fernández Piñeiroa, Manuel Peña Gil e Manuel Fernández Rodríguez, donos dos automóbiles de aluguer deste concello acordouse solicitar como parada para ditos coches a Praza de España desta vila, no espazo comprendido entre o cantón de Pedro e Juan Moreno e as estradas á Veiga e punta Moreira. Que o aportado para o avión “Lugo” se destine á subscrición do acoirazado “España”. A petición do Excmo. Sr. Gobernador civil e do delegado provincial da F.E.T e das J.O.N.S acordouse contribuír con 10 pesetas mensuais para Radio Lugo.

Na acta do 15 de xullo acórdase que para o conveniente aloxamento das forzas do exército concentrado nesta vila, dispuxérase que, por conta dos fondos municipais se efectúen algunhas reparacións no edificio que pertenceu á sociedade obreira “La Prosperidad”.

O 22 de xullo, en sesión extraordinaria ponse en coñecemento da xunta xestora dun oficio do Sr. Enxeñeiro Director de Forzas de Lugo co gallo de poder formar un plan de traballo dos prisioneiros de guerra e presos políticos, para que este presidente-alcalde se sirva mandar unha relación de obras que se poidan executar nese concello. A dita corporación tendo en conta que o faro da Illa Pancha situado no Oeste da entrada deste porto está comunicado actualmente coa rede de estradas da provincia por medio de camiños rurais de condicións pésimas sobre todo no inverno, durante a época das choivas estes fanse intransitables polo que os transportes de efectos a dito faro resultan complicados e por tanto caros e as visitas do persoal encargado son nalgunhas ocasións molestas. Para evitar estes inconvenientes sería bo a construción dunha rampla que poña en comunicación o mencionado faro da illa Pancha coa rede de vías do Estado e principalmente os peiraos de Grimarán e Porcillán para facilitar o acceso e aprovisionamento daquel; esta vía podía prestar outros servizos xa que cerca do faro está encravado un dos principais postos de vixilancia de carabineiros que gozaría dunha boa comunicación co centro de Ribadeo, onde radica a cabeceira da compañía e o mesmo lle ocorre á estación de salvamento de náufragos que podía quedar á marxe de dita rampla. Ademais, a rampla que se proxecta por ir bordeando a ría co obxecto de aproveitar para explanación do camiño rural existente constituiría un medio eficaz para facilitar os servizos do porto e acceso ás praias de baños, faría factible tamén a comunicación co cargadeiro de mineral e permitiría así mesmo ós agricultores daquela zona extraer do mar con moita máis facilidade e sen perigo as algas que utilizan para o abono das súas terras. Para a construción de dita rampla non se necesitarán materiais máis que por valor aproximado dun terzo do total da obra. Esta obra realizarase nun radio de tres quilómetros do penal deste partido xudicial e do campamento instalado no outro lado da ría ás inmediacións do pobo de Figueiras.

20190208

A residencia no 2019

A conto dunha nova que me fixeron notar hoxe, voltei ler a nota de prensa que liberou o concello o día 5 sobre a residencia, e póñoa no blog, sen comentarios sobre o contido, que a quen teña seguido a historia da residencia de maiores de Ribadeo non lle fan falta, e a quen non, faltaranlle referentes. O título, é tal cal aparece na páxina do concello, de onde copio (supoño que a intención sería poñer algo como 'o alcalde pide rapidez e acusa...').

E ACUSA Á ADMINISTRACIÓN GALEGA DE RALENTIZAR A APERTURA
PIA para a residencia
05/02/2019
O alcalde, Fernando Suárez, solicítalle á Xunta que conceda canto antes o PIA para a nova residencia de maiores. O rexedor denuncia que Ribadeo leva máis de mes e medio agardando por este permiso e di que "este silencio xa cheira".
Suárez Barcia manifestou que "este silencio de vai máis de mes e medio que enviamos desde o Concello de Ribadeo toda a documentación á Xunta de Galicia para solicitar o PIA, o permiso de inicio de actividade. Toda a documentación, con todos os certificados, con todos os acordos, con todo, administrativamente de maneira impecable como penso que ningunha outra administración pode ter enviada esta documentación á Xunta".
O rexedor sinalou: "entendemos que mes e medio despois, vulnerando totalmente os prazos que a lei establece para que se emitan informes, para que se evacúen informes, etc…, temos silencio. Hai uns días comuniqueime persoalmente cunha subdirectora e, un tanto nerviosa, dixo que si, que os estaban estudando e que nos contestarían".
Para o alcalde ribadense "o tema é que vai máis de mes e medio aló, e eu quero dicir xa, non no nome do goberno senón que me atrevo a dicir no nome de toda a Corporación de Ribadeo que o que está pasando aquí coa Xunta de Galicia é algo para estar abraiados. Non debe supoñer tanto problema a petición de informes porque, segundo a lei, hainos que evacuar no prazo de dez días, polo tanto este informe que a Xunta está esperando dos seus servizos xurídicos deberá estar feito cinco veces. Tampouco é tanta novidade o método de xestión que nosoutros queremos aplicar, que é unha xestión baseada na cooperación no que a propia lei 27/2013, impulsada polo goberno de Rajoy no seu momento, busca para que as administracións primemos a coordinación, a eficiencia e a eficacia, e primemos que estas Deputacións poidan, dunha maneira activa, impulsar todas aquelas accións entre Concellos de menos de 20.000 habitantes, como é o caso".
Suárez Barcia pregúntase "que é o que ocorre, pois que podemos empezar a pensar mal a Corporación Municipal de Ribadeo de que esta demora non teña nada que ver coa cercanía do proceso electoral, que dalgunha maneira isto hai que paralo sexa como sexa e dalgunha maneira a Xunta está buscando o imposible para poñernos problemas outra vez, para poñer paus nas rodas, que é o que viñeron facendo durante estes anos coa residencia. Primeiro non deron un can para construíla e agora como temos acreditado a posibilidade de levalo adiante entre a Deputación e o Concello, e de feito nestes días a Deputación está en proceso de selección da mellor empresa que poida levar a xestión xunto coa propia Deputación, dalgunha maneira a Xunta quizais está intentando buscar algún recoveco para poñer problemas".
O alcalde engadiu: "polo seu ben, e pola opinión pública de que todo o mundo está mirando en Ribadeo a actitude da Xunta para que dunha vez por todas dean o permiso de inicio de actividade, porque creo que non tiveron tantos miramentos para dar en outros Concellos, aos que con tres papeluchos deron o PIA, e aquí pouco menos que coa enciclopedia británica, nos están poñendo problemas polo menos con este silencio que xa cheira".

20190201

A quen non lle gusta a illa Pancha ou o surf?

A quen non lle gusta a illa Pancha ou o surf? Emblemática, bonita, unha gozada calma a unha, un pracer visual o outro...
A cousa vai sobre o Challenge Isla Pancha. Unha revisión ós datos.
A organización comunicou á prensa que o orzamento da proba era 200 000 € (Deputación, 12 000). E tamén, e no pdf de prensa dispoñible na web do evento pode verse, que o equipo, todo o equipo, son tres persoas. Anunciaron 24 surfistas. Ó final, as fotos que se poden ver inclúen 16 persoas, mesmo con xente da organización, aínda que sexa titular estendido que houbo 24 surfistas.
O público foi numeroso, a capacidade de convocatoria foi grande. Mais estaba previsto (folletos de difusión) para 15 000 persoas. Iso supón máis de 4000 vehículos cunha ocupación media de 3 persoas, a máis da xente que fora camiñando (que foi unha mínima cantidade pola temperie que había. Pero esa cantidade de coches, aparcados en liña polas cunetas, supón ben máis de 16 km de cunetas... moito, aínda que se admita que houbo varias quendas de aparcamento. A repercusión na hostelería coido foi escasa fóra da propia organización. E, botando contas cun número estimado de xente visitante ó evento (ribadenses incluídos) saen cousa de 100 € por visitante. Non sei os clic que puido ter, o que sería outro ratio interesante. Se foron os previstos, sairía a cousa de un décimo de céntimo por cada 'clic'...
Anunciáronse ondas de ata vinte metros, a partir dunha previsión de ondas na zona de máis de sete metros. Pero a previsión era de ondas abondo menores, e non sei se chegarían ós 10. Que coido que son abondo grandes, pero que nos comentarios de foros especializados cualificaban como 'A mi me parece una ola de 2daB, en cuanto a calidad, pero bueno, ellos sabran' ou 'da la sensación de que le falta brazo a la ola para poder surfear', sen comentarios en contra (https://www.surf30.net/2019/01/luz-verde-illa-pancha-challenge-2019.html). De feito, ó día seguiente, https://www.todosurf.com/prevision/isla-pancha-spot359.htm tiña a pantalla:
... claro que hai que tomalo como algo relativo, pois na mesma páxina, no mesmo momento, podíase ver esta outra imaxe:
O que achegaría as ondas cara ó mediodía ós 8 metros, como aparenta nalgunha foto pero quizáis menos que no entrenamento e decididamente menos que en fotos e vídeos doutros momentos, aínda que o día 16 de decembro, no El Progreso, un dos arganizadores cualificaba de incribles ondas de 9 m (na web do evento e nos folletos di que se acadan facilmente os 18 m).
Os premios foron dados en criptomoedas, como pode verse nalgunha foto. E os comentarios sobre a criptomoeda usada, non demasiado bós, como se pode ver na ligazón.
O ter a un pobo (a máis dos surfeiros interesados) pendente durante un mes ten moito mérito, e as grazas á prensa son debidas, aínda que non por iso deixou de haber algunha confusión sobre o desenrolo, mesmo entre os afeccionados que comentaban no facebook do evento, en cousas como cantos días ían ser o día anterior da final. Ó final, 1 día.
Hai máis datos sobre o 'challenge' que a altura das ondas ou os 200 000 euros para un día de evento.
Na páxina aínda activa do challenge e nos folletos descargables pode lerse que son medidas a implementar o valado de zonas sensibles ou a creación dun "'comando' formado por escolares" para a preservación do entorno, algo que polo menos a min me pasou desapercibido, que revisando as fotos non vexo e que, dentro da illa, entendo que sería ilegal.
Puiden descargar dous panfletos sobre o evento. Un, de once páxinas, cualifica a proba como 'EVENTO DE INTERÉS DEPORTIVO Y MEDIOAMBIENTAL', o que me levou a ir un pouco máis aló. Nel cualifícase o evento surfeiro como o máis importante que se teña realizado en Europa ata o momento. Recoñécese que a época de celebración é sensible para as aves de paso, e que 'este campeonato va reunir esfuerzos para que el impacto medioambiental sea nulo'. Recoñece ademáis que a Ría de Ribadeo ten múltiples recoñecementos medioambientais, incluida en la Red Natura 2000 como Lugar de Interese Comunitario (LIC), declarada Zona de Especial Protección para Aves (ZEPA) dende 1989 e Zona Húmida de Importancia Internacional inscrita no convenio Ramsar dende 1994, ó que lle suma o recoñecemento como refuxio nacional de caza dende 1983". Calquera que estivera por alí ou vexa as fotos da illa e aledaños poderase facer moitas preguntas ó respecto do que se entendía nese recoñecemento, nos esforzos e na nulidade.
O outro, o dossier de prensa, avisa o evento como o primeiro dunha serie de eventos mundiais (enténdese organizados pola mesma empresa) nos que se irá 'máis aló dos límites coñecidos' e di que ten xa a confirmación dos 24 pariticipantes anunciados, podendo prever a asistencia in situ dunhas 15 000 persoas e 150 000 000 clicks 'no seu apartado'. Con 19 000 páxinas con algo referido á illa en internet (incluído por exemplo, o maratón) cando se procura por 'isla Pancha challenge', saerían a cousa de 10000 clics por páxina de media para chegar a esa cifra, incluídas as de medios de gran difusión con notas que pouco teñen que ver coa competición.
Coido que un modesto repaso como este debe ir rematando. Mais antes, unha pequena nota: se ben houbo anuncios de boa vontade en canto ó medio ambiente antes do evento, sexa como bon rollo sexa para calmar posibles oposicións, o mesmo feito do evento contribúe a botar terra por riba doutro asunto. Por ningures sae que se está a usar unha illa de todos para algúns, entendemos que con privilexios, incumprindo permisos, normas, contratos... e resultando outras actividades como propaganda implicita para reforzar eses feitos. A non ser que se considere que as normas non son as mesmas para todos.
O próximo ano voltará haber espectáculo?