Ribadeando

Definición e indefinición

2012-02-01T08:30:00.000+01:00

Cousas contrapostas, e ás veces, tan ligadas...
Dúas novas chaman a miña atención esta mañá. Unha, a definición de estratexias por parte de Alcoa para eventualidades como a rotura da presa de lodos vermellos. A quen mire a foto que acompaña a nova na Voz de Galicia, ou mellor, unha foto que deixaron en Panoramio, non creo que lle queden moitas dúbidas de que o plan servirá para os norteamericanos, pero non para a xente viciña. Por suposto que é necesario para evitar males maiores, pero se se rompe, e todo o construído 'tende' a rachar, o plan correspondente chegará sempre despois de tempo. Para iso se fai, para cando xa non hai tempo de facelo porque o mal está aí, e só se trata de evitar que a catástrofe sexa maior.

A balsa, hai uns anos, sen encher aínda, en comparativa de tamaño con construccións próximas

Na foto do sigpac hai moitas casas. Son puntiños. A balsa non o é.
Definición no caso de Alcoa, indefinición no caso da asociación de montes comunais de Ove. Polas novas previas nos xornais sobre a última asamblea que mantiveron, a situación continuará a deteriorarse, cunha dimitida directiva (según moitos comuneiros) ou non dimitida (segundo a propia directiva). Na asamblea xa se levou a un avogado, pero quedou fóra. Os intereses deben ser moitos para que haxa tal pulsión cando na grande maioría de sociedades ribadenses hai que procurar por xente para estar na directiva. tentarei enterarme de máis, porque está visto que o que sae na prensa non é todo o que pode saír (outra cousa é que despois de enterarme, me decida a publicalo por cuestións legais, pois o camiño legal neste tema considero que xa está escrito)

Móvese Ribadeo

2012-01-31T08:00:00.000+01:00

Ás veces, toca dicir sinxelamente iso: móvese. Ribadeo móvese. Comezaba a fin de semana coa petición do alcalde á Xunta dunha xuntanza con motivo do algo máis dun ano pasado de que que O Tesón enviou a Madrid a petición do retorno xulgado perdido hai xa máis de 50 anos. Quizáis tamén contriuiu á lembranza que aparecera na prensa o titular galego de Xustiza dicindo que a cousa non era considerada e que tiña que modificarse a lei de planta, mentras parece que Mondoñedo poidera ter unha terceira sala.
Continuaba o curto pero rendible cursiño sobre os humedais, levado por Pablo Ramil na exposición teórica e Enrique Sampedro no avistamento de aves do que me quedei coas ganas.
E rematou luns, coa entrevista da comisión municipal da residencia co encargado de servicios sociais da Deputación para prantexar o tema. Como na actuación coa representante da Xunta en Sargadelos hai uns días, de novo se quedou nunha xuntanza posterior a maior nivel, pero polo menos a cousa non está parada e participou a nivel supramunicipal outro dos partidos represeentados no concello, co que so queda por saír na foto o PSOE, que é de esperar que o faga próximamente.
Aínda que sexa a paso lento, que se mova ... se non ten resultados por agora, nalgún momento os terá.

O aumento dos estados fallidos

2012-01-30T07:57:00.001+01:00

Somalia. Intentouno, pero o descenso ós infernos é patente. Volta a unha sociedade feudal brutal. O estado non está nin xa se lle trata de procurar. Con máis 'sorte', Iraq poidera saír do furado despois dunha década de ocupación e estar abondo peor que hai non xa dez, senón 20, 30 anos. Afganistán, a guerra dos cincoenta anos, outro goberno títere nun lugar con guerras civís continuadas dende hai máis de medio século en independencia ...
Países do terceiro mundo.
Pero, non son os únicos que poden pasar a un estado fallido. Sen ir máis lonxe, onte un xornal chamaba a atención en diferentes lugares da posibilidade de estados fallidos en México ou Grecia, con características abondo diferentes dos anteriores. En Grecia, pola enorme débeda que ten, incrementada polos draconianos intereses que se lle impuxeron. Está moi lonxe aínda dos países anteriores, pero o descenso das condicións de vida fan presupoñer ós analistas o descontento social, as protestas, os intentos violentos de cambiar as cousas, e de novo, o aumento sucesivo do descenso das condicións de vida e intereses, ... é dicir, a espiral descendente, sempre que non se lle bote unha man. Non sei se será certo o análise ou só un intento dos prestamistas de asegurar os seus cartos a altos intereses, e así, as súas ganancias, unha vez que non ten seguido o camiño islandés cara a saír do absurdo (claro que os casos son diferentes; non imos entrar neso agora). Pero o certo é que xa ten menos estado que tiña, máis débil, e está previsto que siga, mentras que as forzas que tentan desfacelo son polo cantrario, máis fortes. As causas anteriores? A discutir noutro momento.
En México a posibilidade era pola guerra civil entre clans da droga, que se cobrou abondos mortos o mesmo día que o seu presidente era nomeado grande estadista no Foro Económico de Davos despois de lograr aumentar a desigualdade nun país xa abondo desigual, e pola fame tras un movemento de propiedades no campo que ten levado a que grandes compañías posúan 1/3 dos campos do país. Pero claro, o título de grande estadista non era por iso, senón por asegurar que a economía mexicana medrara a máis dun 3%, pero sobre todo, por asegurar a posesión de cousas e voluntades dos poderosos. De novo, a análise das causas volta a quedar máis lonxe,mentras se ve máis patente a contradicción entre o pao para o pobo e a cenoria para o dirixente.
Ben, a cousa, o aumento da lista de estados fallidos, está relacionada pois con imposicións económicas e desigualdades sociais. Pois ... noutro grao quizáis, pero aquí tamén sabemos diso.

Competencia ante as peticións de Ribadeo

2012-01-28T20:43:00.001+01:00

Un exemplo do que me decato no xornal de onte: Un 'especial' (=anuncio de dúas páxinas metido como nova) da apertura dunha residencia (privada) no concello de El Franco, en Asturias. Volvo ás páxinas de internet e atopo unha das novas (de alí pode saltarse ós outros artigos relacionados). En Ribadeo, iremos camiño adiante?

Nota da asociacion galega defensa sanidade publica

2012-01-27T10:42:00.000+01:00

A Asociacion Galega para a Defensa da Sanidade Pública quere comunicar á cidadanía Galega das consecuencias para os pacientes das política de recortes e privatizacións do sistema sanitario galego postas en marcha polo goberno da Xunta

A estratexia de aforrar á conta de reducir a oferta de atención está deteriorando de xeito gradual e progresiva a todo o sistema sanitario galego: Iniciar coa paralización do Plan de Mellora de Atención Primaria que suprimiu 60 novos centros de saúde, 193 medicos ou 385 enfermeiras; os plans para reducir nun 15% os persoais de medicos; o deixar sen dereito á atención a persoas emigrantes ou que perdan o paro; a supresión de radiólogos nas urxencia dos centros comarcais; a paralización da actividade de tarde dos centros hospitalarios; o atraso e privatización na construción de hospitais como o de Vigo cuxas camas reducir nun 40% á vez que se suprimían os módulos de investigación, docencia ou tratamento avanzado do cancro; a paralización das obras de ampliación do Hospital de Pontevedra e dos plans directorios mellora dos Hospitais da Coruña, Santiago e Ourense; etc, etc.

A pesar dos esforzos de maquillar e ocultar esta situación amparándose na crise, cada vez son máis evidentes as súas graves consecuencias: Dispáranse as listas de espera que ata chegan a pechase vulnerando a legalidade e os dereitos dos enfermos; cóbranse servizos ata agora gratitos como as próteses cirúrxicas; péchanse expós enteiras de hospitais e consultas de atención primaria durante o verán ; etc.

A última vulneración ao dereito á asistencia sanitaria é a supresión pola Xerencia do Complexo Hospitalario de Ourense de 70 camas e manter outras 30 baleiras mentres que os pacientes amontóanse no Servizo de Urxencias durante días en camillas i cadeiras de rodas, para aforrar os gasto de ingresalos e tratalos nas plantas do hospital..

Non contento con isto o Sr Núñez Feijoo , ameazou nunha recente entrevista nun medio de comunicación con novas sancións aos galegos enfermos que non acudan as citas. O PP vén avisando que logo das eleccións de Andalucía o PP quere aplicar recortes aínda máis drásticos o sistema público.

Por todo iso a nosa Asociación quere advertir sobre a necesidade de mobilizar a toda a sociedade galega en defensa do sistema sanitario público universal, accesible e gratuíto que corre o perigo de desaparecer en Galicia.

Soamente unha alianza de cidadáns e profesionais afectados por estes recortes pode aínda evitar o desastre

Falta de democracia

2012-01-27T07:44:00.001+01:00

Hoxe non vai de Ribadeo, senón con Ribadeo como participante nunha sociedade moito máis ampla. Onte pola tarde saltou a nova en diversos blogs de que os representantes da grande maioría dos países da UE tiñan asinado o ACTA nunha xuntanza en Toquio. Coido que é un novo acordo que recorta os dereitos da xente en beneficio das grandes compañía e os seus propietarios, pero neste caso, de novo, o máis importante non é iso. É que se produxo específicamente evitando a participación popular, ocultando á xente de que se trataba e evitando que soubera nin a data da sinatura. En países e sistema teóricamente democráticos, máis que o noso (que tamén asinou), onde onte mesmo a nova alcaldesa de Madrid pedía voluntarios para facer traballos públicos porque a cidadanía tiña obriga de devolver todo o ben que lle ten feito á sociedade (ante la crisis los ciudadanos deben "hacer algo por la sociedad"), onde se atacan ós xuíces cando convén e se instrumentalizan cando queren, e que descargan a autores de chanchullos da súa carga legal.
Ou sexa, de novo somos sociedade para pagar os pratos rotos, pero non para exercer como cidadanos.
Por certo, alguén sabe algo do regulamento de participación cidadá de Ribadeo?

Un paso máis cara a unha residencia de anciáns en Ribadeo

2012-01-26T08:09:00.000+01:00

Antonte á tardiña tivo lugar o primeiro encontro sobre a residencia de anciáns con implicacións máis aló de Ribadeo. Tratouse dunha xuntanza entre a Comisión pro residencia (por así dicilo, o 'grupo legal', do que forman parte dúas persoas do 'grupo impulsor' que segue a funcionar, a Plataforma pro residencia, e representantes dos catro grupos políticos do pleno) e a Delegada Territorial (sabido que a Delegación Provincial actual inclúe a tódalas delegacións das consellerías, levadas cada unha por un 'coordinador provincial').
A Xuntanza tivo lugar na oficina da Xunta na Casa Museo da Antiga Fábrica de Sargadelos, e se ben non produxo ningún avance concreto, algo que está aínda lonxe, as impresións non foron malas. O alcalde, como portavoz da comisión, difundiu un comunicado, que aparece na web do concello en dúas partes: Comunicado sobre a xuntanza, na realidade un anuncio previo, e Comunicado posterior en relación ó desenvolvemento da xuntanza. Este segundo comunicado apareceu acompañado nalgún medio de datos sen formatear do estudo preparado polo concello en outono. Deixo a lexible deste estudo nunha sección de 'Publicado en Ribadeo'.
Básicamente, o resumo da xuntanza sería que a Comisión expuxo o obxectivo de contar cunha residencia de maiores cun carácter non só local, senón comarcal, e as razóns que ten Ribadeo para ter a residencia. O estudo foi entregado á Delegada ó dicir ista que había que facer un estudo da necesidade. A Delegada prometeu unha próxima entrevista coa Conselleira (para a 1ª semana de marzo). E a Comisión xa lle comunicou que tratarían outros apoios, como o da Deputación Provincial.
A lembrar que é a Plataforma veciñal, e non a Comisión, quen ten convocada unha manifestación, pero tamén a lembrar que existe entre ambas unha forte conexión como o indicaría xa o obxectivo común, e que dependendo do desenvolvemento destas xuntanzas, no seu momento podería variarse a convocatoria de manifestación, se ben queda moito camiño aínda para o 22 de abril, día da convocatoria anunciada para manifestarse.

Unha implicación do peche de megaupload en Ribadeo

2012-01-25T14:41:00.001+01:00

Emprego peche e non cierre polas características do asunto. Pero, imos o gran.
A banda renovou a súa páxina. Unha das consecuencias, a publicación na web dos estatutos de Amadores, a súa sociedade matriz. Están publicados? Non. Intenta descargalos dende a páxina de 'documentación' coa ligazón que poñen: http://www.megaupload.com/?d=Z2IAU0R3
Non copio aquí o que aparece. Sorpresa!

de plantas medicinais, arándanos e moras, artigo de Evaristo Lombardero

2012-01-25T10:37:00.000+01:00

DE PLANTAS MEDICINAIS, ARANDANOS E MORAS

A asociación Puente de los Santos (Concellos de Ribadeo e Castropol. Leader Plus) promoveu, hai poucos anos, un proxecto de Prantas arómaticas e medicinais do cal non é doado atopar información no momento actual. Entre outras cousas porque da devandita plantación non quedan nin os restos. Non se vendeu nin un so mañuzo que, en realidade, nin se recolleu, porque non había nada que recoller. Está por saber cantos cartos se gastaron, ou se tiraron, ou se evaporaron. A información non está disponible, pese a tratarse de cartos públicos. Polo medio dimitiu a responsable das finanzas acusando á Xunta Directiva de “presentar datos falsos o careciendo de los informes pertinentes” e deixando constancia escrita da “… la imposibilidad para ejercer mi cargo en cuanto al control de la legalidad y económico de los proyectos presentados” Sin embargo ahí siguen os responsables tomando decisións e alumeando novos proxectos de incerto futuro.

Agora promoven unha plantación de arándanos nas chairas de Arnao, o punto mais avesío que pudieron atopar e outra de moras, grosellas e frambuesas en Ribadeo. Agardaremos os resultados mentras desexamos o maior éxito productivo e comercial.

Pero en tanto non chegan podería pedirse información. Trátase de cartos públicos, veñan de Europa ou da Cochinchina e proceden dos impostos dos europeos, sexan de Vilaframil ou do sur da Catania siciliana, unha das bisbarras mais deprimidas de Italia. Proceden do traballo e do esforzo de miles de homes e mulleres e non nacen nas árbores de xeito espontáneo. Polo tanto pedir información non é ningún delito. Ao revés, é a maneira de afortalar as democracias e procurar que os fondos europeos sirvan para algo útil á sociedade.

Polo tanto quedamos na agarda de que alguén explique os pormenores dos gastos e o proxecto concreto de resultados. ¿Cantas toneladas de moras e arándanos se pensan producir? ¿Onde se van vender? ¿A qué precio? ¿Onde hai experiencias similares e qué resultados están tendo? ¿Canto se está pagando, actualmente, por estes productos?. ¿Onde están as empresas que os comercializan?.

Estaremos ao loro.

Evaristo Lombardero Rico

Falando sobre a periferia ... desfavorecidos nun factor 40

2012-01-25T08:06:00.002+01:00

Hai un par de días falei no blog sobre estar na periferia. Era a reposición dun vello artigo xornalístico no que falaba de comunicacións, en particular, telecomunicacións (non de economía ou de poder, que tamén son aplicables no caso de Ribadeo). Sobre o tema chegoume unha captura de pantalla que quero poñer aquí porque serve de complemento actual e natural ó artigo.

Test de velocidade antonte en Suecia

A anterior imaxe corresponde á captura de pantalla dunha conexión ADSL feita en Suecia antonte. Podo aclarar que é unha conexión normal, non especial nin de tarificación alta.
Abaixo, a correspondente á miña conexión esta mañá (tamén unha conexión normal nestes lares, neste caso nunhas condicións moi boas, feita a unha hora cediño sen moita competencia na rede en Ribadeo...)

Test de velocidade, esta mañá, en Ribadeo

Coido que as diferencias poden ter algo de aleatoreidade, naturalmente. Pero as comparacións desbotan que as posibles aleatoreidades teñan algo que dicir en relación coas diferencias:
*Ping (é dicir, tempo necesario para a devolución dunha sinal), 20 veces superior aquí.
*Velocidade de baixada, a de carga de páxinas web, por exemplo, máis de 40 veces máis rápido en Suecia.
*Velocidade de subida, para enviar datos, como cargar ficheiros nos correos electrónicos, máis de 40 veces máis rápido ...
É dicir, seguimos estando na periferia.
Máis aínda. Lembro que cando contactei a nova liña dixéronme claramente que me ían cobrar tanto como lle cobrarían a outra persoa pola conexión nunha cidade, pero que me ían dar unha velocidade metade. Cousas das liñas... Por certo, nesto a compañía non ven a conto, pois son semellantes.

Teatro do absurdo

2012-01-24T08:13:00.001+01:00

O teatro do absurdo foi ... bo, mellor, na Galipedia. Ó fin, non deixa de ser teatro, e polo tanto, interpretable.
Paso tódalas semanas unhas cantas veces por diante dos edificios que fotografío abaixo. Os dous son públicos, aínda que correspondentes a diferentes administracións. O primeiro ofrece un paso máis nunha seire de atrancos decisións e tonterías que tentarei resumir:
No 1993, o actual Porta da Auga pediu unirse ó actual Gamallo por falta de espazo. A Delegación provincial sacouse o problema de enrriba cunha votación dos claustros. Non me lembro do número total de votos en cada caso pero si das circunstancias. No actual Porta da Auga, todo o claustro votou a favor menos dúas persoas. Xusto o contrario que no actual Gamallo.
Co século, o Porta da Auga adquiriu a condición de Centro Integrado de Formación Profesional. Daquela significaba ser un referente educativo, que entre outras cousas podía facer contratacións externas, coa obriga de ter formación profesional e xeral (ESO e Bac). Xusto o primeiro curso con esa denominación, cambia a normativa e os CIFP foron obrigados a ter só FP. Como resultado, e para non perder a posibilidade que ofrecía o ser CI, o centro dividiuse en IES (para a ESO e Bac) e CI (para FP). Ben, na realidade unha rama de FP quedou no IES porque o considerou así. Para facer a división, instituíronse dous claustros, dúas directivas ... quedando de xeito provisional no mesmo edificio, despois de ver a imposibilidade de facer unha división 'harmónica'. Pero comezou a construírse un edificio de servicios xerais para a emigración das oficinas do CIFP. Quebra a empresa construtora e párase a construcción do novo edificio por anos. A situación, compartindo instalacións, se non insostible, si alomenos non aconsellable. Solución da Delegación? Unir os dous IES de Ribadeo, e facer migrar cara ó edificio do Gamallo persoal e aparataxe do Porta da Auga. Para iso, e dada a vetustez do Gamallo e a necesidade de espazos divididos, obra no edificio do Gamallo coa construcción dunha ala enteira nova sobre os vellos talleres de cando era instituto técnico Rodríguez de Valcárcel. A obra primeiro leva retraso por cuestións burocráticas, logo por tema de cartos e por último, este mesmo curso, no que xa tería que estar funcionando o novo centro resultado da desintegración de Gamallo e Porta da Auga, a empresa construtora quebra. Dende antes de quebrar, o material do antigo laboratorio, mesas robustas, pode verse ocupando unha parte do patio e restando espazo de desfrute ós alumnos do Gamallo... Na foto tamén pode verse un campo de baloncesto inutilizado, á beira esquerda. E un pouco máis á esquerda, non visibles na fotos, os antigos edificios destinados a profesores, agora totalmente abandoados. Por certo, o edificio novo do Porta da Auga está xa case rematado, despois de rebaixárselle alturas (non tiña sentido ningún quedando o CIFP con todas as instalacións dos dous Porta da Auga, dos actuais CIFP e IES). É de supoñer que o próximo curso entre en funcionamento. Continuará.

Novo edificio no IES e material abandoado.

Falta de tempo ... esta obra álzase cara ó ceo e foi louvada hai pouco polo alcalde en facebook. Aquí habia un pavillón que funcionaba, aínda que se quedara pequeno. Tamén unha beirarúa que levaba construída menos de seis meses e que desapareceu oa obra.

Como nas catedrais, as agullas ó ceo.

Sempre interpretei mal o teatro do absurdo...

Nova vella entrada: Achégase o Fin de Curso

2012-01-23T21:56:00.001+01:00

O tema é xa vello, pero renóvase tódolos anos, na mesma época (que non é ista). O texto foi publicado o 19960630.
-
Achégase o Fin de Curso

Na nosa tradición occidental parece que tomamos a vida e os sucesos como algo lineal; eso din os estudosos da mentalidade social. Nembargantes, celebramos os ciclos. Este tipo de festexos nunca o entendín moi ben.

Celebramos os finais de ano como algo especial, cando o seu significado é o de que a Terra deu unha volta máis a unha estrela que distinguimos porque está moito máis perto que as outras. Conmemorámolo ademais nunha data que non ten nada de especial astronómicamente e, para máis inri, dun xeito inexacto porque esas voltas da Terra non coinciden cun número enteiro de días.

A partir de ahí, celébranse outras moitas festas, con máis ou menos sentido. Así, non creo que moita xente se pregunte porque se celebra o cumpleanos do nacemento/parto e non da concepción (o motivo non oficial pode estar en que se coñece con máis precisión e en caso contrario daría lugar a descubrir máis dun segredo ben gardado). Nembargantes, outras festas, a pesar de seguir o mesmo ritmo, teñen un sentido diferente, como as derivadas da recolección, onde realmente hai algo importante que celebrar.

Estamos na época pola que nesta parte do mundo se achega o fin do curso. Estoume referindo ó curso "normal", o dos estudos, non ó político ou outros ós que se lles chama así agora, aínda que moitas veces coincidan. Pois ben, o caso é que este final de curso ten dúas celebracións, unha posterior e a outra anterior á data fixada. Explícome. Tras rematar o curso, celébrase que xa non hai clases, que (din) xa non hai que estudar, que hai máis tempo libre, ... . Antes de rematar as clases, nun período variable (segundo a persona, o nivel de estudios acadado, etc.) exténdese unha ceremonia de outro cariz: é o síndrome do fin de curso. A éste, témeselle. Hai que esforzarse xa sen tempo, sen ganas, sen gusto, sen ...

A min, polo contrario, gústame imaxinar o curso escolar como un curso dun río. O principio, proceloso, saltarín, como o alumno, cheo de enerxía e activo, descansado do verán. Logo, pouco a pouco, máis calmado, pero con máis caudal, con máis coñecementos cada vez, para rematar desembocando dun xeito totalmente suave, verquendo as súas augas ó mar, os seus coñecementos na vida.

Se tomamos outra comparación, se estamos a ver unha carreira longa, todos nos asombramos e apoiamos a aquel atleta que cerca xa da meta deixa ós outros atrás nun sprint final. Nembargantes, para facer iso, antes tivo que correr a carón dos máis, pois senon ese derradeiro xesto non lle serve de moito. O que se busca pois nesos finais é acadar unha mellor posición, rematar superándose a si mesmo, non suplir a falta dun bó traballo previo. Igual ocorre no ensino/aprendizaxe.

O difícil é practicar estas ideas. En particular, hai unha percepción de contracción/dilatación do tempo coa idade que fai medrar na xente nova un sentimento de imposibilidade de manter o ritmo todo o curso.

Pode que sexa un pensamento romántico nunha época na que non se leva moito. Nembargantes, non só a LOGSE, senon tamén polo menos a anterior lei, a LGE (Ley General de Educación, Villar Palasí/1970) poñen o énfase no discurrir do traballo ó longo de todo o curso, a avaliación contínua e a formación continuada. É dicir, dase o mesmo valor o rendemento de cada minuto do curso, sexa o principio ou ó final do mesmo. ...Aínda que todos, profesores incluídos, e coa excepción quizáis dos anciáns, tendemos a lembrar máis as cousas máis próximas temporalmente, como ben saben os alumnos, dun xeito intuitivo.

En sentido estrito, estos prolegómenos que son o síndrome do fin de curso, van contra a lei. Van contra a lei no seu espíritu, pero non creo que poda haber un resquicio de castigo legal contra a multitude de estudantes que o practica. Podemos pensar que ou cambiamos o uso popular ou cambiamos a lei. Nembargantes, todos sabemos do valor da constancia e da dificultade de levala a cabo. E dubido moito que haxa unha lei en algún país que prime os atracóns da derradeira hora. Ó final, que Deus os colla confesados ...

Estamos na periferia

2012-01-23T16:54:00.001+01:00

Deixo outro artigo publicado na Mariña de El Progreso a 19960522. O cambio tecnolóxico e a súa continuación nos custes económicos é patente, pero nun día como hoxe, que a conexión a internet chegou a estar parada, ou ouho algún corte de luz, coido que ven a conto. No último parágrafo, paráfrase dunha cita que me chegou do alcalde anterior a esa data, referíndose a desfrutar da tranquilidade estando no centro da vila.
-

Estamos na periferia.

Moitas veces digo que Ribadeo é o cú do mundo. É un dito cariñoso, no que trato de deixar constancia de que estamos lonxe de Lugo, da Coruña e Oviedo, o que dificulta a relación con ese sitio onde hoxe se atopa cáseque de todo que é a cidade. O certo é que a mellora da rede vial fai que estas cidades esteñan moito máis achegadas á nosa vila (en tempo) que fai uns anos.
Nembargantes, seguimos sendo periferia e, polo momento, a nosa situación relativa está a empeorar nese sentido. Xa deixo craro que en termos absolutos a técnica permite unha mellor e maior conexión coas cidades, o noso entorno e, en xeral, co resto do mundo. Nembargantes, atopámonos agora con que para unha conexión mediante as novas tecnoloxías informáticas (a "rede" informática que pouco a pouco vai sendo tendida sobre o planeta enteiro) pode ser máis rentable conectar poñamos por caso, A Coruña con Toquio que Ribadeo con A Coruña. ¿Sorprendidos?. Pois sí. Explícome: como o enganche entre dous ordenadores fáise pola liña telefónica e a través de conexións especiais (os chamados "nodos" da rede), un ordenador da Coruña, para poñerse en contacto con outro de Toquio ten que realizar unha chamada urbana para conectar co nodo correspondente e iste traslada a chamada a Toquio.
Nembargantes, Ribadeo non ten nodo. Logo, para chamar de Ribadeo á Coruña establécese a conexión mediante a liña telefónica, sin mediación de nodos. O caso é que hai que pagar, no primeiro caso, só unha chamada urbana máis o abono de conexión ó servidor da rede, mentras que no segundo hai que pagar a conferencia interprovincial, o que non evita ter que contratar o servicio da rede para outros casos, o que resulta en xeral abondo máis gravoso. É o mesmo caso que as chamadas ó viciño ou as chamadas ó parende de América, só que por ista vez, para os que viven cerca dun nodo, calquera de outra cidade "con nodo" está tan preto en custe de chamada como o "viciño", mentras que para nós, os "viciños" seguen a ser só os de toda a vida.
Polo que parece aínda ha pasar tempo ate que alguén nos poña achegado un nodo de conexión á rede e evitemos as chamadas interurbanas, co aforro que iso supón. A Telefónica xa está suavizando dende algún tempo esta desigualdade, encarecendo relativamente máis as chamadas urbanas. Pode que cando vía ordenador se solucione o tema, entón o coste da chamada urbana sexa xa o mesmo que se se fixera ás antípodas. Claro que esto non nos servirá entón de moito.
Mentres, seguiremos na periferia aguantando cos cortes de luz no inverno que nos proporciona ¡gratis! Barras (que se chinchen os das cidades, que non os disfrutan), facendo compañía ós axustes telefónicos da dita Cía. Telefónica.
¿Que non somos o cú do mundo? Certo, hai sitios moito peores, pero bo, a idea ... ¿Ou que é iso de estar vivindo "no campo" e querer disfrutar das ventaxas da cidade?

Ribadeo en HDR

2012-01-22T23:27:00.000+01:00

Deixo aquí un par de fotos de Ribadeo (decembro 2011) que recibín de José Manuel Martínez en HDR... (baixei a resolución para que se poidera cargar máis rápido)

Porcillán

A Torre dos Moreno, parte traseira

O estiramento dunha masa

2012-01-22T10:05:00.002+01:00

Procurando outras cousas, remata de caer a miña atención na versión dixitalizada de artigos que teño publicado en tempos (década dos 90) na Mariña de El Progreso. Deixo unha das publicacións que coido resistiu abondo ben o tempo, a pesares da temática:

O estiramento dunha masa (4/12/97)

A semana pasada volvín escoitar mencionar un efecto económico que continúa a producirse nos EUA dende comezos da década pasada: a separación cada vez maior entre a renta das capas sociais económicamente poidentes e os desfavorecidos.

Este fenómeno prodúcese a nivel mundial e a nivel de cada país. Resulta que, no mundo e en termos xerais, os que teñen cartos, cada vez teñen máis. E os que teñen poucos, cada vez teñen relativamente menos. Dentro de cada país maniféstase o feito do enfraquecemento da chamada clase media, que en principio parecía característico da economía estadounidense.

No conxunto das nacións, está a aumentar a separación entre os países desenvoltos e os chamados non desenvolvidos, tras varios decenios nos que se daba efecto contrario. E aínda agora están os chamados dragóns asiáticos, países con forte crecemento, a sufrir os efectos dunha tormenta monetaria contra economías que se saben débiles e con defectos estructurais debidos en parte ó seu rápido crecemento.

As causas destas manifestacións son diversas. O abandono da progresividade nos impostos pola presión da xente que pode influír, a maior facilidade para establecer contactos comerciais e de emprego por parte da xente que xa pode facelo, os contactos, ... . No caso de comparacións internacionais maniféstanse máis claramente outros efectos, como que a pobreza impide manter a sociedade organizada e aumenta a corrupción, prodúcense os levantamentos armados e os motíns, etc. No caso de particulares, o verse atado para facer calquera cousa por falta de cartos inicia a espiral da marxinación e aumenta o problema.

Vénseme á cabeza o estiramento dunha masa. Se temos masa para facer empanada, por exemplo, podemos estirala de varios xeitos. Cun rodillo, a mistura queda aplastada por igual e diluída, con pouca consistencia mentras non se coce. Pero hai veces que estírase suxeitando unha porción cunha man arriba e outra coa outra man, abaixo. Nese caso, se se comeza a estirar, cada cachiño de masa dos que queda no medio toma un camiño, en parte aleatorio, para unha ou outra beira. Cando se segue a estirar e a afina-la ponte entre enrriba e abaixo, entón vese claro que o mesmo peso leva a maioría de material cara abaixo. Así ata que remata por rachar, e entón podemos contemplar dous bloques separados nos que a maior parte (case toda) da masa que facía ponte está na parte de abaixo.

A idea paréceme abondo concordante co que está pasando na economía: non é só que esa ponte esté a facerse máis estreita, senon que cada vez é máis longa.

Pensando no fenómeno que está a suceder coa ´ponte´, podemos chegar a algunhas conclusións. Coa masa, o facer pontes podemos considera que non é máis que un xogo. Na economía é a realidade na que se ve afectada moita (toda) a xente.

Parece que a creación de riqueza de que tanto se fala por parte dos economistas e políticos debera servir para atenua-lo proceso. Ata hai un par de décadas, así foi en todo o mundo. Dende entón, comezando polos EUA, non o é. A creación de riqueza vai cada vez máis para os que xa son ricos. Ademáis, de pouco serve o ter algo de cartos cando eses cartos non chegan. E telos vólvese cada vez máis necesario para poder facer calquera cousa. Refírome a facer algo coa propia vida, sen máis: ¿que se pode facer hoxe sen cartos?. Está visto que os tempos cambiaron; na xeración anterior un neno que tiña algo na casa non era pobre. Hoxe necesita ter cartos para poder saír dela. O mesmo sirve para os maiores, con outros matices.

... Despois de todo, e ben pensado, a analoxía económica coa ponte de masa non debe ser moi válida: a masa soa a cartos, a eso de ´masa monetaria´, por exemplo. Pero sobre todo non debe selo porque na realidade, esa masa monetaria vai parar ós menos, ós máis ricos, os ´de enrriba´. Non ós máis numerosos, os pobres, os de ´abaixo´.

Á beira da ría de Ribadeo

2012-01-21T20:03:00.000+01:00

Desgoberno

2012-01-21T10:23:00.000+01:00

Chegoume por varias canles o artigo de Juan José Millás cando xa o tiña lido. Fíxome pensar, porque certamente é bo, pero procurar unha e outra vez o seu eco, só o eco, sen aportar nada máis, coido que o fai unha especie de icono a seguir, sen acción interna, sen interiorización e mesmo chegando a rallar e desmotivar. Evidentemente, o espallamento da idea de que existe desgoberno é algo xa, pero moito menos do que debera se consideramos a 'capacidade de recorrido da resposta humana'.
Aí, o que intenta dende o 15M á plataforma pro residencia de Ribadeo. Da súa falta, que existan noticias do tipo desta e que sirvan para mofa en troques de para integrar que é algo que permitimos todos. De aí o impacto que pode causar o último parágrafo desta nova no New York Times falando do impacto da folga do outro día en contra da PIPA e SOPA nos EEUU, as inspiradoras da aquí si, victoriosa lei Sinde:
"“The problem for the content industry is they just don’t know how to mobilize people,” said John P. Feehery, a former House Republican leadership aide who previously worked at the motion picture association. “They have a small group of content makers, a few unions, whereas the Internet world, the social media world especially, can reach people in ways we never dreamed of before.” "
É dicir:
"O problema para a industria de contidos é que simplemente non sabe como mobilizar persoas", dixo John P. Feehery, un ex-asesor do lider republicano que anteriormente traballou na Motion Picture Association. "Teñen un pequeno grupo de fabricantes de contidos, a poucos sindicatos, mentres o mundo de Internet, o mundo dos medios de comunicación social, especialmente, pode alcanzar as persoas de formas que nunca soñamos antes."
Ese problema, a mobilización de persoas, tamén é algo co que se enfronta toda persoa ou institución que loita polo ben común. E moitas veces non atopa a solución. Se a atopa, ten o logro ó alcance d aman.

Algún dato

2012-01-20T08:06:00.000+01:00

Xa hai algún tempo, a traverso de im-pulso, cheguei a estes datos que agora ligo:
Débeda agregada das CCAA
A débeda, en 5 gráficas
Coido que se pode pasar un ratiño facendo comparación entre políticas, lembrando citas interesadas a conta da débeda ou con detalles menores, como a débeda relativa dos concellos.

Canto máis vermello, máis perigo. Ribadeo, cara ó centro de cores.

O mapa captúroo dunha das ligazóns, que á súa vez colleuno dun interactivo de AIS, basado en OpenStreetMap e licenza CC-BY-SA. Aí pode verse que Ribadeo non é nin con moito o concello máis endebedado per cápita da provincia, na que a mesma capital estaría dous escalóns máis abaixo. Iso non quere dicir, evidentemente, que a cousa esteña para tirar foguetes nin para empregar os cartos de calquera xeito.

Nota de prensa sobre a residencia

2012-01-19T07:38:00.007+01:00

Nota de prensa sobre a asamblea de asociacións que constituíron no seu día ou se uniron posteriormente á plataforma pro residencia de maiores de Ribadeo:

NOTA INFORMATIVA DE LA ASAMBLEA GENERAL

El pasado domingo, día 15 de enero, y bajo la presidencia de la Comisión Delegada, tuvo lugar en Ribadeo la celebración de la asamblea general de la Plataforma pro Residencia Comarcal de Mayores, a la que asistieron la mayor parte de las Asociaciones de Vecinos del Concejo.

Ante el clamoroso e ingrato silencio de la Consellería de Benestar de la Xunta de Galicia a la demanda presentada el día 30 de mayo del pasado año por esta Plataforma y avalada por la remisión de 2.225 firmas, así como a la petición de audiencia de la Comisión Municipal de Ribadeo a la misma Concellería, esta Plataforma de Vecinos y Comunidades ha tomado, entre otros importantes acuerdos y sugerencias, el siguiente: Convocar a todos los ciudadanos de este concejo y comarca a participar en una manifestación popular el domingo, día 22 de abril del presente año, a las 12 de la mañana, en demanda de la intervención de la Consellería de Benestar de la Xunta de Galicia para dar solución al grave problema de abandono y destierro que sufren las muchas personas mayores, actuales y futuras, de este concejo y comarca, que permanecen solas y olvidadas en sus domicilios o se ven obligadas a ser trasladadas a otros centros muy alejados de sus lugares habituales de residencia, con el consiguiente sufrimiento moral de quienes entregaron sus vidas para conseguir el bienestar de que hoy disfrutamos y el sacrificio que esos traslados suponen para sus familiares y amigos. De la mencionada manifestación, que recorrerá las calles de la villa de Ribadeo, se dará oportuna información al pueblo en los días siguientes y previos a la fecha de la manifestación.

Se acordó, asimismo, trasladar a la Comisión Municipal pro Residencia, creada al efecto en el concejo, y de la que forman parte, entre otros, los portavoces de los grupos políticos municipales, la petición de una reunión urgente con el fin de estudiar y acordar futuras actuaciones encaminadas a vencer este impás de silencio y olvido a nuestras demandas por parte de las correspondientes administraciones frente a este grave problema que los ciudadanos de este concejo y su comarca padecen.

La reunión de la mencionada Comisión Municipal tendrá lugar el día 19 de este mes.

Finalmente la asamblea acordó la permanencia de la actual Comisión Delegada hasta la superación del escollo actual y la esperada respuesta de la Consellería a nuestra demanda.

Así pois, hoxe hai xuntanza no concello sobre o tema ... e podes difundir dende xa a manifestación.

Este blog súmase á defensa de internet contra a lei Sinde, SOPA, PIPA, Lei Hadopi ...

2012-01-18T17:03:00.002+01:00

Pleno con dous puntos (II)

2012-01-18T08:47:00.004+01:00

O dito da parte 1ª
Apunto que xa está colgada a referencia ó pleno na páxina web do concello.
Continuando: O apartado de control dos órganos e rogos e preguntas suscitou coma sempre aun montón de pequenas preguntas focalizadas e moitas veces de difćil comprensión por quen non tivera a documentación diante ou coñecera o problema. Aínda así, tamén coma sempre, moitas outras (ou mesmo algunha das anteriores) chaman a atención na súa pregunta, na súa resposta ou sinxelamente na súa existencia.
Houbo preguntas sobre obras, como a da barandilla oxidada en Rinlo, na recentemente rematada praza de Calvo Sotelo, ou sobre a unificación dos tipos de sinais nas parroquias, con factura a cargo da Deputación. A televixiancia do punto limpo, 2 000 € subvencionados, chamou a miña atención non polo feito de poñer televixiancia, senón pola noticia de que houbera roubos no lugar.
4 000 €para o baleirado da fosa séptica da praia das catedrais, algo a facer periódicamente, aínda que sexa máis frecuente no verán.
Algún cargo curioso, como 330 € para a pegada fóra do noso concello de carteis anunciadores do mercado do Nadal, ou 3 776 € para un concurso de guións cinematográficos no pasado 2011 (algo que me choca porque se non lembro mal, o concurso foi adicado ós centros educativos e teño visto un folleto onde dicía que o custe total era abondo superior; será só unha parte)
Naturalmente, aquí, xunto coas epquenas preguntas e respostas, tamén hai pequenos aproveitos como para dicir a mans do PP que a Xunta subvenciona abondo, a conto da intervención no punto limpo nunha obra de tres millóns das antigas pesetas.
No futuro será desglosado o gasto en móbiles. Coido que no pasado, hai tempo, xa estaba; de feito, ténse comentado nos plenos o gasdo dos móbiles máis dunha volta.
Unha cousa que me chamou a atención foi á raíz dunha pregunta de M. Valín, o aporte do concello dos cartos para o gasto das dilixencias previas correspondentes á defensa do xa ex-secretario, ó ser imputado durante un tempo pola xuíza nun caso de prevaricación. Naturalmente, ó estar imputado (e continuar neste intre) o antigo alcalde, e o secretario ter despois deixado de estar imputado, non se citou a palabriña, pero si que o caso era polo tema de ruído. Como contraste, Barreiros, onde -segundo a prensa de onte mesmo- estando imputados no caso urbanístico alcalde e secretaria, o alcalde segue no posto pero apartou das súas tarefas á secretaria.
Tres pagos a Aquagest de 5 000 €, adxudicación directa, motivaron unha pregunta, pero o substancial quedoume sen comprender...
A licenza definitiva da xa vella tenda de Almacenes Bahía na r/ Vilalba chamou a atención polo seu retraso, e a pregunta de se era unha cousa habitual ou houbera algo extraordinario quedou sen responder ata próximo pleno.
Tamén curiosa foi a declaración (PP) de que había dúas empresas que si cobraban puntualmente, a responsable do gabinete de prensa e a de atención ó domicilio.
A expresión de 'costa un huevo' foi usada para referirse ó custe do congreso de pediatría, inquirindo se ese custe ía ser repetido periódicamente ou ou congreso fóra só unha vez.
Xa na parte de Rogos e Preguntas, comezou o representante do PSOE sobre o pago de 60 € mensuais nunha sentenza por ruído contra o concello, cun argumento que ten repetido hai tempo, preguntando se se estaba a facer algo para deixar de pagar. Pregunta contestada polo alcalde no sentido de que estaban á espera. Algo que polo que sei, podo dicir que como mínimo é incompleto.
O mesmo representante sacou a relocer o importante monto das multas por aparcamento en determiandas circunstancias, parece ser que a conto de que a el mesmo lle puxeran unha. 200 € por mal aparcamento en lugar non ORA. Ben, parece que a normativa e importes ven feita de xeito estatal polo seu partido (alomenos eso contestou o alcalde, non quedando convencido Eduardo Gutiérrez)
O subministro eléctrico ó polígono industrial foi a base da primeira pregunta de UPRi, sacando a relocer o alcalde o retraso da construcción da subestación e a lentitude en principio da compañía e a Xunta para os trámites.
Curiosa pregunta a seguinte. Resulta que para alugar bicis, pedíaselles o DNI, que quedaba na oficina de turismo, co que os ciclistas ían indocumentados. Algo que parece xa se subsanou, pasando a quedarse cunha copia do DNI.
A carpa do parque tivo a súa intervención diferenciada: 5 000 e do último custe son moitos cartos, pero negouse a viabilidade da compra porque hai que montala, desmontala, asegurala e conservala, e o concello non se ve capaz de facelo de xeito máis barato que o aluguer, a parte dos problems que representaría que ó ter o concello a posibilidade, todas as asociacións quixeran usala. A Mancomunidade está en mercar unha carpa, pero ise é outro tema.
A páxina web do concello centrou a primeira intervención de Campo Braña, pois está sen actualizar mesmo na composición dos plenos, por non falar de que o orzamento que aparece é do 2008, mentras que as novas que pon o alcalde aparecen periódicamente. E os novos medios, a segunda, pois pediu que a documentación previa ós plenos fora escaneada e enviada por correo electrónico ... pensei que ía dicir colgada na rede, pero iso sería demasiado.
Sobre o destino da Torre dos Moreno, e a conta das últimas declaracións do alcalde, Campo Braña pediu que se convoque ós grupos municipais para que decidan. Tamén neste caso pensei que ía pedir que se abrira un debate público en Ribadeo, pero tamén me equivoquei. A resposta do alcalde foi que a pesares do que saíra na prensa, non hai nada pensado sobre a Torre, incluíndo xunto a esta declaración de culpabilidade da prensa na comunicación un que 'nos collen en medio dunha historia complexa para explicar aquí'.
A obra do paseo das Aceas foi recepcionada. Unha volta establecido, unha pregunta sobre a 'Casa das algas', nome que parece será oficial: Pode usala calquera asociación?. A resposta é que en principio, si.
Outra pregunta do PP foi sobre o avance no tema das vidrieiras. O alcalde expuxo que a Asoc. Ponte dos Santos comunicoulle un próximo procedemento xudicial contra a empresa aseguradora. Contestou Campo que non valen excusas. E engado eu que parece que o tema desvíase polos cartos, sen responsabilidades ou proxecto de futuro.
Custe de apresar e mante cada res salvaxe (cabalos recollidos no monte, que xa tiveron unha primeira subasta para un grupo o mes pasado)? uns 225 € (a lembrar que a pasada adxudicación fíxose por 300 en conxunto)
Recadación por nultas na zona ORA? non hai datos aínda, pero falouse duns 800-900 € dende o 10N que se puxo en marcha, o que cubriría o aluguer o equipo, que 'entendín' que era o que se procuraba (o certo é que nesta resposta en concreto escoitábase abondo mal)[Nota de 20/1/2011: El Progreso apunta nun artigo que se recadan 1200€/mes].
M. Valín felicitou a E. Gutiérrez polo seu artigo 'Donde están las llaves?' a conto do albergue de peregrinos nunha pregunta difusa, que foi contestada no sentido de que que pasaba polo albergue xeraba gasto e poucos cartos deixaba en Ribadeo.
Valín pediu asemade a constitución dunha comisión para recoñecemento de José Calavera e a súa labor ó longo do tempo en relación á Torre dos Moreno, recoñecemento e comisión que podería extenderse a John Rutherford e que sen dúbida atoparía máis caso.

MATAS, ALEMANY Y… OTROS

2012-01-17T22:17:00.001+01:00

Evaristo Lombardero Rico
En las últimas semanas ha saltado a la prensa la noticia de que el ex presidente del gobierno balear, Jaume Matas, tenía contratado a un periodista, para que le redactase sus discursos y al mismo tiempo le escribiese artículos y difundiese noticias laudatorias del político. Nada extraño en un país donde la corrupción y el enchufismo campan por sus respetos y los fachas con pedigrí pasan por progresistas.
A Jaume Matas le ha caído el pelo porque se le ha descubierto el pastel y ahora le acusan de prevaricación, fraude, falsedad documental y tráfico de influencias. Como suele suceder los antiguos amigos son los primeros en hacer leña del árbol caído y lo mismo le dan la espalda en el juicio que le vapulean en los medios como si nunca se hubiesen cruzado en el camino. El caso Matas es un ejemplo típico de manipulación de la opinión pública con métodos goebelsianos, uso del cargo público para interés propio y obtención de un curriculum político a costa del partido y de la administración.
Aquí, en la Mariña de Lugo, sin ir más lejos, tenemos un alcalde que emplea la misma táctica. Paga, a cargo del concello, una empresa de publicidad que le hace fotos en posados – algunas de pura astracanada – le escribe artículos y difunde noticias, tratando de colar como simple información lo que no es más que propaganda política pura y dura. Hasta la fecha la jugada ha ido colando sin grandes complicaciones, pero ya se vislumbran indicios de que el castillo de naipes empieza a tambalearse.
(Nota: Publicado despois na Comarca de 20/1/2011)

Pleno con dous puntos

2012-01-17T08:05:00.000+01:00

Onte houbo pleno. dous puntos máis lectura e aprobación da acta anterior e o punto xenérico de supervisión, rogos e preguntas. Debera tido ser cortiño. Durou máis de dúas horas.
Non cheguei ó comezo, pero non houbo palabra algunha pola morte de M. Fraga. E si, de novo as preguntas de O Tesón quedaron por contestar. Nunha breve explicación, o alcalde dixo que oas preguntas foran entregadas sobre a data e quedan para outro momento porque non tivo tempo de preparalas. Sobre a data quere dicir o xoves, no prazo estipulado. Por casualidade quizáis, no escrito lembrábase que quedaron adiadas explicacións anteriores. E foi de novo curioso o feito que rematou o pleno, dixo as verbas de desculpa sobre as preguntas de O Tesón e di logo que quería falar algo co resto dos concelleiros 'en canto se vaia o público'. Natural que queiran falar a soas, non?
As preguntas de O Tesón ían nun escrito do que reproduzo a parte que nos toca:

"(...) formula ó sr. Alcalde do Concello de Ribadeo as seguintes cuestións, que se acumulan ás explicacións pospostas ou prometidas en intervencións anteriores (como a recadación obtida polas terrazas ou o estado do canón lanzacabos últimamente situado en Lugo):

1.Dada a perda cultural e identitaria en curso das Terras de Ribadeo, co uso do nome da Reserva da Biosfera - Rio Eo-Oscos "y Tierras" de Burón (carteis na rotonda dos Irmandiños, Autovía, e moitos outros lugares mercede ós fondos do Ministerio de Fomento ou o de Medio Ambiente, variacións patronímicas diversas debidas á Xunta de Galicia, continuación da designación de Río de Ribambo ou Obeso en Google Maps, a noticia de que se está 'cerca de Castropol' ou que se vive en Ribadeo-Asturias se se usa Facebook, etc, solicitamos coñecer se existe unha política da alcaldía en relación a dito tema.

2.Tendo en conta a finalización das obras da Fábrica de Alxinatos e a súa promoción xunto co paseo, que teñamos noticia aínda ambos sen entregar, pero usados puntualmente, solicitamos coñecer o destino que se pretende ó edificio remodelado.

3.Dada a ausencia de novas sobre o estado e recuperación das vidrieiras da capela do cemiterio, solicitamos coñecer en que estado se atopa a delimitación de responsabilidades, os pasos para a súa reposición e a posibilidade de usar a Fábrica de Alxinatos ou outro lugar para facer unha exposición dos restos.

4.Despois de ter nova recente da finalización de obras para ter un campo de céspede artificial nos terreos do C.P. Gregorio Sanz por un importe abondo superior a cen mil euros, solicitamos coñecer as partidas de cartos propios ou doutras entidades, dispostas para as más necesarias obras na casa do xulgado, o comezo da residencia de maiores ou a participación do concello nas tamén necesarias obras da Torre dos Moreno."

En fin.
Respecto ó resto do pleno, unha volta aprobada a acta, os dous puntos de enjundia (non 'principais' como anunciara o alcalde, senón en realidade únicos aparte dos preceptivos) foron a anulación da subida do imposto de bens inmobles acordada nun pleno pasado, a conta de que xa o sube o goberno do estado, nunha contía superior (e sen gasto político para os representantes municipais). Quedou aprobado, pero non sei a votación en detalle.
O outro, a rebaixa da cobertura de subvención de obras no ARI do 80% ó 75%. A votación foi unánime, pois non quedaba outra (como Eduardo Gutiérrez deixou patente). Non obstante, as aclaracións dos grupos foron diferentes, deixando o PSOE constancia de que houbo un erro nalgún funcionario do concello que foi corrixido por outro en Santiago, e o alcalde que trátase de adaptalo, e que as veces pasadas pasara sen contratempos. Nalgún momento quedaron as palabras do alcalde difundidas en nota de prensa tildadas de propaganda, querendo botar a culpa á Xunta.
Ben, a duración do último punto da orde do día, control dos órganos, decretos e rogos e preguntas, durou hora e media e queda para outro momento.

Convertíndonos en non-xente

2012-01-16T08:10:00.000+01:00

Non, non se trata da morte, que hoxe e sempre está no candeleiro coa morte dalgún famoso máis que coa do 99% dos mortais. Trátase de como pasamos a ser irrelevantes, de como os africanos en xeral xa son irrelevantes, -non xente- dende hai tempo, e de como sentimos que a relevancia dun español respecto a cousas como o tratamento diante dun secuestro no extranxeiro ou ós seus dereitos noutro país respecto ós dos cidadáns dese país en España, por exemplo. Xa o vimos entindo hai moito, que hai 'a xente do imperio' no alto dun escalafón a nivel mundial, no que se vai descendendo o saír desa centralidade. Escalafón que se confunde con outro de poder, cartos e interese compartido co poder central, que varía e gradúa o anterior para cada caso particular. E a maioría dos comúns por estas terras, imos baixando (máis ben véñennos baixando, como fan as 'axencias de rating') escalóns nese escalafón hai tempo.
De novo é a reacción, o pelexar polos nosos dereitos, o tomar consciencia de que somos unha grande maioría, o que pode facer que ese escalafón sexa menos inclinado. E non deixa de ser unha esperanza, unha sinal de que os temps se moven cara a unha maior participación, unha iniciativa da Casa Branca para os seus 'súbditos/cidadáns' norteamericanos, 'We, the people', que permite unha especie de demanda en tempo real que non é ningunha panacea, pero que contrasta, por exemplo, co máximo logro de participación obtido en Ribadeo (no 2004), para as asociacións, que non para cidadáns sen organización previa, de preguntas ao pleno, respondibles despois de finalizado os plenos, e con xeitos que teñen manifestado en feitos puntuais unha absoluta falta de respeto polo procedemento, usado con abonda asiduidade pola AVV O Tesón.
Hoxe hai pleno ... e preguntas.

Por se alguén quere

2012-01-15T23:16:00.000+01:00

Votar ó blog nos premios de 20 minutos ...

Remata de morrer

2012-01-15T23:09:00.002+01:00

Manuel Fraga. D.E.P.

Aplícao onde queiras... pero sé consciente

2012-01-15T11:00:00.000+01:00

Collo emprestada unha cita:
"Este espectro non choveu do ceo: é unha manifestación natural e unha consecuencia inevitable da fase histórica que atravesa actualmente o sistema ó que ese espectro atemoriza. É dicir, creouno o feito de que unha parte deste sistema non pode xa, dende hai tempo e por mil motivos, seguir baseándose na brutal arbitrariedade dun poder que exclúe calquera manifestación non conformista e que, por outra parte, ten chegado a un punto de tal inmobilismo político que non permite que a longo prazo estas manifestacións se afirmen no ámbeto das súas estruturas oficiais"
Está clara a letura entre liñas, pero tamén a letura plana. Pode aplicárselle ó 15M en relación a un inmobilismo que propicia unha caste política, e tamén a algo totalmente relacionado na actualidade, a caste económica e o pobo.
Mais ... a cita ten máis de 20 anos, e aínda que traducida para o caso dende o castelán, o checo Václav Havel certamente empregou outra lingua para facela realidade (aquí, unha versión en castelán da obra 'o poder dos sen poder' -de cuxo comezo está tomado o fragmento-, pero incompleta. Aquí, en inglés, completa). A referencia mira ó sistema comunista daquela imperante no leste de Europa, pero o escritor expresouno dun xeito máis xeral, e así, serve para pedir a participación e a xustiza na actualidade sen perda dun ápice de sentido nin de sentemento.

Quitando altura

2012-01-14T11:55:00.000+01:00

Coido que a nova de hoxe en Ribadeo está clara: o alcalde apura a rebaixa de alturas ilegais.
Con maioría absoluta está visto que se poden facer moitas cousas, ó tempo que outras posibles quedan no caixón das antigüidades ou das cousas caídas no limbo. E á actual alcalde hai que recoñecerlle que pasiño a pasiño vai facendo moitas cousas que parecía que non ía dar feito. Claro que, polo camiño, quedan outras que serían máis inmediatas ou sinxelamente, de máis atención continuada e ás que non se lle ve unha solución. Aí están a residencia de maiores, as vidrieiras do cemiterio, a Torre dos Moreno, a volta do xulgado, ... ou mesmo cousas administrativas como o regulamento de participación cidadá, ou outras como que Ribadeo non dispoña aínda dunha casa da xuventude que actúe como tal (en Villalba leva máis de 20 anos actuando, e notándose). Claro que no dito anteriormente, unha relación incompleta, habería que establecer categorías, urxencias e posibilidades.
Por outra banda, a nova das alturas manifesta tamén diferenzas da nosa alcaldía con outras veciñas. E neste caso, alomenos, diferenzas positivas.
Claro que hai outras novas que quizáis afectan a Ribadeo máis, aínda que xeradas a moita distancia, como a rebaixa de dous escalóns da 'nota' que unha das axencias de cualificación da débeda lle asigna á española ...

Novas de Ribadeo

2012-01-13T08:08:00.000+01:00

Bo ano! Eso tentan dicir os dípticos que estes días, xa, estánse a repartir nas tendas anunciando o entroido. Lembreime deles a conto de que o pasado ano houbo quen me pediu consello para o entroido e quizáis non llo din adecuado e a tempo. Por iso, e para todos, aquí queda o díptico.

Acompaño cun par de novas de entroido a destempo:
Acusación falsa, alegremente, e que, unha vez aclarada, non ten desculpa, co que ocorreron máis veces acusacións sen fundamento e voltarán a ocorrer ... Neste caso, acusan ó cura de roubo e logo aparecen as imaxes. Antes, noutro parroquia, enchéronlle o lugar de pulgas. Váise. Levará boa lembranza. A historia repítese nos pobos moitas veces. Con menor gravidade (non foi diante das cámaras de televisión, aínda que si algunha vez en varios medios de difusión) pasoume a min con varios infundios. Aínda estou por esperar non xa a contribución ó desmentido, senón sinxelamente, desculpas.
Un xornal puxo a disposición en liña unha sección de ideas de aforro nos concellos da Mariña. As básicas: unificar concellos, persoal de máis e soldo de alcaldes e concelleiros. Pero tamén en festas, papeleiras ou farolas...
Por certo, o vindeiro luns hai pleno ordinario. E está anunciado. Farían efecto as veces que teño/temos pedido que se anunciara? O anuncio é incompleto, non aparecen todos os puntos, pero de calquera xeito ...

Un sorriso

2012-01-12T20:41:00.000+01:00

Para evitar a depresión dos lectores, ligo tres viñetas dun mesmo dibuxante:
Viñeta 1
Viñeta 2
Viñeta 3
Quizáis negro, pero humor ... :-)

A auga ...

2012-01-12T07:38:00.000+01:00

Onte pola tarde/noite, a auga en Ribadeo non se podía beber. O sabor a lixivia era tal que facía botar fóra a que se bebera. Chegaba con cheirar o fondo dun vaso para ver que algo non ía. Ó lavar as mans, quedaban suaves sen neceisade de xabón. Coido que houbo quen tentou ducharse e tivo que abandoar o empeño. Cito unha mensaxe recibida: "intentei ducharme e picanme os ollos e toda a pel". Que pasou? Non o sei. A alguén se lle foi a man ou lle caeu un recipiente abondo grande no depósito. Non lle medín o pH, pero seguro que non era o normal. Nos xornais en internet non vexo ningunha referencia, non sei se a haberá no papel...

De ladrillo vai

2012-01-11T08:03:00.000+01:00

Pasaron as festas e parece que entrou a seca informativa, e non só porque máis xornais se decidiran a atrasar as novas que colgan libremente en internet respecto ás que aparecen no papel. Trata máis ben de que a transparencia con que se fan as cousas está a sufrir un novo retroceso, do que é exponente o mesmo Presidente do Goberno do estado, tanto por cousas como non falar de proxectos como por facelo a medias mesmo cando o que di son xa feitos consumados. Que non se pode facer esto último? Pois parece que si, dicindo que queda o ive super reducido para a compra de vivenda habitual cando é para calquer transacción inmobiliaria. Claro que, no medio dun aumento de impostos onde quen sae perxudicado somos os de sempre, non o consumo, non é a única pílula que dorou, e iso xa non é falta de transparencia, é mentira.
Pero de ladrillo vai tamén máis próximo, cunha nova do concello coa que o alcalde 'abre outra fronte' esixindo o cierre das fincas urbanas. Algo que pode estar ben, pero que fai botar en falta algunhas outras cousas, como o futuro da Torre dos Moreno, tamén 'ladrillo', ó fin, o que parece que xa non é nova ou xa non é cousa do concello.
E mentras, a crise segue, e como indicador da circunstancia, o aumento da xenofobia contra o inmigrante, precedida da consideración de que non aporta nada, e polo tanto, non serve e está de máis.

Onde esteña o artificial, que se saque o natural

2012-01-10T07:58:00.001+01:00

Só 160 000 €, unha ganga de céspede artificial foi instalado no patio do C.P. Gregorio Sanz. Xa é usado por 180! alumnos da escola de fútbol (fútbol 7, que o campo é pequeno), a pouco menos que 1 000 €/alumno, que diminuirán ó ser usado por sucesivas xeracións de balompedistas. E ata os políticos de turno e compañía poden facerse unha foto chutando ou pasando o balón. Claro que ten desgaste, aínda que sexa pequeno, virtude que o de herba natural non tiña. Que asunto máis prioritario que a substitución do natural polo artificial? Que máis se pode esperar, que cheguen os cartos para todo? De ilusión tamén se vive! E ó fin, a Torre se se deixa, ha caer, e os anciáns xa residen onde sexa.

As obras do campo de céspede artificial, sen rematar.

Para completar a entrada dooutro xeito, coido que un par de fotos 'progresistas' poden axudar. A primeira, o comezo da última (polo momento) obra no entorno da ría, a enésima ampliación de Mirasol.

Comezaron xa as obras de ampliación de Mirasol 2012.

A segunda, un irisado campiño de mistura de combustibles no chan da gasolineira do Eroski: tamén a contaminación é fermosa.

Unha ligazón pensando en Ribadeo e máis aló

2012-01-09T22:33:00.001+01:00

Coido que debo poñer unha ligazón sobre algo no que estou totalmente de acordo.

Saída ó mundo

2012-01-09T00:37:00.001+01:00

Esta noite, ás 4 da mañá, largaba amarras o último buque feito en Gondán para Fratelli Neri. Na páxina da empresa italiana armadora aparece como tarxeta de visita a imaxe dun barco anterior co fondo da illa Pancha, o Costante Neri. Facendo país polo mundo, o Guardian Neri siau feito con mans dos nosos veciños, quizáis con mans dalgún dos que esteña a ler. Primeiro destino, A Coruña, dique seco, para limpeza e pintado, o remate. Alí chegará sobre as 4 da tarde. Despois dunha semana, seis días de navegación e a Livorno a traballar de asistente dunha plataforma de recepción de gasistas.
Xunto con el irase un italiano que estivo por aquí preto dun ano. Outro mensaxeiro destas terras máis aló.

Que pasa coa herdanza dos Moreno? (III)

2012-01-08T11:30:00.001+01:00

Despois das dúas primeras entradas sobre os Moreno e o seu legado (I e II), e unha pequena reflexión sobre o que trouxeron os reis, atopámonos cunha sorpresa máis tras os reis e en relación ó legado: Ribadeo, disposta a vender a súa parte da torre dos Moreno. Enténdase, non é Ribadeo, senón o alcalde e enténdese que a forza política maioritaria enteira. Os motivos, claro, económicos. Son a desculpa típica destes tempos, os cartos. A desculpa que fai que a Policía Local non faga as súas funcións senón as de ama de chaves do concello, ou que permite explicacións como "Se fose poñer uns miles de euros poderíase facer, pero estamos falando de unha inversión cuantiosa e agora o importante é aproveitar ao máximo os recursos, e por moi importante que sexa a Torre dos Moreno, máis o son os servizos sociais ou a educación", esquecéndose de que as competencias do concello non van pola educación ou os servizos sociais, a non ser que sexa duplicando competencias doutras entidades. Ou que a restauración da Torre, ata agora participada polo concello, esquece cousas tan elementais como os adornos das columnas exteriores, sinal de que a xestión anterior na parte que que lle toca ó concello non era tan boa. Ou que o custe de compra das columnas metálicas de reforzo supere xa o seu aluguer, abondando na responsabilidade do concello, ou ...
Engadindo tan só que da a impresión de que este é o destino do patrimonio de Ribadeo, destrucción (sen explicación) e venda (por 'necesidades económicas'), polo momento paro.

O que trouxeron os reis

2012-01-07T11:46:00.000+01:00

Onte foi a sorpresa para os nenos. Xoguetes, a pesares da crise. Para algúns, significativamente menos que outros anos. Outros, nin o notaron. Moitos, continuaron alimentando unhas reclamacións esixentes como reis da casa e da sociedade que efectivamente son. O discurso real da noite anterior xa o deixaba claro en Ribadeo, que había que loitar contra algunhas cousas, aconsellando máis obediencia e traballo.
No mundo dos maiores,non estaría de máis facer algunhas matizacións ós consellos, cunha obediencia mutua, da xente mandada cara á que manda, pero tamén lembrando que os 'mandados' son persoas con poder, que tamén deben mandar e ser obedecidos. E traballo, si, con rendemento, pero para todos, non para deixar na cuneta a boa aprte da poboación e exprimir a case todo o resto en beneficio dunha exigua minoría.
Claro que esto ós cativiños quizáis lles quede un pouco profundo para entendelo. A quen non lles debera quedar tan profundo é ós seus maiores.

Cabalgata de reis 2012 en Ribadeo

2012-01-06T00:01:00.005+01:00

Unha ligazón a fotos do evento cargadas por Ribadeo en facebook e un vídeo do paso de Gaspar (naturalmente, sen o glamour da tvg que veu facer unha visita o día de hoxe), máis un agasallo sorpresa dos amigos dos beléns:

Exposto pola asociación belenista na antiga Casa Maseda, hoxe

Isaac Díaz Pardo

2012-01-05T22:59:00.000+01:00

Morreu. Era un icono. E érao por algo. Descanse en paz.
Deixo unha escolma de cousas sobre el:
Artigo na Galipedia (con máis referencias).
A nota no El País.
No Público.
Vídeo de homenaxe de Mariano Grueiro.
Biopic.
Biopic máis curto.
Entrevista hai un lustro.
Vídeo da Un. de Vigo ...

Que pasa coa herdanza dos Moreno? (II)

2012-01-05T18:56:00.003+01:00

O FUTURO DA TORRE DOS MORENO
Evaristo Lombardero Rico
Moito se leva escrito e debatido sobre o futuro da Torre do Moreno e mesmo puidera parecer que non queda nada por decir. Sin embargo nas últimas semanas veñen aparecendo novas moi preocupantes nos medios de comunicación.
En resumen penso que deben destacarse os datos seguintes:
1.- INTEMAC denuncia nun comunicado recente que as obras que se están executando non se axustan ás suas recomendacions (folga suliñar quen é INTEMAC, quen é Pepe Calavera e mesmo que leva 25 anos estudando o estado da torre). En consecuencia esta empresa deixa o seu papel como asesora do proxecto.
2.- Un dos últimos informes de INTEMAC, do ano 2009, prantexa a urxencia dunha rehabilitación integral do edificio, so pena de entrar en fase de declaración de estado de ruina, o que obligaría á sua demolición.
3.- En novembro de 2011 dimite Ernesto Cruzado como director das obras que se paralízan durante un tempo.
4.- O Sr. Alcalde de Ribadeo declara que o problema é un conflicto entre particulares de diverxencias económicas entre INTEMAC e PAISAJES DE ASTURIAS e que el non pode entrar no tema. Pero engade que as obras “están ben encauzadas, teñen todo legal e faranse correctamente”.
Dende o meu punto de vista aquí hai un problema moi grave que se resume nos puntos seguintes:
a) Unha empresa de prestixio mundial e gran coñecedora do problema que denuncia e execución dunhas obras e saese do proxecto.
b) Un alcalde que en primeiro lugar oculta información, en segundo lugar minimiza a gravedade do problema en terceiro lugar distorsiona os feitos insultando a INTEMAC (acusaa de moverse por intereses económicos) e en coarto lugar afirma que todo se vai facer correctamente, ou sexa está apoiando a execución actual sen control técnico de ningunha clase por parte do concello.
Acceso á 1ª parte

Que pasa coa herdanza dos Moreno?

2012-01-05T09:57:00.002+01:00

Cen anos despois de que os Moreno comezaran a contribuír a Ribadeo con diversas obras, parece como se foran xa cousa do pasado e Ribadeo non tivera moito interese polo seu futuro. O futuro da herdanza viva dos Moreno e o futuro de Ribadeo.
O último episodio, ata o momento, saltou coa paralización da obra en curso na torre, nova na prensa e comunicado de da empresa Intemac sobre o tema. O obra segue parada, a dirección de obra dimitida e a empresa consultora que levaba máis de dúas décadas facéndolle o seguemento, lavándose as mans de agora en diante. O edificio, apuntalado (o custe diario dos puntais coido que faría bo o telos mercado de comezo, seguro que saía a conta), o desoncerto, asegurado e o seu futuro dudoso despois de insistirse nos informes unha e outra vez na urxencia da actuación. A nivel municipal parece que se deixa o mínimo movemento de anos anteriores en mans da parte privada, que antes non se movía e que co cambio de propiedade parece que está máis interesada en rendibilizar o capital invertido na compra, faltando por saber se eses intereses coinciden cos ribadenses.
De calquera xeito, a historia da Torre é para outro momento, máis extensa, quizáis por capítulos, pois é longa é ó tempo, está comezando nunha fase que podería ser terminal. Fariña doutro costal son as vidrieiras da capela do cemiterio. Van xa 14 meses dende que se produxo o seu expolio, e aquí non se sabe nada. Por non saber, a xente ignora mesmo onde están os anacos que quedaron (por certo, deben estar no almacén do concello en Vilaselán). Lévanse escrito xa unha cantidade considerable de artigos sobre o tema, pero un ano despois continúa unha especie de pacto de silencio no Pazo de Ibáñez, e botando unhas contas para poñer todas as vidrieiras por un montante que pode que chegue para repoñer unha soa ó estado orixinal (eu mesmo teño botado contas sobre o tema nun artigo anterior).
Por parte da AVV O Tesón, depois da publicación en internet de 'As vidrieiras da capela do cemiterio', puxémonos como obriga que non se esqueceran os feitos, que se aclararan e se buscaran responsabilidades, na procura de dous obxectivos. O primeiro, que se evitaran no futuro e no posible, novos expolios gratuítos, o que só se logrará se quen é responsable se fai sentir responsable de xeito público e dalgún xeito purga esa irresponsabilidade sendo consciente a cidadanía desa purga. O segundo, porque a aclaración de responsabilidade nos feitos axuda á aclaración de responsabilidade na restitución das vidrieiras ó estado anterior, coa reposición dos anacos no encaixe, a feitura de novo dos xa irrecuperables ou a montaxe en marcos que non queden en ferruxe como lle pasou ós anteriores.
A última actuación polo momento da asociación veciñal foi o plasmar tanto nas participacións de lotería como na felicitación do Nadal imaxes coas vidrieiras, e na labor de lembranza continuamos.
Agora mesmo parece haber unha oportunidade para 'valorizar' as vidrieiras en tanto non se recuperan como é debido. Aí está un novo espazo que no futuro se pode adicar a exposicións, aínda que non polo momento non esteña inaugurado oficialmente, o da fábrica de Alxinatos. Lugar que podería artellarse para a de exposición dos restos, cun marco de historia e fotografías de como estaban (ver o colgado en internet), algo que implica actuacións e estudos de calquera xeito moi convintes, senón necesarias, pensando en facer unha reposición das vidrieiras. E que non é labor tampouco de hoxe para mañá, pero si unha acción para comezar.
Unhas vidrieiras de hai preto de noventa anos, cada unha con seiscentas pezas de vidro posiblemente realizadas por Luis Lertxundi na bilbaína Vidrieras de Arte, S.A., insertadas nunha capela nun cemiterio construído a aprtires de 1922 para ser cedido por Juan Moreno y Ulloa ó concello, son un elemento artístico moito menos visible que a Torre dos Moreno pero tamén distintivo de Ribadeo. E non pode ser abandoado así como así na súa destrucción. A mostra dos restos pode ser un primeiro paso para devolver ó pobo o que do pobo é.
Hai algún tempo pedimos dende O tesón a exposición de ideas. Neste caso, a idea é unha exposición.

Valorando 2011. Máis

2012-01-04T10:19:00.000+01:00

Despois de falar do tempo, do intrascendente, quedaría a charla máis 'trascendente'. E resulta que, a pesares do cedo que é no ano, deume tempo a ver que a nivel España hai moitas valoracións punteiras (á beira doutras que non o son, claro) como a de Miren Etxezarreta, que acompañada nunha páxina en papel por unha ilustración independiente de Pepe Medina coido que chega para ter unha idea boa da situación e as causas. Por certo, algo que saíu no mesmo xornal, só uns días antes que o anuncio da solicitude do concurso voluntario de acreedores...
Pode arroparse o anterior (ó fin, publicado dous días antes de que rematara o ano) con dúas novas collidas onte na tele e outra hoxe no mesmo xornal. Sen comentario, que non hai necesidade: 1.O paro aumentou ata en decembro, mes no que os contratos temporeiros de Nadal facían baixar a lista de paro tradicionalemtne. 2.Por primeira vez en década e media a Seguridade Social tivo un balance en vermello. 3.Os sindicatos amosan que aceptarán 'o que lles boten'
Valoración a nivel España? Sen comentarios (aínda que poderían facersemoitos máis)

Valorando 2011. Chuvia e Sol

2012-01-03T10:33:00.001+01:00

Despois da valoración da temperatura,o que máis soe chamar a atención do tempo é a chuvia e o Sol. Na choiva obsérvanse diferencias fundamentais entre estacións, chovendo en Ribadeo por termo medio entre 3 e catro veces máis en outubro ou novembro que en xullo, agosto ou setembro, como indican o gráfico e a táboa seguintes:

Os 904 litros caídos por metro cadrado ó ano de media no que levamos de século indican unha pluviosidade elevada, pero non tanto dentro de Galicia.

En canto ó balance hídrico de 2011, a táboa e gráfica enriba indican que o ano que rematou foi o máis seco do século, seguido de preto por 2004, habendo moita variación duns anos a outros.

En canto ás horas de Sol, salvo o baixón arredor de 2004, mantéñense nunha media de 5 h/día, podendo observar abaixo que xullo, agosto e setembro, por este orde, pero con escasas varaicións, son os meses máis soleados, correspondendo exactamente coa táboa que indicaba que por ese mesmo orde, eran os máis secos.

Valorando 2011. Temperaturas

2012-01-02T10:41:00.000+01:00

A valoración dun ano ten moitas lecturas, moitos perfís diferentes. E aínda que sempre ahi quen se adianta á súa finalización, unha valoración completa só se pode facer despois de finalizar. É dicir, iste é o momento.
E hai que coller practica, polo que é preferible, para quen non está afeito, facelo a partires de cousas sinxelas. Por exemplo, o tempo.

A gráfica anterior manifesta que o ano que rematou foi o máis cálido do século que levamos, se ben non por iso se poden sacar conclusións definitivas sobre o cambio climático en Ribadeo. Non só porque o anterior fora o máis frío do século, senón porque as medias veñen dadas a partires dos datos da estación meteorolóxica que hai en Pedro Murias, e faltan algúns días dalgúns anos; unha veces en épocas frías, outras en épocas máis cálidas, ... En 2011, só un día de decembro.

A media diaria manifesta abonda máis irregularidade no inverno que no verán, cando as temperaturas son moito máis homoxéneas. Por mor dos anos bisiestos, o 'día 1' da gráfica é o 1 de marzo, comezando a contar a partires de aí e polo tanto, con anos que chegan ata o -60 (os bisiestos) e outros ata o -59. O por que o fixen así é algo que ten que ver cos equinoccios ... e que non vou detallar agora.

A gráfica anterior presenta as medias mensuais. Cos datos collidos, na década, a temperatura media de Ribadeo foi 14,04 ºC segundo a Pedro Murias (por efecto da concentración de casas e movemento, no centro de Ribadeo foi algo superior). O mes máis frío, febreiro, e o máis cálido, agosto. Chama a atención que decembro teña unha media lixeiramente superior a xaneiro, pero a estatística é así, e con datos dos próximos anos moi probablemente a curva cambiará a inclinación neses meses.
Deixo polo momento para outra os días de choiva e horas de sol ...

Aquí como en Viena

2012-01-01T11:27:00.001+01:00

Portada do díptico


Interior do díptico. Non aparece a Marcha Radetzky, interpretada ó final.

O concerto 'aquí como en Viena' foi o pasado venres 30 de decembro. Máis, como en Viena, aparece no blog na primeira mañá do novo ano. Abaixo, ordeados, os mp3:

Se se quere comparar coa do ano pasado.

Comezando o ano

2012-01-01T00:01:00.000+01:00

Agasallo de Nadal de Aldeas Infantiles-SOS Galicia, unha vez montado

Deixo un motivo de Nadal cos mellores desexos. É reciclado do envío de Aldeas Infantiles. E é que con ben pouco se pode construír o futuro, pero é necesario manter a ilusión, esforzo e colaboración.

Sobre a S. Silvestre 2011

2011-12-31T20:12:00.000+01:00

Deixo abaixo a relación de postos e premios da S. Silvestre (maiores), collida da páxina oficial:
Ligazón á nota do blog da S. Silvestre 2010 (con perfil)
S. Silvestre 2009
S. Silvestre 2008
Lista 2011:
Posto Dorsal Nome Categoría/Muller PostoCategoría Tempo_Oficial Ritmo/Km Licenza Clube Localidade
1 173 JUAN PENA HOLGUIN SNM- 1 14:52:00 03:01:00 CORUÑA CIMANS LUGO
2 25 JACOBO ROFDRIGUEZ MIRAGAYA SNM- 2 15:28:00 03:08:00 MADRID-MAPOMA CLUB DE ATLETISMO RIBADEO
3 2 JOSE MANUEL GONZALEZ CASTRILLON SNM- 3 15:47:00 03:12:00 ATLETISMO OCCIDENTE-NAVIA RIBADEO
4 21 NOEL FERNÁNDEZ MARCOS SNM- 4 16:02:00 03:15:00 20811 CLUB MARINEDA ATLETICO OLEIROS
5 155 DELIO VAL VILLARINO SNM- 5 16:23:00 03:20:00 ATLETISMO A GÁNDARA MONFORTE BARREIROS
6 101 JOSE MANUEL GONZALEZ IGLESIAS SNM- 6 16:27:00 03:20:00 CULLEREDO
7 3 JESUS ANTONIO LÓPEZ LÓPEZ SNM- 7 16:32:00 03:21:00 ATLETISMO OCCIDENTE-NAVIA CASTROPOL
8 175 JOSE BERNARDO GINZO VEIGA SNM- 8 16:37:00 03:22:00 OURENSE AT. ACADEMIA POSTAL RIBADEO
9 8 LUIS ALBERTO LLANDERROZOS FERNANDEZ SNM- 9 16:45:00 03:24:00 C.C. EO-RIBADEO FIGUERAS
10 154 RUBEN DE VICENTE PRADA SNM- 10 16:46:00 03:24:00 ATLETISMO A GÁNDARA MONFORTE MONFORTE DE LEMOS
11 183 ANTONIO JÓSÉ FERNÁNDEZ VIJANDE VTAM- 1 16:58:00 03:26:00 VEGADEO
12 9 PABLO TRABADELO VILABRILLE SNM- 11 17:03:00 03:28:00 C.C. EO-RIBADEO VEGADEO
13 128 NICOLÁS CENTENO GONZÁLEZ JNM- 1 17:20:00 03:31:00 VEGADEO
14 178 CONSTANTIN DRAGOMIR SNM- 12 17:22:00 03:31:00 SOCIEDADE DEPORTIVA ALBIONS A PONTENOVA
15 152 EREA RODRIGUEZ PUENTE F- 1 SNF- 1 17:24:00 03:32:00 AD MARATHON A PONTENOVA
16 22 IVO MASEDA DORADO CDTM- 1 17:28:00 03:33:00 FRANCISCANOS LUGO LUGO
17 7 MARIO OROSA PEREZ SNM- 13 17:33:00 03:34:00 C.C. EO-RIBADEO RIBADEO
18 24 ADRIAN BEN MONTENEGRO INFM- 1 17:46:00 03:36:00 LUCUS CAIXA RURAL VIVEIRO
19 99 ANGEL LOPEZ GARCIA SNM- 14 17:51:00 03:37:00 BARREIROS
20 124 ÁLVARO GARCÍA FERNÁNDEZ SNM- 15 17:58:00 03:39:00 PIANTÓN
21 123 MIGUEL DEL JESUS YAÑEZ SNM- 16 18:00:00 03:39:00 BARREIROS
22 156 DAVID PEREZ GARCIA JNM- 2 18:03:00 03:40:00 ATLETISMO A GÁNDARA MONFORTE PIÑEIRA (MONFORTE DE LEMOS)
23 28 IVAN VIGIL PEREZ SNM- 17 18:18:00 03:43:00 PEÑA GUARA EL FRANCO
24 5 JOSE JOAQUIN RODRIGUEZ VILLAMIL VTAM- 2 18:26:00 03:44:00 C.C. EO-RIBADEO VEGADEO
25 105 JOSE ANGEL GARCIA POSADA SNM- 18 18:29:00 03:45:00 RIBADEO
26 96 ISIDRO MASEDA VARELA SNM- 19 18:32:00 03:46:00 RIBADEO
27 126 BRUNO BOUZA GARCÍA SNM- 20 18:32:00 03:46:00 VEGADEO
28 181 CATALIN DRAGOMIR JNM- 3 18:37:00 03:47:00 SOCIEDADE DEPORTIVA ALBIONS A PONTENOVA
29 37 LUIS MIGUEL RIVAS LOZANO SNM- 21 18:37:00 03:47:00 SOCIEDADE DEPORTIVA ALBIONS A PONTENOVA
30 159 XIL RODRÍGUEZ GIL VTAM- 3 18:48:00 03:49:00 C.D.EGOVARROS-VIVEIRO O MILLADOIRO - AMES
31 92 FERNANDO BLANCO SALAZAR SNM- 22 18:50:00 03:49:00 AVILÉS
32 125 JAVIER FERNANDEZ DIAZ SNM- 23 18:51:00 03:49:00 RIBADEO
33 106 DAVID PEDROSA PÉREZ SNM- 24 18:53:00 03:50:00 GIJÓN
34 11 DIEGO BOUZA PADIN SNM- 25 18:57:00 03:51:00 CC FERROL VALDOVIÑO
35 102 FELIX CAMPON GARCIA SNM- 26 18:57:00 03:51:00 GIJON
36 157 IVAN ARMESTO FERNANDEZ JNM- 4 19:00:00 03:51:00 ATLETISMO A GÁNDARA MONFORTE SOBER
37 93 JUAN ANTONIO EDROSA SANJULIAN SNM- 27 19:01:00 03:51:00 VEGADEO
38 165 MIGUEL ANGEL VIDAL REIGOSA SNM- 28 19:03:00 03:52:00 CLUB ATLETISMO RIBADEO RIBADEO
39 140 DANIEL BARATA PEREZ SNM- 29 19:04:00 03:52:00 RIBADEO
40 79 JORGE VILLAMIL CABO SNM- 30 19:06:00 03:53:00 CASTROPOL
41 85 JOSE MANUEL ALVAREZ PRIETO SNM- 31 19:08:00 03:53:00 SAN ANDRES DEL RABANEDO
42 83 MELQUIADES MARTINEZ LOPEZ SNM- 32 19:11:00 03:54:00 CASTROPOL
43 90 JOSE MANUEL SEIVANE NAVIA SNM- 33 19:21:00 03:56:00 LOURENZA
44 81 FRANCISCO JAVIER LLANDERROZOS FERNANDEZ SNM- 34 19:25:00 03:56:00 ESPAÑA
45 97 RAFAEL CRECENTE GONZÁLEZ SNM- 35 19:28:00 03:57:00 OVIEDO
46 186 EUSEBIA MALDONADO F- 2 SNF- 2 19:32:00 03:58:00 A CORUÑA
47 167 PEDRO FERNÁNDEZ VILLAMIL VTAM- 4 19:35:00 03:58:00 CLUB ATLETISMO RIBADEO RIBADEO
48 50 SANTIAGO FERNANDEZ FERNANDEZ VTBM- 1 19:36:00 03:59:00 CASTELLON
49 72 MANUEL ARIAS AMOR VTAM- 5 19:42:00 04:00:00 RIBADEO
50 118 AGUSTIN LOPEZ DEL RIO SNM- 36 19:45:00 04:00:00 RIBADEO
51 180 LUIS MANUEL GRAÑA GONZALEZ SNM- 37 19:47:00 04:01:00 SOCIEDADE DEPORTIVA ALBIONS RIBADEO
52 150 ANGEL ANTONIO ARES FERNÁNDEZ SNM- 38 19:50:00 04:01:00 CLUB ATLETISMO RIBADEO RIBADEO
53 107 AMADOR PUMARIÑO PÉREZ SNM- 39 19:51:00 04:02:00 SANTIAGO DE COMPOSTELA
54 117 ARTURO IGLESIAS PULPEIRO SNM- 40 19:51:00 04:02:00 RIBADEO
55 29 DANIEL CASTRO GARCIA CDTM- 2 19:52:00 04:02:00 SD RIBADEO RIBADEO
56 168 MARIANO CARRERO MOURE VTAM- 6 19:58:00 04:03:00 CLUB ATLETISMO RIBADEO RIBADEO
57 116 ANTON LOPEZ DE PRADA ENCINAR SNM- 41 20:05:00 04:04:00 RIBADEO
58 39 ANTONIO FRAGA FERNANDEZ VTAM- 7 20:06:00 04:05:00 FOZ
59 182 JOSE MANUEL DOPICO SOTO VTBM- 2 20:13:00 04:06:00 NEDA
60 32 AITOR GARCIA DOMINGUEZ INFM- 2 20:16:00 04:07:00 SD RIBADEO RIBADEO
61 61 JAVIER AMOR VIDAL VTAM- 8 20:18:00 04:07:00 RIBADEO
62 59 J ARMANDO URAIN SIERRA VTAM- 9 20:22:00 04:08:00 RIBADEO
63 64 PEDRO JOSE FERNANDEZ CASTRO VTAM- 10 20:23:00 04:08:00 VEGADEO
64 127 BRUNO FERNÁNDEZ ESPINA JNM- 5 20:23:00 04:08:00 VEGADEO
65 55 GREGORIO LLANA SUAREZ VTAM- 11 20:27:00 04:09:00 GIJON
66 120 RUBEN RAMOS SOTO SNM- 42 20:28:00 04:09:00 SAN MIGUEL DE REINANTE
67 95 DAVID CORNIDE RIVAS SNM- 43 20:39:00 04:11:00 MONDOÑEDO
68 139 FRANCISCO JAVIER ROBLES PAGAN SNM- 44 20:39:00 04:11:00 MONDOÑEDO
69 51 JUAN JOSE REGO GONZALEZ VTBM- 3 20:42:00 04:12:00 FOZ
70 103 PABLO REGO IRAVEDRA SNM- 45 20:44:00 04:12:00 FOZ
71 134 FRACISCO JOSE MUIÑA DIAZ SNM- 46 20:49:00 04:13:00 RIBADEO
72 174 SANTIAGO FERNANDEZ-NORIEGA FERNANDEZ VTAM- 12 20:51:00 04:14:00 FURAFOLLAS LUGO
73 27 XESUS DIAZ BLANCO VTAM- 13 20:53:00 04:14:00 PEÑA BARCELONISTA SAN MIGUEL SAN MIGUEL
74 80 ANA MARTINEZ CONCHESO F- 3 SNF- 3 21:33:00 04:22:00 OVIEDO
75 30 UXIO GRAÑA CORRAL CDTM- 3 21:41:00 04:24:00 SD RIBADEO RIBADEO
76 6 JAVIER FERNANDEZ CASTRO SNM- 47 21:49:00 04:25:00 C.C. EO-RIBADEO RIBADEO
77 161 ANA MARÍA FERRADÁS BARRERA F- 4 VTAF- 1 21:53:00 04:26:00 CLUB ATLETISMO RIBADEO RIBADEO
78 34 DANIEL GONZALEZ TOBARES INFM- 3 21:56:00 04:27:00 SD RIBADEO RIBADEO
79 40 JUAN MANUEL PAINO MOLSALVE VTAM- 14 22:01:00 04:28:00 FOZ
80 33 DANIEL MARTINEZ ARES INFM- 4 22:06:00 04:29:00 SD RIBADEO RIBADEO
81 49 JOSE MARIA ALONSO CANGAS VTBM- 4 22:07:00 04:29:00 LUARCA
82 100 RAFAEL FERNANDEZ GARCIA SNM- 48 22:24:00 04:33:00 MADRID
83 52 AVELINO FERNÁNDEZ FERNÁNDEZ VTBM- 5 22:29:00 04:33:00 VEGADEO
84 42 JULIO FELGUEROSO VIEJO VTAM- 15 22:40:00 04:36:00 GIJON
85 160 JOSE CARLOS DIAZ BLANCO VTAM- 16 22:50:00 04:38:00 CLUB ATLETISMO RIBADEO RIBADEO
86 144 MANUEL FERNANDEZ ALVAREZ SNM- 49 22:51:00 04:38:00 ATLETISMO RIBADEO FOZ
87 122 ROMAN REGO LOPEZ SNM- 50 23:07:00 04:41:00 CANGAS DEFOZ
88 91 XOSÉ LUÍS VARELA IRIMIA SNM- 51 23:13:00 04:42:00 MONDOÑEDO
89 98 ROCIO JARAMILLO PERDIGON F- 5 SNF- 4 23:29:00 04:46:00 CASTROPOL
90 76 ISABEL MUÑOZ RODRIGUEZ F- 6 SNF- 5 23:33:00 04:47:00 FOZ
91 115 BORIS A. APARICIO GUTIERREZ SNM- 52 23:47:00 04:49:00 RIBADEO
92 4 MARCELINO LÓPEZ TOSAR VTAM- 17 23:50:00 04:50:00 C.C. EO-RIBADEO RIBADEO
93 163 JOSE LOPEZ GAVIN SNM- 53 23:51:00 04:50:00 CLUB ATLETISMO RIBADEO TRABADA
94 46 JOSE GERARDO MACHADO REGO VTBM- 6 23:51:00 04:50:00 RIBADEO
95 131 GONZALO CHAPERO GARCÍA INFM- 5 23:57:00 04:51:00 RIBADEO
96 18 CARMEN LOPEZ DINIZ F- 7 INFF- 1 23:57:00 04:51:00 CLUB ATLETISMO RIBADEO RIBADEO
97 132 MIGUEL VÁZQUEZ GARCÍA INFM- 6 23:57:00 04:51:00 SANTE, TRABADA
98 88 JUAN ANTONIO GARCIA SUAREZ SNM- 54 23:58:00 04:52:00 FIGUERAS
99 69 JOSÉ BENITO GARCÍA FERNÁNDEZ VTAM- 18 23:58:00 04:52:00 RIBADEO
100 17 HELENA DARRIBA LINDIN F- 8 CDTF- 1 23:59:00 04:52:00 CLUB ATLETISMO RIBADEO RIBADEO
101 78 JOSE MANUEL LOMBARDERO GONZALEZ SNM- 55 24:00:00 04:52:00 RIBADEO
102 133 MARTIN NAVARRO BASANTA INFM- 7 24:05:00 04:53:00 MADRID
103 66 FERNANDO QUINTANA SUÁREZ VTAM- 19 24:07:00 04:53:00 FERROL
104 36 JOSE RAMON LARREA MOURELLE SNM- 56 24:08:00 04:54:00 SOCIEDADE DEPORTIVA ALBIONS A PONTENOVA
105 74 BOSCO CÁRDENAS VTAM- 20 24:08:00 04:54:00 LAS ROZAS
106 179 MANUEL VALCÁRCEL LASTRA VTBM- 7 24:08:00 04:54:00 SOCIEDADE DEPORTIVA ALBIONS A PONTENOVA
107 86 JUAN ANTONIO IRIARTE LOPEZ SNM- 57 24:18:00 04:56:00 RIBADEO
108 94 MIGUEL BALSA LOMBARDERO SNM- 58 24:19:00 04:56:00 RIBADEO
109 129 DAVID VAZQUEZ GARCÍA JNM- 6 24:20:00 04:56:00 SANTE, TRABADA
110 172 JOSE ANTONIO FREIJE LOPEZ VTAM- 21 24:48:00 05:02:00 CLUB ATLETISMO RIBADEO RIBADEO
111 26 MANUEL ROBLES CABANILLAS VTBM- 8 24:48:00 05:02:00 MARATON CARTAGENA MONDOÑEDO
112 169 ANDREIA DE PAULA LEONARDO MARTINELLO F- 9 SNF- 6 25:21:00 05:08:00 CLUB ATLETISMO RIBADEO RIBADEO
113 71 EDUARDO VERDEAL VTAM- 22 25:24:00 05:09:00 MADRID
114 77 IRENE PRIETO JUNQUERA F- 10 SNF- 7 25:25:00 05:09:00 GIJON
115 35 SIMON HORTAL FERNANDEZ INFM- 8 25:26:00 05:09:00 SD RIBADEO RIBADEO
116 19 IAGO FREIJE MARIÑO INFM- 9 25:27:00 05:10:00 CLUB ATLETISMO RIBADEO RIBADEO
117 47 VICTOR RODRIGUEZ NARBONA VTBM- 9 25:30:00 05:10:00 MADRID
118 43 PABLO LOPEZ ITURRALDE CDTM- 4 25:49:00 05:14:00 OVIEDO
119 138 FERNANDO SUAREZ BARCIA SNM- 59 25:54:00 05:15:00 RIBADEO
120 12 LUIS CESAR MENENDEZ ARBESU VTBM- 10 25:54:00 05:15:00 CLUB ATLETISMO RIBADEO RIBADEO
121 142 CARMEN MARTIN GARRIDO F- 11 VTAF- 2 26:02:00 05:17:00 MEDINA DEL CAMPO
122 136 CAMPO LOPEZ-BRAÑA FREIJE F- 12 VTAF- 3 26:08:00 05:18:00 RIBADEO
123 45 DANIEL RODRIGUEZ SAAVEDRA VTBM- 11 26:31:00 05:23:00 RIBADEO
124 54 RAMIRO RODRIGUEZ GARZA VTBM- 12 26:40:00 05:24:00 RIBADEO
125 68 DOLORES MARÍA NEIRA FERNANDEZ F- 13 VTAF- 4 26:48:00 05:26:00 SANTIAGO DE COMPOSTELA
126 62 ANA FLOR FERRERAS GIGANTO F- 14 VTAF- 5 27:00:00 05:28:00 GIJÓN
127 70 MARIA IBERIA BALSEIRO GARCÍA F- 15 VTAF- 6 27:03:00 05:29:00 CACHEIRAS - TEO
128 65 INMACULADA FERNANDEZ SANTAMARINA F- 16 VTAF- 7 27:20:00 05:33:00
129 63 ANA JUANA BURUNDARENA ALTAFRAGA F- 17 VTAF- 8 27:48:00 05:38:00 FOZ
130 75 MANOLO PARGA GAMALLO SNM- 60 28:04:00 05:42:00 RIBADEO
131 84 VICTOR GARCIA DURRIF SNM- 61 28:04:00 05:42:00 RIBADEO
132 112 JAIME PEREZ FERNANDEZ SNM- 62 28:11:00 05:43:00 RIBADEO
133 111 PABLO RODRIGUEZ GARCIA SNM- 63 28:15:00 05:44:00 RIBADEO
134 108 ANTONIO MARTINEZ FERNÁNDEZ SNM- 64 28:25:00 05:46:00 RIBADEO
135 23 RAFAEL GARCÍA GRINDA VTBM- 13 29:14:00 05:56:00 GRASIAS OVIEDO
136 53 IRENE GONZALEZ-GALATEA GUTIERREZ F- 18 VTAF- 9 29:14:00 05:56:00 OVIEDO
137 143 AGUSTIN COLETES BLANCO VTBM- 14 29:25:00 05:58:00 GIJON
138 73 JOSE RAMON FERNANDEZ GARCIA VTAM- 23 29:32:00 05:59:00 RIBADEO
139 56 AURORA LOPEZ RODIL F- 19 VTAF- 10 29:38:00 06:00:00 RIBADEO
140 41 JOSE ANGEL MARTINEZ OTERO VTAM- 24 29:53:00 06:03:00 RIBADEO
141 104 DEMELSA VAL VILLARINO F- 20 SNF- 8 30:04:00 06:06:00 RIBADEO
142 58 ROSA LOPEZ EXPOSITO F- 21 VTAF- 11 30:07:00 06:06:00 CANGAS DEFOZ
143 44 JUAN LOPEZ ITURRALDE INFM- 10 30:15:00 06:08:00 OVIEDO
144 60 CESAR LOPEZ FERNANDEZ VTAM- 25 30:15:00 06:08:00 OVIEDO
145 110 BEGOÑA MACHADO PRIETO F- 22 SNF- 9 30:34:00 06:12:00 RIBADEO
146 170 MANUEL CASTRO BALSA VTAM- 26 30:34:00 06:12:00 CLUB ATLETISMO RIBADEO RIBADEO
147 109 LAURA SIXTO MORÁN F- 23 SNF- 10 30:49:00 06:15:00 RIBADEO
148 162 MARÍA M. MEILÁN GALLEGO F- 24 SNF- 11 30:49:00 06:15:00 CLUB ATLETISMO RIBADEO RIBADEO

Un descanso para deixar marchar o ano

2011-12-31T10:41:00.001+01:00

A asociación belenista de Ribadeo voltou montar o Belén. Máis ben cabería dicir os beléns, pois entre a antiga Casa Maseda e a vella oficina de turismo (a ambos extremos do campo) teñen desenvolto dous 'grandes' e varias deceas de 'misterios' máis -e máis material que non montaron-. A asociación estase a mover, calquera pode velos traballar na Casa Maseda durante o ano, preparando, cortando, planeando, etc, de xeito que sería un bo obradoiro de formación profesional para xente que se quixera adicar a este tipo de artesanía, incluídas a maquetas en xeral. As horas adicadas suman e suman.

Parte do Belén na antiga oficina de Turismo, no parque tras a igrexa

Outra vista parcial da mesma montaxe

Planos amosados a modo de exemplo de metodoloxía empregada para a reproducción de edificios

Un belén feito por Belén (Cociña), con pedras e area. O Neno non se ve moi ben na foto, deitado entreSan Xosé e a Virxe María.

Outro dos misterios, un dos máis típicos, cun pequeno asomando polo fondo á esquerda

Un misterio con folla de millo, segundo parece, mexicano. Á súa beira, outro minibelén.

A organización tamén fomenta un concurso de beléns que están distribuídos por toda a vila, e, baseado neles, outro concurso de seguemento de beléns para pequenos. Estas son as follas de recollida de datos, nunha mesa compartida con outro material de venda e lembranza.

Un aspecto do Belén na Casa Maseda (Esquina ó Campo)

Outro aspecto do mesmo belén, un palestino saíndo un patio

Detalle

E fíxose a noite...

Posto de vendana praza no belén da oficina de turismo vella

Interior dun edificio

O único elemento copiado da zona nestes beléns: o pozo que está pola parte de atrás do Mosteiro en Lourenzá.

Outra vista do interior dun dos edificios

E o mercado co fondo pintado.

Cando non se quere, non se quere

2011-12-30T10:36:00.003+01:00

Vaites! Horas despois de que haxa un pleno municipal, a cidadanía entérase por algún medio que o houbo. Pero, e antes? Antes, non existe, excepto para os citados. A non ser que lle conveña por algunha razón a alguén e entón, sexa difundido. Aínda esta mañá non sei se o pleno foi de mañá ou de tarde. Certo que chegaríame cunha chamada para sabelo, pero despois de que pase, sen poder ir e ver como se desenrolou, non só o 'produto' final, a cuestión de hora non ten moita importancia. Está visto que é un mal de moda, este de non dicir palabra do que se vai acordar antes de facelo, para así non levantar animosidade e estar máis tranquilo, aínda que sexa sen a participación do pobo. E é que diso se trata, da participación do pobo, algo que se está a incentivar negativamente dende hai tempo, polo que non é de estrañar que os plenos, salvo excepcións interesadas, estén case (ou sen case) desertos. Vamos, co lema aquel de 'todo para o pobo pero sen o pobo' que foi dar directamente na revolución francesa (a lembrar, como fai o correspondente artigo da Galipedia, que se trataría da procura do ben do pobo no sentido do que os gobernantes entenden por ese 'ben').
Dos temas, pouco trascendeu polo momento. Nas edicións dixitais a estas horas non atopo nada máis que en Cronica3, que reproduce a nota do concello, misturándoa con outra tamén do concello, sobre seguridade (despois da polémica na prensa por parte da oposición) e outra terceira sobre a (des)iluminación da ponte dos Santos (na que se repite o xa dito sobre que é Fomento quen ten que pagar).
Por esa mesma nota, parece que houbo dous temas (só) en dito pleno, sendo con diferencia o máis tratado o regulamento das terrazas. Regulamento que era de supoñer que saíra adiante máis cedo que tarde, e que se entremistura con outro par de temas que estes días estánse a tratar na rúa. Un deles, a coordinación e actuacións necesarias para a seguridade ou mesmo o mantemento do concello. Así, hai xente que comenta que agora os axentes da Policía Local están máis pola zona do mercado pola necesidade de recadar máis, pero non hai servizo nouturno. Nin vixiancia en xeral, o que fai pensar no cumprimento das novas normativas que vaian saíndo.

Os galos levan dende antes do verán, e as queixas tamén.

O outro tema relacionado é o do ruído. Ó comentario recollido ó paso onte mesmo entre dúas persoas que se estaban do ruído na zona da igrexa (ó que segundo parece, se sumaba estes días o das panxoliñas electrónicas), habería que sumarlle outras escoitadas sobre que o ruído dista moito de estar controlado noutras zonas, ou a máis curiosa denuncia sobre o canto do galo que está a fastidiar a unha zona céntrica de Ribadeo.

Asemblea de Amadores da Música

2011-12-29T11:38:00.000+01:00

570 socios, uns 30 asistentes ... parece o sino de case tódalas asociacións de Ribadeo o desentendemento polo que é de todos.
Onte celebráronse dúas asembleas, non unha. A primeira, ordinaria, e a segunda, extraordinaria para elixir nova directiva.
Non vou a 'levantar acta' como teño feito outros anos (por exemplo, o pasado), pero si facer algún comentario. En canto á ordinaria, deparou algunha sorpresa, pois Xa na convocatoria estaba a dación de contas e actividade, pero non o orzamento previsto e os proxectos para o novo ano. Aínda que non foi dito, debía entenderse que os proxectos serían cousa da nova directiva, que sería votada a continuación. Abrindo un paréntese, a directiva o pasado ano quedou de xeito provisorio uns meses para convocar novas eleccións, despois de non presentarse ninguén, pero dito período extendeuse o ano enteiro, co que voltou coincidir a elección coa asamblea xeral ordinaria.
Dentro do falado, revestiu especial importancia a viaxe a Viena. Resulta que a viaxe moveu abondos máis cartos que o resto do orzamento, e foi visto como un alicerce ós músicos segundo a directiva, pero como unha discriminación evidente segundo moitos dos presentes. a cousa é que os músicos, se querían ir, tiñan que poñer cartos, o que implica unha especie de 'copago' que resultou nunha subvención dos que non foron ós que foron, incluída xente externa (que tivo que pagar máis, por suposto). O que puxo Amadores de xeito directo foron 5 700 € dun total de 42 300. Coido que foron 60 persoas, e polas contas que botei esa subvención dalgún xeito enmascarada existiu, aínda que unha vez expostas as miñas cuitas, dende a mesa se me tentou explicar que non. Un segundo aspecto discutido xurdiu e mantívose dentro dun caso concreto no que unha persoa pagou o adianto, non foi pero cubriu o posto outra, e non se lle rebaixo nada a ista segunda, co que houbo outro ingreso a fondo perdido.
O certo é que de música non se falou moito, e da distribución xeral de actividades, abondo menos que desta actividade en concreto. En rogos e preguntas, voltei a insistir como xa o fixen con anterioridade sobre o uso da web, na que poden estar tanto os estatutos de Amadores como o regulamento de ŕeximen interno da banda ou as actas das asembleas, e que coido que poderían clarificar algunhas cousas que se tratan nas Asembleas. A xuntanza durou cousa de hora e media, ó final da que houbo uns minutos por se se decidía a presentar un novo grupo directivo.
Comezou despois a nova asamblea, e ó non presentarse ninguén, se previo aviso voltou presentarse a mesma directiva (con dúas persoas cambiadas), lendo un decálogo de intencións (non un programa), que foi despois discutido nun punto concerto: a intención de ter unha única persoa como director de banda e escola. a discusión tivo diversos flecos, dende quen dalgún xeito pretende instrumentalizar a escola como canteira da banda (non só como unha saída natural), á lembranza de que existe un convenio que hai que seguir e mirar se se está a cumprir ou a petición de separar ben claro as dúas cousas e non tentar dalgún xeito de dicirlle ó director da escola o que ten que facer. Como dixo na explicación de intencións o novo (e vello) presidente, trátase de coordinar mellor, pero para iso hai que mirar o método, que non ten por que ser que o director sexa o mesmo (aínda que, se mal non lembro, está no convenio asinado hai tempo)
Nun momento dado, xa que estaba a concelleira de cultura, que leva a escola de música, pideuse a súa intervención, voltando ela a centrar o problema no futuro da banda, que pintou non moi halagüeño, en troques de en cuestións administrativas, e fixo patente que sería bo que na directiva houbera músicos, algo que non hai nesta (composta de pais), e máis conversa cos músicos (algo que foi repetido en varias ocasións tamén na asemblea anterior). Só unha pincelada sobre o futuro do que falou Mari Luz: a parte doutras cousas, a admisión masiva de xente nova en determinado momento de outros direcotres, en detrimento da conservación da xente que xa había, levou a un cambio de composición da banda que está agora deixando a formación en cadro, descompensada e sen xente abondo, algo que é urxente compensar.
En fin, así quedou a cousa, saíndo por votación 15 votos a favor, con xente en contra e dúas abstencións por motivos técnicos.
Rematada a votación, pedín a palabra para lembrar que 15 votos son a maioría dos presentes, pero significan menos do 3% dos socios, algo que habería que tentar corrixir cara ó futuro (e que xa dixen ó comezo que é un mal endémico das asociacións de Ribadeo). Asemade, tamén manifestei a miña sorpresa en que xurdira de novo a directiva, despois dun ano de ampliación de mandato, de pronto, sen previo aviso (coido que podo dicir que non fun nin moito menos o único sorprendido, pois mesmo vin contactar antes da asamblea a algunha xente para tentar formar unha directiva, incluíndo algún músico), solicitando que dalgún xeito se evitaran cousas chocantes dese estilo.
En fin, unha xuntanza de xente entrecoñecida con posturas diferentes, pero sen manifestar realmente unha tensión, aínda que si defendendo de xeito nidio o que cada quen cría.

O día dos Santos Inocentes, O Ribadeo que queremos

2011-12-28T07:38:00.000+01:00

Aló polo 2 de abril de 2005, deixaba no antigo blog, predecesor de Ribadeando, un artigo co nome 'O Ribadeo que queremos'. Hoxe, máis de seis anos e medio despois, e tamén despois de citalo unhas cantas veces, coido que pode ser lido sen perda de actualidade. Déixoo nun día de Santos Inocentes, con inocencia.

Se queres votar o blog en 20minutos...

2011-12-26T12:49:00.001+01:00

Bo tempo, pero frío

2011-12-26T09:44:00.000+01:00

Días soleados, pero máis ben fríos. O tempo meteorolóxico, a temperie, ás veces é como un alter ego para outro tipo de situacións. Nestas datas de Nadal, con discursos varios, de real a local e volta ó comezo, saen as boas palabras a relocer como o Sol que nos ilumina e produce un benestar se se está exposto ós seus raios. Pero en canto pasa esa exposición, en canto as verbas se alonxan, volta o frío inverno da crise. Chega facer algunha comprobación como na igualdade aseverada polo Rei en canto ó trato da xustiza ós cidadáns. Boas verbas, pero se contradín a realidade diaria, de pouco servirán. A parte de que xa está nos xornais que idénticas palabras díxoas hai 15 anos, e o que levamos visto dende entón non corresponde exactamente a elas. A comprobación nas verbas do alcalde é máis sinxela: a cita 'nunca choveu que non escampara' confronta as verbas de ánimo para combater a 'choiva' cunha realidade na que chove e haberá que esperar a que escampe.

Bo Nadal

2011-12-24T00:06:00.001+01:00

Como estamos en épocas nas que habería que levar unha base de datos para ver a quenes felicitamos xa (devolvendo felicitacións, por exemplo), e non estou pola labor, nin quero ser selectivo, decidín facer algo que é ademáis o que sinto: un desexo de felicidade colectiva. Non por que sexa unha ou outra data, senón cada día. O da data vai pola lembranza de hai algo máis de 2000 anos, dun nacemento que din que veu traer luz ó mundo. E porque pasamos o solsticio de inverno, e os días xa comezaron a medrar, motivo de esperanza dun novo período.
Así pois, bo Nadal.

O desastre ambiental do día

2011-12-23T09:28:00.001+01:00

Como pedido ó Papá Noel, un novo desastre ambiental, que promente ser o maior da década causado polo petróleo, consumouse esta semana en Nixeria, o país que hai anos entrou en guerra civil co motivo do petróleo que comezaba a explotarse (guerra de Biafra)... A extensión da mancha no Atlántico é comparable á da Mariña (un pouco menor)
Mentras, aquí libramos unha nova batalla contra os estorninos (e van ...), menos numerosos que antano, pero dos que xa se coñece a súa evolución.
[Por se alguén quere comparar imaxes, aquí, unha da catástrofe que tentamos asegurar que nunca máis volvera a ocorrer, a do Prestige, e a actual fronte ás costas de Nixeria.]

Isto non é o 'Xoán sen medo ou o zapateiro valente'

2011-12-22T08:24:00.003+01:00

Para quen non lembre o conto do zapateiro valente, un pequeno resumo é que un zapateiro que non daba matado nin unha mosca, un día, nun golpe de sorte, matou cinco, e comezouno a contar moi ufano cando estaban na procura dalguén que se enfrontara a un xigante que ameazaba no reino. Unha cousa levou a outra e o zapateiro, en base á astucia, rematou vencendo ó xigante e tendo a súa recompensa.
Non, isto non é o o zapateiro valente: onte cinco vivendas de Ribadeo, na zona da saída da estrada do monte, foron asaltadas. Non foron valentes quenes as asaltaron.
A Xunta aproba o Ere de Hermida e vese na foto a un grupo (son 75 os afectados), pero non hai tanto tempo a prensa reproducía unha marcha de protesta na que había ¿25? persoas ... o que sería indicativo de que pode haber alomenos 50 que non foron valentes.
O novo presidente do goberno promete cambiar a lei de educación, para meter 3 anos de bacharelato. Coméntoo despois, pero quédome coa resposta a Rubalcaba dicíndolle que a única lei educativa da democracia fíxoa o PSOE, e xa é hora de ir cambiando... Saíu un instante na tele e non o vin reproducido escrito por ningures. Si vin unha referencia á cantidade de leis de educación que levamos. Falta de importancia, mentira ideolóxica (a dos medios, non a de Rajoi, que é diferente) ou falta de valentía para dicir que o Presidente mentiu xa na investidura?
A estas altura non sei (e non me da a gana de procurar en internet a resposta) se o BNG participou activamente no debate ou non. Métoo aquí aínda que non creo que se lle poda chamar falta de valentía a que un periódico de difusión galega faga referencia á intervención de Coalición Canaria (1 representante) e non á intervención (ou falta dela, que tamén sería noticia polas circunstancias da investidura e/ou a reducción de tempo que constriñe as intervencións no grupo mixto) do BNG (2 representantes)
A Casa real pediu ó esposo da Infanta Cristina que non veña polo Nadal. Príncipe valente? Coido que nin príncipe nin zapateiro.
Non son ningún valente. Pero calquera pode observar moitas faltas de valentía nas referencias anteriores.
Voltando a unha referencia que fixen sobre Rajoi e o cambio educativo. Unha das cousas máis comentadas deste parece ser o aumento do bacharelato a 3 anos. Como saia, a oportunidade ou conveniencia para a xente é o de menos, pero a xogada, matemáticamente é maxistral:
1.Aumenta a carga de traballo (preto dun 20%) sobre os profesores de medias cando se di que non vai a aumentar o persoal, con máis traballo e facilidade de submetemento, e sen aumentar o gasto a cargo dos presupostos.
2.Diminúe alomenos durante 4 anos a xente na universidade, co que ten a oportunidade de adicarlle menos cartos, liberarse de persoal universitario e en xeral, meter as tesouras na universidade.
3.En versión menor en tempo e cantidades, o da Universidade é trasladable á FP
4.Unha promoción enteira (perto de 500 000 persoas) tenderá a tardar una ano máis en incorporarse ó mundo do traballo, co que diminuirá de xeito permanente a lista do paro.
Quen da máis? O que pensen, ou o esforzo das 500 000 familias correspondentes, por exemplo, é algo que non está sobre a mesa.
... que toque a lotería ... os bancos xa tiveron outra volta a súa: van a poder seguir collendo cartos ó 1% para comprar débeda ó 6%

a voltas cun dos 'xacementos de ouro máis grandes de Europa sen explotar'

2011-12-21T08:11:00.002+01:00

Asturgold está xa facendo catas en Tapia. E o concello de Tapia, seguindo a liña mantida polos veciños dende hai anos, quere paralizar os traballos. A día de hoxe aínda non ten aparecido ningunha nova do confilto na web do concello. Si, en cambio, na web de Asturgold/Exploraciones mineras del Cantábrico hai unha entrada de onte mesmo. E dous estudos (ambos en inglés), un informe técnico e un estudo económico preliminar (que teóricamente pódese descargar, pero a min dame erro). Sobre impacto medioambiental, nada.
O caso é que cando se ve un atropello inténtase facer xustiza por quen se ve atropellado. Neste caso, os veciños lograron o apoio do concello, e ata o novo goberno asturiano, se non o apoio total do Principado, si polo menos que se lavara as mans co tema. Pero agora o Principado deu liberdade á empresa e o campo de xogo está noutros lugares. En Tapia mesmo. E as circunstancias tamén cambiaron, a costa da crise: traballo prometido a cambio de contaminación certa. O balance entre ambas cousas depende de quen o exprese.
En canto á decisión da postura a tomar fornte a este feito, eu téñoo claro, pero a desesperación pode facer ver fantasías.

Comunicado da plataforma Oro no de onte.

Un 'experimento mental'

2011-12-20T07:59:00.000+01:00

Onte, debate de investidura. Collo do blog Im-puso que Rajoi aportou intencións, non decisións, poñendo da miña colleita que en boa parte iso é o que se soe facer nestes casos, e máis tendo unha maioría absoluta de deputados. Poucas novidades sobre o esperado; se cabe, a maior, a intención de voltar a poñer patas enrriba o sistema educativo en troques de limitarse a axustes (e dicindo que só houbo unha lei educativa en toda a democracia).
En fin, a min véuseme á cabeza unha especie de experimento mental a conto das intencións proclamadas e a situación xeral:
Supoñamos dúas persoas que queren o mesmo, sobresaír nas carreiras. Unha, Pepiño entrea diariamente e o adestrador teno exhausto de traballo. Non o fai nas mellores condicións, en principio, por exemplo, non ten boas zapatillas, pero é impulsado a correr, correr e correr, aínda que teña tasada a comida. O Outro, Pepón, ten bo material, proporcionado barato pero a conta de futuros triunfos. Mais a mesma xente que lle fixo o empréstito, os donos do estadio, primeiro vanlle pouco a pouco restrinxindo a súa entrada ás pistas porque din que non rende (non baixou de marca, pero dinlle que iso non importa, que corre contra si mesmo). Ademáis, a comida que lle dan faino engordar, pero non é alimenticia. Co que pouco a pouco si vai perdendo a forma. E cada vez, ó ver que se vai deteriorando, lle negan máis a entrada a pistas. Ven a carreira. Pepiño gana de longo, e cae exhausto na chegada, aínda que contento. Pepón non é máis que capaz de ver a carreira dende a televisión do veciño (a el embargáronlla a conta dun material que non lle deixaron usar). Ó fin, o propietario do estadio xa é dono das cousas de Pepón, sacoulle lucro a Pepiño (Pepiño nunca tivo nada propio e pouco premio lle deron), segue tendo negocio e está a preparar o próximo movemento estratéxico.
Non sei se se entende ben, pero estou seguro que o empresario do estadio si o entende.

A semana máis curta

2011-12-19T08:05:00.002+01:00

Estamos na semana máis curta do ano. Vale, tódalas semanas teñen o mesmo tempo, pero ista ten máis noite e menos día que ningunha. A próxima terá xa máis tempo de luz, a seguinte aínda máis, e así sucesivamente ata xuño.
Neste curta semana,non obstante, van pasar cousas que decidirán o futuro próximo en boa medida. Refírome, claro está, á lotería do Nadal, na quen máis, quen menos, boa parte dos españois teñen posto algunha ilusión. Pero tamén, e tamén claro está, por este ano, será a investidura do novo goberno encabezado Son os novos métodos de gobernopor Rajoi/Raxoi. Sei que non leva galeguizado o seu apelido, pero váiseme a mente ó 'seu' pazo, o Pazo de Raxoi, que si leva galeguizado o nome moito tempo (se algunha vez o tivo castelanizado). Tropézome este mañá con que non detallará as reformas na investidura, e pregúntome se xa comezado a gobernar, dará as órdenes segundo se lle veñan á cabeza, ou seguindo un plan que permanecerá secreto, ou ... porque parece que participación cidadá non vai haber moita ata as próximas eleccións, e daquela xa pode ser tarde para moitas cousas. Vamos, un novo apretar non só en cousas que teme moita xente (e para as que din as enquisas que xa está 'preparada mentalmente', traballo feito que hai que asignar de Zapatero) senón noutras que ó fin son máis fundamentais, como o goberno do pobo polo pobo.
Por aquí seguiremos con 'peccata minuta', mirando que reciclamos peor que hai unha tempada (boto en falta unha referencia ó noso medio na comunicación do concello), que se perden na comarca 70 empregos se non se renovan eses postos de persoal de servizo público (si, ese tan denostado esta tempada) dos grumir, que o concello se gastou uns cantos euros en recoller e manter uns cabalos que non foron reclamados e logo se subastaron por só 350 € (ou sexa, un cabalo, 50 €: agasalla un cavalo polo Nadal!), recoñecendo unha perda superior ós 1 500 € ...
A crise débenos ter feito algo peores, ata na reciclaxe, máis mirados polas consecuencias que polos actos, ó tempo que fai que se noten un pouco máis os desequilibrios no manexo dos cartos e os manexos opacos dos gobernantes, como no caso dos grumir, que a dez días da fin do seu contrato, pregúntanlle á consellería e non hai resposta. Quizáis sexa un novo estilo de goberno que se está a impor: todo o do pobo, pero sen o pobo. Aínda así, haberá quen siga a xustificar o sistema, como está demostrado que pasa psicolóxicamente.
Por certo, engado a última hora unha cita que se atribúe a Eleanor Roosevelt e que ven ó caso en relación ó sistema e a actuación da xente: "las mentes mediocres discuten sobre las personas, las mentes corrientes discuten sobre los eventos, pero las mentes brillantes discuten ideas"

Indo un pouco máis aló

2011-12-17T10:48:00.000+01:00

Pola estrada, en Ribadeo, deseguido se pode saír á autovía se se quere ir pola costa. Para seguir máis aló de Barreiros, polo momento, non.
Dese tramo 'máis aló de Barreiros' está a falar estes días a prensa. Onte, sobre a publicación do impacto ambiental (que na prensa foi tomada case como un 'comezo de obras'), hoxe, a traverso dunha carta que lle bota en cara ó goberno de Barreiros a defensa das urbanizacións e non do progreso asfaltado.
Coido que é cousa de botarlle unha ollada, comezando pola última páxina, o mapa dos tramos estudados. Así, por exemplo, será doado distinguir que Foz cambiou de posición dende a beira da súa ría ata a desembocadura do río Ouro, mentras Barreiros decidiu ir pola súa conta ata o monte. Non será tan doado ver como afecta a construcción ó entorno da basílica de San Martiño, porque prudentemente se obviaron no plano cousas como liñas de nivel, e tampouco será xa doado lembrar que un entronque de 1km é a necesidade do paso entre autovía e actual estrada, e polo tanto, xa posto o entronque e coas normas de construcción de autovías na man, resulta ser o punto de entronque tamén entre a autovía e onovo tramo da costa, apartándoo así da beiramar por abondos km.
Entendámonos, non é que sexa partidario de que a autovía vaia pola beiramar, senón que constato como o encadeamento de decisións pode condicionar o futuro, mentres que esas decisión son tomadas á lixeira sin importar que os datos traídos e levados sexan falsos, tratados tamén á lixeira.
Máis aínda ó fondo, quedan outras cousas, como decisións estratéxicas. Aí está a potenciación do ferrocarril de novo postergada en aras da potenciación dun transporte que non se pode manter, como é o modelo actual de uso das estradas, en medio dun aumento de custes do combustible, un aumento de contaminación no que boa parte da culpa a ten o transporte por ese modelo, e dun enfrontamento a un cada vez máis próximo remate das reservas de hidrocarburos.
... e, máis na superficie, podemos observar na sexta ou sétima páxina do documento como entidades como os concellos de Foz ou de Barreiros non foron precisamente colaboradores entregados para tentar facer as cousas ben. Ou, como, despois de alegacións, as propostas do promotor son deletéreas, como o 'axuste do trazado no entorno de San Martiño', sen maior especificación nin referencia ó que libra o 'axuste'.
Iremos máis aló, consumindo máis e posiblemente sen saber moi ben como nin por que.

Recortes e aumentos

2011-12-16T08:07:00.001+01:00

Quedaron onte en pasarme unha foto da concentración no IES Porta da Auga realizada polos profesores como manifestación contra os recortes que estamos a vivir na educación pública. Non ma pasaron aínda, e esta entrada irá sen foto.
Así, sen ilustración, ven sendo como unha imaxe a ínfima escala do que está a pasar na educación pública: sen visibilidade máis que por algún número en frío, as perdas comparativas e absolutas de cartos adicados inciden na ratio profesor/alumno, pero tamén pouco a pouco no desenvolvemento dos centros, mentres está habendo un trasvase de fondos -públicos- para o ensino privado, pois non é o mesmo a ausencia de medios a nivel xeral que a distribución deses medios que se está a facer.
Pero queda así, como dixen, sen ilustración, e polo momento, sen defensa. Pensando en que a visita non xa dalguén da Consellería en Santiago, senón mesmo do coordinador provincial (neste caso, coordinadora) a algún centro pode arrincar unha foto máis grande e máis espazo nos xornais que as concentracións realizadas nunha grande maioría dos centros (a dicir que por esta vez, aínda que a nivel de edición local, o seguemento nalgún xornal foi o que máis ou menos estimo adecuado).
O que si aumentou de novo foi o tráfico en Mirasol. Na nova no xornal hai varios datos nos que paga a pena pararse. O primeiro, que o Principado ten sementado dúbidas sobre a finalización do ramal de Feve que faría competir a Xixón con Ribadeo para o embarque de pasta de papel. Outro, que o embarque de pasta supón o 82% do tráfico de medio millón de toneladas (ou sexa, cincocentos millóns de quilos), seguido moi de lonxe por o 12% do caolín. Máis, que o dragado implica baixar a cota a -5m, pero sobre todo, que o límite de tonelaxe (estimado polo práctico nunhas 6 500 tn) ven marcado máis ben pola ponte dos Santos que polo propio calado. E que o movemento vai en 139 mercantes (109, os maiores, con pasta)

Distribución da tonelaxe en Mirasol neste ano. Azul, pasta; vermello, caolín; amarelo, madeira, tablóns e fertilizante.

Distribución do tráfico en Mirasol por número de mercantes. En azul, os adicados á pasta, en vermello, o resto.

Consello de contas, e outro tipo de contas.

2011-12-15T08:06:00.000+01:00

Unha amiga pasoume a referencia para chegar ó seguinte:
*Provincia - Tipo entidade - CIF - Nome - Data remisión *
*LUGO-CONCELLO- P2705100B-RIBADEO-21/11/11-Fora de prazo *
é dicir, o concello de Ribadeo enviou as contas fóra de prazo, como pode verse aquí.
É unha web curiosa, esta do consello de contas. Por exemplo, a táboa seguinte. Obsérvase que cada vez os concellos van apurando máis a presentación de contas, pero aínda así, a porcentaxe de contas correspondente ó pasado ano presentadas o 15 de outubro deste é abondo baixo, do orde de 2/3 [non axusto máis porque por diversas fontes vexo que Galicia ten 315 concellos, mentras que para o 2006 na táboa aparecen entregadas contas de abondos máis, seguramente contando outras entidades como Deputacións, que aparecen no listado que ligo primeiro, e mesmo posiblemente por duplicado entidades ás que lle foi reclamada a revisión]:

En canto a outro tipo de contas, despois de indultar a banqueiros e empresarios, o goberno 'estudará' (así, en futuro), un indulto pedido por moita xente. Pero dos indultos a xente que dalgún xeito ten cartos e contactos non é raro. Ó fin, a protección xeral que goza certa xente implica pola vía da acción aquelo de que a porcentaxe de presos sudamericanos (por poñer un exemplo de 'clase menos favorecida') é abondo maior que o que corresponde á porcentaxe de sudamericanos residentes en España.
Por suposto, a situación económica inflúe, como no caso do estudo británico que amosa que as rapazas británicas están a prostituírse para pagarse os estudos. É raro así que se vaia cara á protesta masiva, desobediencia civil ...? (e non se sabe onde parará). Non, como tampouco que a nova de hoxe sexa que a 'persoa protesta' sexa portada en Time como persoa do ano.
Pero deixemos de xeralizar e voltemos á política máis achegada con dúas novas que indican que por estes lares os manexos políticos priman sobre a política como acción para solucionar os problemas do pobo. A conto da residencia de maiores de Ribadeo, e o que fan/din xunta e Deputación (a lembrar, en mans políticas diferentes nestes momentos): O que 'fai' a Deputación e o que 'fai' a Xunta. Coido que sería cousa de non ler as ligazóns anteriores por separado. A idea que se saca pode ser abondo diferente...

Á mina!

2011-12-13T08:06:00.000+01:00

O proxecto da mina de ouro nos lagos de Salave non é novo. De feito, básase na existencia dunha extracción de ouro hai moito tempo alí mesmo. Pero foi xa neste século cando as técnicas permitiron ás grandes empresas botarlle unha ollada interesada, dispoñendo ademáis do seu potencial de convicción para conseguir permisos. Hai cousa de cinco anos botouse a cousa abaixo. Agora Cascos e o seu partido (no que está incluído como Xefe de Medio Ambiente un afincado en Ribadeo, Francisco Rivas, fundador da UPRi), dan para adiante a un proxecto (aquí, no BOPA; aquí, nova de prensa con reaccións) que ten prometido moito traballo, xerando 300 peticións segundo a empresa, e 354 alegacións en contra, rexeitadas en tempo récord. Ó final, hai que comezar por facer de novo catas para reavaliar as posibilidades estruturais de construcción de galerías [1 800 m, ata 250 de profundidade -máis de 200 por baixo do viciño mar-] dunha mina da que previamente se dixo que era capaz de producir marabillas (xerando asemade uns 'marabillosos' residuos contaminantes).
No blog entre outras entradas, referínme á mina en:
Recomezo (2011)
O tema, no 2010
Cambio de donos (2010)
Presaxio (2008)
Non á mina (2006) e ligazón para unha presentación
Tempo de construcción (2005)

Morosos

2011-12-12T08:12:00.000+01:00

Mentras un galo lonxano declama dende hai algún tempo, o mesmo que día tras día dende hai máis dun mes, leo na prensa a morosidade de Ribadeo e lembro débedas xa sabidas do noso concello. Hai tempo (moito, mesmo en épocas de vacas gordas) que ven arrastrando pagos a empresas e particulares, de xeito que mesmo se ten solicitado en pleno o pago de contas de longo percorrido temporal. Case se pode dicir que é recurrente que a oposición lembre algúns pagos e o goberno diga que se está mellorando neses pagos atrasados doutros mandatos. A cousa tomou outros derroteiros, non máis preocupantes pero si novedosos, cando se pasou da participación das vilas mariñeiras. Naquel momento recoñecíase unha débeda, a pagar máis adiante, e razonábase de xeito diferente o deixar de pertencer á asociación por cuestións de rendemento da inversión (algo que aínda comentei non hai tanto a conta dunha foto enviada por Ángel Alda sobre un anuncio nun autobús madrileño), algo interpretable como natural ó tempo que disparaba a resposta do por que da participación de Ribadeo sen esixir máis ata o momento. E, aínda que xa anteriormente ó episodio das vilas mariñeiras se sucederon casos como a devolución ó estado de cartos, os episodios dese estilo, nos que intervén dalgún xeito todos e cada un dos concellos a nivel España, contarían doutro xeito que estes relativamente pequenos detalles que si son individualizables.
Agora é Alfonso Fuente Parga, o alcalde de Barreiros e presidente actual da Mancomunidade, o que reclama que Ribadeo se poña ó pago nas cotas con esta institución de pertenza voluntaria con misión de favorecer a prestación de servizos dos concellos. Polo que di o xornal, Ribadeo debería 6 200 € (aínda que non me saen as contas para que así saia o total de 64 000 € que reclama Parga a varios concellos)
A cousa é que de pasar a deber a xente ou empresas con pouca (ou costosa) defensa ante o impago, estase pasando a deber a institucións que manexan en pé de igualdade ou mesmo con máis posibilidade de recursos o tratamento deses impagos.
Se é verdade que se está adiantando no abono da débeda a particulares e pequenas empresas, sería un trasvase de débeda dunhas a outras instancias, que saltaría á prensa por mor das posibilidades destes novos acreedores. Se non, sinxelamente é un aprofondamento na mala situación das contas municipais.
Voltando ó que di o alcalde de Barreiros, os morosos deben pagar ou pagar: é dicir, dun xeito ou outro, a mancomunidade, coa débeda demostrable, cobrará, e aínda que o primeiro método que propón (o pago directo das débedas da mancomunidade por parte dos morosos) é de aplicación difícil de creer, só a perspectiva de que hai xa solicitadas subvencións de xeito directo por parte da mancomunidade que implicarían que non as recibiran os concellos ata agora agrupados, impusa a pensar que é certo.
Por suposto, non estamos a falar aquí dun vello concepto, o da honra de facer pago ás obrigas contraídas.
Deixo ó pé a foto de dous Boletus Edulis, seta comestible e saborosa, cunha idea: o aproveitamento do que dispoñemos ó noso arredor, que pode axudar na economía, sexa familiar ou pública.

Boletus Edulis

Lopezlab

2011-12-11T13:35:00.001+01:00

Coido que unha historia de éxito (relacionada con Ribadeo) que debe verse. E mellor, quizáis na propia orixe da nova: Lopezlab

Xolgorio popular!

2011-12-11T10:03:00.001+01:00

Entre 9 e 10ºC no exterior, unhas 1 200 persoas agardaron a que se completara o sorteo dos vales de ACISA onte na carpa do parque, que por outra beira, deixara xa de expoñer a mercadoría dous días antes. Só Amadores da Música e os amigos do antroido levaban unhas horas tentando promocionar e sacar cartos para as súas actividades. 1 200 persoas, uns 120 000 watios quencendo a carpa, onde había que sacarse as prendas de abrigo para non asarse.
Moita xente para unha carpa cunha megafonía deficiente, orixinou case un motín nun determinado momento, correspondendo as gravacións que se de deixan a momentos posteriores. Amosan anacos soltos da hora que durou o sorteo nos que a audición foi mellorando sen chegar nunca ó óptimo e prantexando o apoio popular á repetición dos números, que moitas veces empeoraba aínda a comprensión, pero que creou unha atmosfera que salvou o acto do sorteo por esta volta.
O sorteo estaba organizado en 10 premios de 100 €, 1 de 200 € e outro de 300 €. Na primeira volta, non se recolleron máis que 6 de 100, co que se fixo unha segunda rolda para os restantes, e cando a xente comezou a saír en masa (ver a foto dun recuncho lateral habilitado) só aparecera outro máis de 100 €.

Xente saíndo polo lateral da carpa

Quen se levou os premios? A saber, cando xa pasada a media hora a locutora apuntou que podían pasar por detrás da carpa quen estivera premiado...
Na gravación poden apreciarse diversos momentos. Está feita dende o 1/3 da carpa próximo á locutora, e escoítase, aínda que se nota como a xente máis apartada di que non escoita e logo como se repiten os números para lograr saber, e como o ambiente a estas alturas é animado.
A xente comezou a marchar despois da metade do sorteo, non sabendo moita que se ía repetir (mentras outros, comezando por min, pensabamos que se ía repetir ata que aparecera o boleto premiado en troques de repetirse só unha vez. Por certo, estaba escrito no boleto). Tamén houbo quen marchou por cansancio de estar alí de pé (preto de min estaba xente que se soubo procurar ben a vida nun banco do parque)

E un detalle máis: As bandeiras, que curiosamente tiñan Alemaña, Inglaterra e UE no centro nunha tempada coma esta convulsa para o Euro e o 'avance' impulsado por Alemaña e o descolgue de Inglaterra.

... e sen ningunha galega, como houbo que me fixo notar.

Aforro

2011-12-10T10:19:00.001+01:00

Por esta, de electricidade. Substitución de lámpadas por outras de máis baixo consumo (é a segunda rolda que se fai neste sentido, despois de ser substituídas as de filamento; as últimas eran amarelas, segundo se pode ver aínda nalgunha rúa), apagado antes, por tramos, e non uso dalgunhas.
É certo que se ven as rúas literalmente apagadas, e no Nadal, despois do desfase de luz doutros anos, choca moito e pode xerar protestas. Pero tamén é certo que se ve. E que xa hai máis de 10 anos, nunhas xornadas de medio ambiente, nunha ponencia defendín a necesidade de ceos limpos de luz (algo que xa se pedía daquela, cunha evolución estudable xa por fotos de satélite): economía, astronomía e o sinxelo pracer de poder mirar as estrelas xúntanse nesa condición de non ter sobreiluminado o noso ceo.
Claro está que non hai que pasarse tampouco, e que aínda está lonxe unha 'iluminación á carta' segundo necesidades puntuais. Polo momento, o aforro. Eso si, ata que non foi forzado, nada.

Unha pequena reflexión sobre flexibilidade e firmeza, competencias e competencia

2011-12-09T14:33:00.001+01:00

Unha noticia da prensa de onte indica que a Deputación rexeita que Foz gaste os cartos do proxecto do xeriátrico en servicios sociais. Como non sigo exactamente a secuencia, non podo dar detalles nin xulgar moi a fondo. Aínda así, hai algunha cousa para reflexionar.
A primeira, sobre importancia relativa de necesidades e a súa solución. Ribadeo ten algún habitante máis que Foz (non moitos, pero si algún) e a poboación tan envellecida ou un pouquiño máis. As prazas de residencia actuais son semellantes no concello, e nun entorno de calidade que xoga contra Ribadeo pola parte pública (a lembrar que Ribadeo ten tamén unha pequena residencia privada). A viciñanza doutras residencias xoga a favor de Foz claramente, con máis dunha a menos de 20 km por ningunha a menos de máis km... E en Foz non só está prevista unha residencia, senón que hai liorta por ter concesión de orzamento para o proxecto e non poder gastalo por ter o proxecto xa concedido por outra beira.
Non sei por que non quedou publicado o anterior pola mañá (non o comprobei), pero iso dame pé a engadir que hai unha diferenza grande entre o que é a decisión política debido ás propias ideas, é dicir, o xeito de conducción política, e as posibilidades políticas debido ó clientelismo por alineamento de ideas (e cabería dicir, por alienación de ideas). Hai que lembrar, nese sentido, que Foz pasou este mesmo ano de goberno socialista a goberno do PP, mentras a Xunta cambiou no mesmo sentido un par de anos antes, e a Deputación permanece con goberno do PSOE.
En Ribadeo, sen cambio de goberno no concello, os outros cambios non parecen ter moito efecto na consecución dunha residencia: seguimos sen albiscar polo momento unha nova residencia pública, mentras a crise imposta nótase cada vez máis.
Por certo, coido que o de competencias e competencia quedou máis ou menos patente, pero o de flexibilidade e firmeza, quizáis sexa cousa de desenvoltalo outro día...

Resulta curioso, o da familia real

2011-12-08T10:53:00.001+01:00

Levamos xa un día enteiro en shock coa familia /macro/mini/ real. Anúnciase unha especie de 'ERE' cando máis beneficios obtén, aínda que sexa por métodos pouco ortodoxos, ó igual que outras moitas empresas. Por eso da empresa familiar e a iconografía, resulta chocante, e contrasta máis co punto actual doutros millóns de 'empresas familiares', que non só non fan ERE, senón que reamplían a súa rede [rede familiar, lle chaman] de consideración de familiares ata onde poden (e máis aló), ou ben planifican dende hai algún tempo que non haxa máis ampliación familiar porque non poden asumila [voltou caer a natalidade]. Aquí non se trata de 1% vs 99%, senón que as porcentaxes son abondo máis escandalosas.

Nunha semana rara, unha carpa no parque

2011-12-07T07:56:00.000+01:00

Esta semana é rara. Tamén en Ribadeo. Mercado de Nadal toda a semana. Hoxe trae a prensa que mediante unha suba das taxas de ocupación de posto a 100 € (30 expositores) e o logro dunha axuda da Deputación de 5 000 €, o concello só ten que poñer 2 000 €. De aí, un par de cousas claras: o custe, groso modo, 10 000 € (ó que supoño que habería que engadir algunha outra cousa non contada, como luz ou uso de Protección Civil), e a ratio entre cartos que emprega o concello e custe total (2 € de cada 10 €). A elas podíase engadir o custe para o conxunto do erario público da carpa (7 € de cada 10 €) ...
Non está mal (quizáis cabería engadir 'en certo xeito'). Lembro ter participado na primeira edición nun posto con O Tesón, na que se nos pediu participar para axudar a poñer en marcha o tema. Fixémolo, o mesmo que os demáis expositores, sen aportar cartos (e pola nosa parte, sen voltar ser chamados nen recibir as grazas). A cousa comezou a cambiar cando se fixo patente a consolidación e o éxito de público (o de vendas e aporte de movemento a outros sectores do pobo ven relacionado, aínda que non sexan o mesmo).
Chámame a atención que, pola disposición da nova, ten como fonte o concello e non unha queixa dos participantes. Esa é unha boa sinal, non pola propaganda do concello, senón porque implica que é natural e afrontable o gasto dos participantes. Que non é noticia pola súa parte, é dicir, que a cousa funciona. Abondo mellor sinal de que pasaran 2 000 persoas por alí na fin de semana, sen que haxa un cómputo máis que a ollo.
Por certo, este ano a ocupación do parque por cousas alleas a el foi abondo menor que o pasado, o que redunda no seu ben...

Constitución

2011-12-06T11:29:00.000+01:00

Estamos constituídos como España. Para min, ese é o significado da constitución. Ese acordo, de varialo, debe ser consensuado entre os afectados, sen componendas rápidas de mercados ou parellas de líderes.
Mais, resulta que os políticos son nomeados os enlaces xestores das leis, e aí comeza a deconstrucción. Porque neste país xa non nos fiamos dos políticos nin dos seus métodos. Resulta que o último informe de competitividade global do Foro Económico Mundial ten dúas táboas interesantes nese sentido (descobertas a traverso de E. Dans), a confianza nos políticos e a transparencia do xeito no que se fai a política na maioría dos países do mundo. España suspende 'con nota' na confianza e quédase xusto na metade da táboa, pero tamén suspensa, na transparencia. E o foro Económica Mundial non é precisamente o movemento 15M.

Trasladando unha denuncia

2011-12-06T00:45:00.001+01:00

Fágome eco dunha denuncia que me pasaron e que ven arrastrando dun ano atrás, se ben os 'papeis' da denuncia non teñen tanto tempo. Paso a facer un resume:
Agosto 2010: comezo de levantemento de beirarúas para as obras de acondicionamento da travesía.
Gestión Gratelu SL puxo na finca anexa ó 43 da Avda. de Galicia unha “planta móbil”, denominación dunha 'especie de máquina trituradora' de escombros, lindando co patio de luces e nos terreos que ocupa na actualidade asemade o aparcamento usado preferentemente por camións. Por atrás, AQUAGEST depositaba materiais que necesitaba nas canalizacións de auga das obras.
Agosto de 2011: traslado da máquina á zona que xa non usa aquagest, e continuación do triturado. Primeira queixa á alcaldía, coa resposta do alcalde no sentido de que sería uns 15 ou 20 días.
Outubre de 2011: escrito ó concello. Comprobación en Medio Ambiente-Lugo de que a empresa non ten os permisos axeitados (información desmentida logo con documentos de Medio Ambiente-Santiago). A contestación da largas para outros 15 ou 20 días. A comprobación de permisos inclúe a trituración para calquera obra, co que non se ve o final.
Mentras, ruido e pó pola máquina e tamén polo montón de area.
Ata a data, o último machacado é do 23 de novembro; despois da protesta nos xornais a máquina foi levada. Os afectados pregúntanse, se teñen os permisos, por que levaron a máquina e esparciron polo chan cascotes sen triturar?
Asemade, se tendo permisos, é regular, lícito, ético plantar a máquina baixo das fiestras. Mentras, o pó invade as casas e as vías respiratorias, e hai veciños que están a sufrir procesos médicos nas vías respiratorias que posiblemente podan relacionarse co pó e que non detallo. Asemade, grietas aparecida na edificio fan pensar no tempo pasado pola máquina traballando pegada a el.
O futuro do proceso, verase.
Antes, dúas referencias de prensa,de 24 de novembro de 2011 como denuncia, e de 28 de novembro como resposta.

Os pedruscos espallados despois de levar a máquina

No solar falta calquera tipo de servizos, de canalizacións de auga a valados ou prevención de incendios de cara ás silvas próximas.

... e un video sobre o tema:

Que alegría!

2011-12-05T08:28:00.000+01:00

Que alegría! Non, non é polo mercado do Nadal, nin pola proximidade destas datas nas que a obriga de consumir vai producindo un subidón de adrenalina que se confunde de xeito case obrigado coa alegría. Non. quince días despois das eleccións, a cousa vai por outros camiños. Por fin saberemos (mellor dito, confirmaremos) a política económica do novo goberno, pois esta semana o novo mandamáis político español reunirase (fóra de España) con xente de partidos afíns de toda Europa, e moi en particular, con Merkel, e xa ten anunciado (fíxoo precisamente en Galicia) que alí será o momento que estabamos esperando, a revelación, a confirmación do que supoñemos. Alí se producirá a nova, e dalí virá a liberación de pensamentos: xa non haberá suposicións, senón certezas.
Dun xeito incomparablemente menos importante, a Asamblea de indignados da Mariña e Occidente Astur, despois da Asamblea de Navia antonte, remata de poñer a disposición do público a acta.

Privación e privacidade

2011-12-03T17:00:00.000+01:00

Estase falando esta tempada de privatizar o servizo público. Case calquera servizo. Ou suprimilo. Moitos.
Ó mesmo tempo, hai unha privación de datos, e unha privación de compartición de decisións. Non se pon en cuestión que os servizos públicos deben rendir, senón que non debe habelos. Non se pon en cuestión que deba haber máis impostos para quen menos esforzo está a facer, nin que teñamos unha bolsa de fraude fiscal cuxa emerxencia sería capaz de subministrar fondos para o mantemento dos servizos, senón que se apreta máis ós de abaixo.
E punto.
É dicir, estamos máis ben nunha privación de servizos mentres se privatiza o seu pago. E nun querer convencer de que se está privatizando o servizo para que non se nos prive del ...

Quen é quen?

2011-12-02T08:05:00.000+01:00

Con varios cortes de luz tanto onte á tarde-noite como esta mañá, espero poder rematar o blog en tempo ...
En tempos revoltos, é difícil distinguir algo, a parte do derivado de 'a río revolto, ganancia de pescadores'. Despois do indulto da semana pasada dun banqueiro por parte do goberno (vice dun banco que condonou unha débeda ó PSOE), hoxe parece ser que se pretende aprobar a lei Sinde por presións diversas, incluído foráneas.
Se nos centramos en Ribadeo, nos catro partidos con representación no pazo do concello atopamos algún tipo de revoltillo. O primeiro, ideolóxico, de fondo, pois non son nin moito menos homoxéneos. Pero tamén persoal, ca un ó seu xeito. No maioritario, despois de aumentar a representación, parece haber unha cohesión interna moi grande, liderada polo alcalde. Mais no seguinte nivel, a indecisión do futuro da formación a nivel Galicia pode a moi curto prazo facer que as expectativas en Ribadeo cambien abondo. Dende o asalto do cabeza de lista a postos máis altos ata a marxinación non só a nivel institucional por ser oposición, senón a nivel da propia formación.
En canto ó segundo partido, os novos folgos non ocultan que despois dunha loita pola sucesión que era a comidilla do pobo, hai unha asimetría na representación, no sentido de traballo e participación, mentras unha figura pasada con relacións institucionais aparece ante a poboación como estando e non estando, nunha especie de espectro brumoso que mantén poder na sombra.
UPRi cambiou de representante no concello, pero o ganar influencia na veciña Asturias non compensa o anonimato ó que se viu submetido ata agora o segundo de a bordo, e a soidade alomenos aparente na que se move, palmadiñas na espalda a parte.
E o PSOE xa ten saído moitas veces á palestra no blog precisamente a conto da necesidade dunha refundación ou polo menos forte reestruturación interna que polo momento non se deixa ver, notando hai algún tempo máis ben un retroceso nese sentido con algunha dimisión.
Todos sabemos quen é quen no sentido de identificación nome/cara. Máis aló, en canto ás ideas e as accións, podémonos equivocar de xeito moito máis doado.

O desemprego xeral e da xente nova, unha comparativa mundial

2011-12-01T21:16:00.000+01:00

Nesta ligazón.

Un (varios) novo(s) enfrontamento(s)

2011-12-01T08:08:00.000+01:00

Unha das misións importantes que coido que ten o aparello mediático do concello é dirixir (ou tratar de facelo) as novas, a atención da cidadanía cara onde interese no momento concreto, dirixindo así tamén o debate correspondente e mantendo a outras forzas á contra. Certamente, non é a única, nin a máis desexable para a cidadanía, pero está aí.
Nestes días, tras a revolta electoral, coa vistoria indiscutible do PP tamén en Ribadeo, e mesmo xa con antelación á mesma, parece que esta formación política está tentando contrarrestar esa forza, combinando Ribadeo e máis aló, porque poden. Hoxe, onte e antonte, con tres temas ben diversos: o uso da casa das algas, os restos arqueolóxicos da ría e o deserto aparcadoiro de pago.
No primeiro caso, o desencadeante foi o uso da casa para un anuncio do concello. Sucedía abondo despois dun polémico vídeo que o alcalde sacou para ensinar da súa man o conxunto do paseo ás Aceas, que está sen inaugurar pero en uso dende hai tempo por parte dos ribadenses (e foi reseñado aquí). Se daquela a resposta viu do PSOE por ser unha obra feita con cartos de Madrid, agora é por non ter aínda mirado que facer co edificio e ser unha inauguración que non corresponde ó concello, pois haberá pronto novo goberno en Madrid.
A segunda é polo deserto no que se convertiu a praza do mercado para o aparcamento (tema tamén tratado en fotos no blog), coa discrepancia entre o éxito que din uns e o fracaso que atribúen os outros. En ambos casos, nomean ós comerciantes ó seu favor (foron consultados e fíxose coa aquiescencia da ACIA, di o BNG, sofren as consecuencias, di o PP), sen que saia a relocer de xeito directo a súa postura (colectiva, da ACIA, nin mesmo de individualidades) polo momento. Mentras, queda no aire mesmo a rendibilidade económica da iniciativa, ó supor 4 000 €/ano o alquiler dos parquímetros, e, á vista desta tempada, ser previsible que se supere esa recadación pero non tan folgadamente.
A terceira, os restos arqueolóxicos da ría. A prospección foi moi ben recibida no seu momento, pero o mesmo que noutras actuacións, faise valer que o poder do concello sobre a ría é limitado para derivar iniciativas e actuacións, e, neste caso, que as pezas vaian a Vigo e non quede en Ribado nin rastro. Mais a polémica xurdiu cando no acto protocolario de presentación non foi invitado o alcalde, que, enterado, presentouse alí, no club náutico, a facer valer os seus dereitos e os nosos (como representante, se entende). Ó final, parece que polo momento vai haber unha exposición de pezas rescatadas en Ribadeo, pero despois de lanzar unha acusación de que había moitos restos polas casas particulares, foi retrucado que denunciara e rematou dicindo que prefería os restos en Vigo que desaparecendo nas casas particulares. Tamén este tema foi tratado con aanterioridade no blog, mesmo por Pancho Campos, o presidente de O Tesón, ou a conto do que pode supor a draga para estes restos se non se ten algo de coidado.
Calquera dos tres temas pode considerarse 'cerrado en falso', o que dará lugar a novos titulares de prensa: o mercado, a falta da voz dos comerciantes e números. A casa das algas, a falta de inauguración e asignación de funcións. Os restos da ría, porque aínda quedan no fondo e non está estipulado o como e cando da exposición, que será un momento para lembrar de novo que non estarán permanentemente en Ribadeo ...

Un documento para lembrar (se queres), para unirte (se queres), para pensar (se te decides), para ...

2011-11-30T20:52:00.000+01:00

A acta da última asamblea indignada, en Ribadeo, aquí.

Desta vai?

2011-11-30T08:10:00.000+01:00

Hai xa tempo que o alcalde ven espallando a súa idea de que Ribadeo sexa unha pequena vila. A conta diso, non é a primeira volta que sae no blog, nin tampouco a primeira que reflexo a miña idea de que a cantidade de veciños non é tan importante como a calidade de vida.
O caso é que despois de catro anos de dicir que Ribadeo pasaba de 10 000 habitantes e non verse refrendada tal afirmación polas estatísticas oficiais, parece que desta poidera ir, despois de que o INE certifique que o concello pasa lixeiramente desa cifra (1023 habitantes) cando o padrón xa a ten superada hai algún tempo (10 266).
Chama a atención a discrepancia de cifras oficiais en perto de 250 persoas, cantidade avultada que representa un 2,5% sobre o total, e que parece un pouco difícil de explicar, pero o caso é que agora xa ambas cantidades superan o límite, co que é previsible que o concello poda optar a un nivel de percepción de cartos lixeiramente maior, a parte de aumentar en catro o número de concelleiros.
Respecto a isto último, con 17 concelleiros,as últimas municipais quedarían como expresa a seguinte táboa:

É dicir, cada grupo tería un concelleiro máis, co que o BNG perdería a maioría absoluta. Algo que sempre debera terse en conta polos políticos, non como prevención para interferir, senón nos seus propios cálculos.
O alcalde fala de crecemento sistemático, e si parece que a xente que ven inmigrada a Ribadeo non se marcha en cantidades importantes coa crise económica, á que se xunta unha crise de natalidade da xente afincada hai tempo e que daría por terra cos incrementos de poboación.
6 286 dos empadroados viven na vila, o que supón o 66,7%, isto é máis de 2/3 da poboación, marcando un deterioro poboacional das parroquias, que se despoboan nunha sangría cara a vila e a falta dun reposto xeracional ou inmigración, ámbalas dúas cousas das que se beneficia en maior medida a vila.
De calquera xeito, exercicios numéricos a parte, os problemas que sofre Ribadeo (ou as solucións das que pode desfrutar) seguen sendo máis ou menos os mesmos, pois, por exemplo, non significa un maior número de xente máis cantidade de xente maior nun futuro? e non significa iso que a medra a necesidade dunha residencia de anciáns?

A crise perfecta

2011-11-29T07:43:00.001+01:00

Que mellor crise que a que se prepara para que se autoalimente?
Onte saía na prensa que se está comezando a aplicar nas causas recentes o fin lexislado da xustiza universal. Os preciosos cartos dos españoles xa non poderán servir para investigar crimes que non incumban direitamente a españois. Ó resto, que o zurzan (xa nos zurcirán despois a nós).
É sinxelamente un episodio máis, polo momento o último, da descomposición que estamos a sofrer nesta crise perfecta, onde se vai lexislando e actuando para que cada vez a crise adquira unha maior entidade. O penúltimo, o aplicar o indulto a un financieiro tramposo, só fixo manifestar políticamente as querencias dun goberno en retirada que xa non teme ás urnas.
Ámbolosdous son feitos non económicos de primeiras, pero encaixan na mesma crise xeralizada na que a autoalimentación ven de que unha parte da sociedade con mando, se come de xeito apresurado ás outras, impedindo así calquera recuperación do corpo enteiro.

Unha semana e un día

2011-11-28T08:18:00.000+01:00

Podemos comezr a contar. Hoxe cúmprese unha semana e un día das votacións, e isto comeza a parecerse a unha pena, antes de entrar o novo goberno. Non só é que no último consello de ministros se indultara a un financieiro tramposo, dando un paso máis cara ó desprestixio do PSOE, a quen as letras centrais cáenselle a cachos. é que esta semana a bolsa pegou un baixon e a prima de risco tampouco secomportou correspondendo a uns mercados calmados. É certo que mesmo Alemania tivo un pequeno traspé coa débeda, pero cousas semellantes a nivel internacional veñen pasando dende hai tempo, e as consecuencias vanse acumulando. Pero que xusto despois dun cambio nas urnas caia a bolsa como no caso español da semana pasada, non ten comparación na zona euro nestas circunstancias. Preguntábase onte Ignacio Ramonet que pasaría cando os axustes de cavalo non rematen coa crise. E mentras, ese 'que pasará' colleranos máis pobres e indefensos, con máis desigualdade.

Cadeiras vacías en Lugo, días atrás (foto de G.Gómez). Para reflexionar sobre a crise.

Xa hai columnas novas no cantón

2011-11-26T11:48:00.000+01:00

A foto corresponde a varios días atrás, á substitución das columnas do edificio dos Moreno. Un paso máis cara á súa conservación, importante, pero non definitivo, pois o interior segue a deteriorarse, a parte do que se pode observar nas fachadas.

Poden observarse as novas columnas entre os apoios mantidos para a súa substitución.

Ribadeo, fóra

2011-11-25T08:16:00.001+01:00

Esta semana un grupo de alumnos do IES Porta da Agua estará expoñendo traballos realizados por eles na edición 2011 da Galiciencia, en Ourense.
Os alumnos son Andrez Vilar, María Pernas, Alexandra Martínez, Pablo Ramos e David Portillo, acompañados polo profesor Antonio Gregorio. O IES ten participado nas catro edicións anteriores de esta feira exposición científica con diversos grupos de alumnos e traballos que antes ou despois foron asemade expostos noutros lugares, comezando pola feira de ciencia do centro.

Na imaxe, un momento da explicación dun dos proxectos a un visitante.
Noutros medios: Voz de Galicia

?

2011-11-23T07:40:00.000+01:00

Non comprendo moi ben. Unha agresión, conmoción en Ribadeo e novas de prensa acaparando titulares e... o primeiro que aparecen, a pesares das marcas da agredida, e o cuestionarse de se a versión dada é real ou está mentindo, antes de comezar a investigación. Coido que se hai razóns para dudar, deberan expoñerse, e se non, ter unha única hipótese de traballo a demostrar, dando por válida a única versión ata que se aclaren os feitos e se demostre. Hai algo máis?

SPQR

2011-11-22T07:45:00.002+01:00

Senatus populusque romanus, o Senado e o pobo de Roma. Se non lembro mal, era isa a lenda que levaban os estandartes das lexións romanas, en representación dunha comunión entre pobo e representantes na loita contra o exterior.
No caso español, o Senado é, cando menos, algo diferente. E non porque nas últimas eleccións sexa os senadores do PP os que conseguiran os 2/3 dos nomeamentos, facilitados polo agrupamento de candidatos por partido e nomeamentos nominales, senón polas funcións e os nomeamentos a dedo. 51 senadores son postos a dedo polas autonomías, o que fai 1/5 da cámara e inclina o poder do pobo cara onde marcan os extrapopulares, representantes elixidos por representantes, destilando en teoría maioría de maioría. E o Senado fai de 'cámara alta', pretendendo ser unha 'cámara das rexións' e non chegando a ningunha das dúas, polo que se pide hai tempo a súa eliminación. Non lembro ben agora como localizar un vídeo que vin hai pouco no que un senador (do BNG, por certo) pedía a disolución do senado por inoperante.
Despois diso, que importan neste caso os números? ... pois mentras que esteña funcionando aínda que sexa a baixo ritmo, importan porque toma decisións que nos afectan a todos, por moito qu enon sexa representativo ou que sinxelamente, 'non sirva'.

Datos de Ribadeo, Lugo, Galicia, España, algunha pregunta e algunha cousa máis.

2011-11-21T08:30:00.003+01:00

Estamos no día despois. Abaixo deixo os resultados electorias de Ribadeo, Lugo, Galicia e España, tomados da páxina oficial. Para os datos comarcais, aquí.
Coido que é para pensar a comparación dos resultados en escanos cos ofrecidos aquí, que resultarían dunha proporcionalidade non guiada polo método d'Hondt. Algo que debería terse presente á hora tanto de valorar as eleccións como de procurar un cambio na normativa legal sobre elas.
Sobre o Senado non poño nada agora. Moito se leva falado da súa importancia ou falta dela e da conveniencia da súa eliminación. E as cifras, 136-48-outros, falan abondo. Queda para outra entrada.
Collendo a primeira táboa, de Ribadeo, atopamos que o PSOE do descalabro a nivel estatal (en Ribadeo perde 2/5 respecto ás anteriores xerais), o que se ten pedido refundar dende xa antes das eleccións, resulta que acada perto de dobre número de votos que nas eleccións locais. E en Ribadeo non se refundou...
Tamén observamos que o BNG perde case 2/3 dos votos en relación ás municipais debido ó efecto estatal, pero mellora resultados e é un dos lugares de Galicia no que ten mellores cifras, conforme coas municipais. Aínda así, non aproveita a caída de votos do PSOE.

A nivel provincial, o PSOE perde moito, pero aínda así, non tanto relativamente como a nivel estatal. É dicir, poderíase dicir que Blanco segue tendo uso do efecto cacique, pois como teño dito é iso o que potenciaba o seu lema aquí, máis, a nivel Galicia, a perda de porcentaxe de votos é semellante... Abrangue o efecto a toda Galicia ou non existe tal e hai que procurar o resultado noutro lugar?
Do arrase do PP, xa esperado, pouco que dicir. En canto ó BNG, sabíase da extrema dificultade de sacar un deputado e iso inflúe en que a porcentaxe sexa menor que a nivel Galicia. O 'voto útil' propiciado por d'Hondt.

A nivel Galicia, despois dos 2/3 de nomeamentos a mans do PP, a nova é que o BNG mantén os dous deputados, pero sofre asemade unha pequena baixa no número de votos, non recollendo nada do descalabro do PSOE.

A nivel estatal, o PP ten un colchón de 20 deputados mentras que non chega ó 45% dos votos. Aumenta a abstención, pero sobre todo (aínda que represente menos en número), aumentan os votos nulos e os votos en branco, conforme o desencanto da xente e a petición de diversas plataforma arredor do 15M.
Aumenta IU, pero non o que perdeu PSOE, que se dispersa e vai tamén a parar de xieto preferente a UPyD, que a unha certa distancia da porcentaxe de votos de IU, pero sobre todo, de actas de deputado, convírtese na cuarta forza máis votada.
Do resto, a comparación debe facerse coa proporcionalidade para observar un camiño.
Sobre o futuro? Rajoy aínda non fixo declaración máis de que non prometera nada ... a nós. Nos papeis están as promesas variadas en función do tempo, e todos temos algunha idea de por onde veñen os tiros.
[Por certo, algo a lembrar: para ver ampliada a táboa de abaixo, premer co botón dereito para brilo só, e logo ampliar tamén co rato]

Primeiros datos electorais: o PP a 1 da maioría absoluta

2011-11-20T21:06:00.003+01:00

http://www.generales2011.mir.es/99CG/DCG99999TO_L1.htm
En Ribadeo, polo momento:
PP 288 52,74%
PSdeG-PSOE 151 27,65%
BNG 52 9,52%
EU-V 30 5,49%
UPyD 15 2,74%
PACMA 2 0,36%
UCE 1 0,18%
C.XXI 0 0,00%
Máis? Un forte aumento da abstención, duplicación de porcentaxe de votos nulos e aumento forte de votos en branco.

... e pleno ordinario anunciado en Ribadeo

2011-11-20T16:34:00.000+01:00

Contra o que sucede moitas veces, hoxe, día de eleccións, pódese ver na web do concello a convocatoria do pleno ordinario para mañá ás oito da tarde:
"O luns, 21 de novembro, ás 20 horas haberá pleno ordinario no Concello de Ribadeo. Na orde do día figuran os seguintes puntos: proposta de modificación do réxime de sesións do Pleno; petición de reversión de finca O Semilleiro á Comunidade de Montes de Ove, e adopción de acordos procedentes; convenio de colaboración co Rexistro da Propiedade de Ribadeo para a xestión, liquidación e recadación do imposto sobre o incremento de valor dos terreos de natureza urbana; designación de representante municipal na Escola Oficial de Idiomas; modificación de estatutos da Mancomunidade de Municipios da Mariña Lucense; proposta para dotación de servizos de saneamento en Dompiñor-Piñeira; proposta de denominación de rúas no polígono industrial de Ribadeo; expediente de recoñecemento extraxudicial de créditos número 2011/02; modificación vocais na Mesa do Comercio Local; recurso contencioso administrativo contra a resolución da Consellería de Traballo e Benestar de 18 de outubro de 2011 sobre cofinanciamento da prestación de servizos sociais (prestación básica servizo de axuda no fogar); control de órganos da Corporación; dación de conta de decretos da Alcaldía; rogos e preguntas; e mocións do BNG sobre plan concertado de servizos sociais e do BNG sobre violencia de xénero"

Tarde

2011-11-19T19:28:00.000+01:00

Publico tarde, despois de perderme a xuntanza do 15M hoxe en Ribadeo e ver de pasada que os xornais recollen hoxe de xeito maioritario que o bondadoso BCE nos librou unha vez máis do precipicio económico. Só deixo un motivo máis de 'reflexión' nun día como hoxe: Como ganar medio millón de votos dun plumazo.

Pedindo o voto: último día

2011-11-18T08:07:00.002+01:00

É curioso. As manobras electorais están desenvolvendo novos xeitos continuamente. E as meteduras de pata, en consecuencia, tamén se fan máis frecuentes: Ten sentido que a Xunta, despois de anos de protestas, pregunte a Burela se dispón de terreos para a ampliación do hospital da costa precisamente esta semana? Por outra parte, traduzo ó meu xeito o resume dunha nova no Times ("Markets fail to see funny side as fear of bailout stalks embattled nation"): "Os mercados non poden ver o lado divertido e o medo ó rescate golpea á nación.
Os mercados financeiros volveron as súas armas sobre a España onte, tras o home que se espera para ser o seu próximo primeiro ministro non precisar como planea curar a súa economía doente. Mariano Rajoy, líder do Partido Popular de centro-dereita, asustou os mercados, cando declarou en ton de broma ..."
Segundo parece, as bromas xa non serven máis que para que se rían os máis próximos no mítin, pero poden ser perxudiciais de aí en diante.
En Ribadeo? O mítin do PSOE, no mesmo lugar que o PP e o BNG, levou un número de xente semellante, quizáis algo inferior, ó dos outros 'grandes', como se pode ver na foto en papel na nova, e a pesares do título que asigna a Blanco máis de 200 persoas no seu mítin (non do PSOE, seu).
E nas redes sociais? Pois nelas por exemplo pode chegarse ó 'corruptódromo', ou ao 'índice nolesvotes', que tende ó BNG e a IU, como pode verse na seguinte imaxe tomada a modo de resume do 'índice':

Partidos que como é lóxico nestas datas, loitan entre eles polos votos, lembrando esta mesma semana na prensa os de IU ó BNG que se pode defender a Galicia sen ser nacionalista.
Ocórreseme pedir o non voto, aínda que non teña claro que tipo de non voto é o máis convinte, dende o non depositar o voto ata o facer voto nulo (como a proposta 'rompetuvoto' -aquí, en twitter-, que propón coller media papeleta do PP e outra media do PSOE e metelas nun sobre), pasando polo voto en branco...
Por certo, mañá ás 5 da tarde, no parque de Ribadeo terá lugar unha xuntanza de indignados. Alí ó mellor se pode sacar algunha idea sobre o voto de pasado mañá ou o non voto ...

A sociedade do coñecemento: sobre o coñecer para poder opinar e dicidir

2011-11-17T08:10:00.000+01:00

Onte, X. Álvarez Corbacho ofrecía no xornal un artigo no que expoñía un feito que se ven producindo longo tempo: a transferencia de cartos entre empresas e administración é favorable ás empresas. É un pouco farragoso non a base de números, que non ten, senón a base de enumeracións administrativas e legais, pero o resultado si o deixa claro.
En Ribadeo o pasado pleno introdúxose a aprobación primeira da normativa que inclúe a ocupación de espazos públicos. Dita normativa inclúe diferentes cousas, dende limitacións no uso de espazos ata prezos. E foi neste último apartado, non nos anteriores, onde xurdiu a polémica, protestando pola suba fundamental da ocupación do espazo público. A conta diso, ocorréuseme botar algunha conta. Collamos unha mesa, cunha ocupación de 4 m², o que representa 2 x 2, unha amplitude considerable, superior á media que se pode observar noutros lugares. De estar todo o ano en terraza, podemos supoñer que entre finais de maio e as festas, 100 días, polo baixo, ten unha rotación diaria media de máis de catro pases, cunha ocupación media de 2,5 persoas (xusto a media entre 1 e 4). Isto fai mil consumicións só nesa época. Cunha sobrecarga de 0,3 € por consumición por estar en terraza, fai unha caixa extra por ese motivo ó longo do período indicado de 300 €. Compárese esa cantiade, botada polo baixo (outra cousa é a xestión de cada local e o aproveitamento que faga do espazo) coa taxa municipal, unha orde de magnitude inferior, e verase que o concello está facendo posible unha ganancia para o local abondo superior ó que ten que pagar de taxas.

Xestionar a merma

2011-11-16T08:00:00.001+01:00

Comida para musulmáns.
Foto tomada en Ribadeo.

O despoboamento da Mariña, e en xeral de toda Galicia, é un feito. Algo que se ve ó tempo mitigado e pronunciado por dous factores. O primeiro, o cambio de peso relativo do rural fronte ó urbano, que acrecenta os problemas nunhas zonas mentras os mitiga noutras, e o segundo, un aporte inmigratorio destes anos pasados que está demostrado ser de fluxo e refluxo ó tempo que enfronta á sociedade a outro tipo de problemas.
Estatística tras estatística, vése corroborada a tendencia. Hoxe a Voz de Galicia faise eco dela dando os números de votantes mariñáns: 62.244 maiores de 18 anos, un 2,47% menos que en 2004. No extranxeiro viven outros 7.966, é dicir, 70.210 entrambos, un 1,02% menos que nas anteriores, aumentando a un 11,34% os que viven fóra, dende o 9,18% de 2008 e o 8,59% do 2004.
a nivel mundial, fálase da necesidade do decrecemento para poder soportasr a presión humana sobre o medio ambiente. Aquí debéramos estar preparados para poder dar leccións sobre o tema. A experiencia na xestión do decrecemento ímola ter queiramos ou non, sexa sustentable ou non. Que sexa boa ou mala, iso xa é outro cantar.

Despoboamento? Non, coidado da carteira dos cidadáns coa entrada en vigor da ORA.

Comparando

2011-11-15T08:05:00.001+01:00

En Ribadeo levamos xa mítins de dous dos tres 'grandes partidos' a nivel local. A finais da semana pasada foi o BNG, e onte, o PP. Ambos no cine teatro. Pregúntome se por ser máis central que o auditorio (ó que algunha xente maior di que lle custa baixar) ou por ser máis pequeno e recollido. Quédome con esto último: en ámbolosdous casos, unhas 170 persoas (algunha, repe) non daban enchido totalmente o local. Supoñendo que o PSOE teña tamén o seu acto, e cunha representación semellante (o que non é seguro nestes tempos), chegaría o total de xente que asistiu ós mítins esta volta en Ribadeo a unhas 500 persoas, menos do 10% do electorado. Despois de que a confrontación televisiva dos dous líderes maioritarios fora a menos seguida en moito tempo, facendo gala a xente de non tela visto, e que o enfrontamento tamén televisivo a cinco (con dous secundarios para os grandes e máis ou menos primarios para IU, CiU e PNV) fora aínda abondo menos contemplado, é previsible que estas eleccións sexan as menos concorridas porcentualmente de toda a democracia española. Algo que ó tempo, favorece ó PP (unha volta ganada a pulso polo PSOE a inhibición do seu electorado) e incrementa a cantidade de xente que non cree no sistema e pide unha renovación sistémica, non só da cabeza visible. Parecerálle raro a alguén, despois de ver como os intereses económicos cambian cúpulas de goberno sen mediar eleccións? (algo que parece unha moda dos tempos)

A primeira nave construída no polígono de Ribadeo

Dúas naves en construcción no polígono, esta semana.

Posta de Sol por tras do chao do Comado (vista dende Piñeira)

Lendo as noticias

2011-11-14T08:12:00.000+01:00

Lendo os xornais lembro que onte tíñame posto unha cita á que non puiden acudir: a actividade que o Grupo de Acción Costeira A Mariña Ortegal impulsou, unha xornada de turismo mariñeiro de man de Celia Pacio, patroa maior, que a bó seguro estivo moi ben. Mágoa.
Á súa beira, atópome un anuncio electoral que non é a primeira vez que aparece querendo chamar a atención: un persoeiro da política nacional que se presenta por Lugo dicindo que o seu compromiso é Lugo. E quédome pensando se a proposta, en troques de provocar o clientelismo como único enganche, non debera ser impulsar o futuro con ilusión (non de ilusos, senón de potenciación do que cada un pode dar de si). Será que eu teño as ideas trasnoitadas ...

Unha pequena crónica sobre a presentación do libro 'Vou canso de todos menos da música', de Hernán Naval

2011-11-13T00:05:00.004+01:00

Público antes de comezar

Os tres intervintes na presentación: M. Lúz Álvarez, Suso López e Antonio Veiga

Onte sábado tivo lugar a presentación do libro que recolle unha escolma de artigos de Hernán Naval. O propio libro estrá máis pronto que tarde en internet, pero mentras, queda abaixo a voz e unha ligazón externa aos mp3 das charlas da presentación, á que acodiron á Casa do Mar (sé da banda de música de Ribadeo e asemade da escola de música, ambas dirixidas primeiramente por Hernán). Á presentación acudiron unhas oitenta persoas. A presentación foi comezada polas verbas de M. Luz Álvarez Lastra, seguidas da letura dunha mensaxe de Antonio Díaz para a ocasión por Suso López, que logo continuou coas súas propias palabras. Rematou Antonio Veiga. Ligazón externa: http://publicadoenribadeo.wikispaces.com/Sobre+Hern%C3%A1n+Naval

Outros arquivos relatandoa presentación:
En Crónica 3
Na web da Deputación Provincial
No El Progreso
Fotos colgadas en facebook por Chenchu
Foto principal e comentarios

En torno a Hernán

2011-11-12T09:57:00.000+01:00

Hai xa uns días deixei a invitación para a presentación do libro de Hernán.Hoxe, día da presentación, só algunha ligazón con ese motivo:
Lembranza na Voz de hoxe.
Verbas de Miguel Sande, na Voz de hoxe.
Entrevista a Suso López, principal armadanzas da idea. (inclúe con defecto de edición un pequeno artigo de Antonio Veiga)
A nova, no El Progreso.

Propaganda electoral

2011-11-11T08:12:00.000+01:00

Remato de recibir onte a primeira remesa de propaganda electoral: sobre de PP e BNG para toda a familia. Máis invitación ao mítin do BNG que terá lugar hoxe, con carteliño e foto do grupo municipal incluída. Non boto contas da cantidade de papel malgastado ou cartos de custe. Desto último circularán por aí os datos, do primeiro poderían circular tamén, aínda que non o farán.
Mentras, os xornais, en cascada, van dando algunhas novas a nivel estatal e supraestatal. Aí está o dato de que o fraude fiscal en Cataluña representa sis veces os recortes feitos na comunidade (http://www.setmanaridirecta.info/noticia/silenci-aqui-es-defrauda-16000-milions-deuros-anuals , a traverso de http://im-pulso.blogspot.com/2011/11/el-fraude-fiscal-en-catalunya.html ), e craro, non son en xeral 'as familias' as que defraudan. Nin quenes defraudan parecen ser perseguidos como é debido, dada a magnitude do fraude. E, ademáis, a nivel estatal, os números, se ben son relativamente menores, non deixan de ser do mesmo orde...
A nivel local, despois da suba de diversos conceptos (boa parte daqueles polo sque cobra o concello) do pleno extraordinario do mércores, a unha hora tamén extraordinaria, xa está en marcha o cobro por aparcamento na zona do mercado. En resumo, o custe será:
1/2 h: 0,20 €; 1 h: 0,40 €; 1 h 1/4: 0,60 €; 1 h 1/2: 0,80 €; 2 h: 1 €
O funcionamento, de 9 a 2 e de 4 a 9, diario excepto festivos e mércores pola mañá.
Sanción: 24 €
Por outra banda, un novo regulamento de portos fai que o practicar esquí acuático (por exemplo) na zona galega da ría á altura de Mirasol sexa ilegal.
Mentras, hoxe seguro que chega máis propaganda...

20111109 pleno

2011-11-10T08:02:00.000+01:00

A unha hora atípica, as seis da tarde, foi convocado un pleno extraordinario onte, para tratar en xeral de subas de taxas e impostos. Durou ata preto das nove, e puiden asistir á última parte, pero a grande maioría déixoa reseñada por unha reseña feita por José Mª Rodríguez, a continuación, e a prensa de hoxe (a estas horas, na rede, só a Voz). Foi un pleno que chegou a ter segundo me dixeron, máis de 15 asistentes, pero que ó final quedou con 4.
As subas aprobáronse, como era de supoñer, pero con diversas 'xeometrías de voto', e básicamente cos votos do BNG en solitario. Cando non hai cartos, hai que procuralos, e pedir non é cousa que sexa bocado de bo gusto.
Como mostra do sucedido, un botón, o último punto da orde do día, que correspondía á aprobación definitiva das contas de 2010. Era si ou non, e as contas están aí (mesmo interviu a interventora para dicir máis ou menos iso en resume) pero aínda deu lugar a discusión, maiormente sobre a eficacia recadatoria do concello. Entendo que o que non se aproxime ó 100% é criticable, e así se desenvoltou a cousa, a pesares de ser aumentada a eficacia estes últimos anos. En canto ó equilibrio presupostario, parece que antes de depurar incobrables, o equilibrio era positivo, mentras que despois da depuración, queda a pre. Mais iso non importou nunha votación na que, como soe ocorrer, o voto xa estaba decidido, quedando 7 a favor, 1 en contra (PSOE) e 4 abstencións (faltaba un representante do PP)
-
A QUIEN ALGO QUIERE ALGO LE CUESTA

José Mª Rodríguez Díaz

El pasado día 9 de noviembre tuvo lugar en Ribadeo el Pleno Municipal sobre la subida de impuestos y tasas. La mayoría absoluta con que la ciudadanía ribadense dotó al gobierno local resta emoción ahora a los acontecimientos plenarios ya que, al igual que en las novelas de Agatha Christie, siempre se conoce el final. Unas más que otras, y con pequeñas excepciones en materia social, en este Pleno todas las Ordenanzas Municipales quedan modificadas al alza con la aprobación del BNG en mayoría y el voto en contra o la abstención de los restantes grupos de la oposición que pidieron una mayor contención en los gastos superfluos en vez de subir los impuestos. Un jarro que agua fría sobre las cabezas de aquellos contribuyentes de este concejo que, afectados en sus economías por la profunda incidencia de la crisis económica que padecemos, esperarían otra respuesta más solidaria de su gobierno local que evitara agravar su empobrecida situación económica. Pero, la cruda realidad se impone. Mientras otras administraciones tratan de reducir gastos para bajar los impuestos, el concejo de Ribadeo, insensible a la realidad de la crisis que nos afecta, sigue con su tradicional dinámica de aumentar los gastos y subir los impuestos, como si nada pasara.

La realidad y la lógica de la situación se han impuesto. Para no subir los impuestos habría que reducir los gastos, es decir, renunciar a muchos servicios, muchos de ellos de lujo y otros que no le son propios, de que se ha dotado el concejo en estos últimos tiempos. Pretender seguir con el mismo nivel de servicios que en aquellos pasados tiempos de las vacas gordas y sostener este costoso estado de bienestar sin trasladar sus costes a los contribuyentes sin subir los impuestos, es imposible. Son las consecuencias de aquellos tiempos pasado en los que rebosaba la abundancia y en los que algún alcalde famoso presumía en los Plenos diciendo “¿será por dinero?”. Pero, ¡hay!, aquellos tiempos ya no se corresponden con la triste situación económica que nos toca vivir en la etapa actual.

Pero parece, no obstante, que a los ciudadanos de este concejo y a su gobierno les pasa lo mismo que a Zapatero: niegan la realidad de la crisis. Resistiéndose a aceptar la triste realidad actual, los ciudadanos siguen demandando cada vez más y mejores servicios, mientras el gobierno local, en una permanente huída hacia adelante, sigue agravando el presupuesto municipal con la contratación de más personal, más y mejores ofertas de servicios superfluos, y otras temerarias actuaciones que conllevan gastos enormes e innecesarios.

Pues bien, ante esta situación tan incongruente, al gobierno de Ribadeo no le queda más remedio que subir los impuestos. Y a los contribuyentes no les queda más solución que pagarlos, pues, como dice el adagio “a quien algo quiere, algo le cuesta”.

Por otra parte, lágrimas de cocodrilo no valen. El pueblo no tiene derecho a quejarse. Más bien al contrario, los nuevos impuestos deben ser aplaudidos, pues esta subida no es otra cosa más que la expresión de la voluntad mayoritaria de los vecinos de este concejo que han elegido a este gobierno para administrar nuestras vidas y haciendas. Y si el pueblo quiso un gobierno que mantuviera y aún aumentara estos servicios y esta desproporcionada administración, hay que pagarlos con la subida de los impuestos, pues la voluntad del gobierno es la voluntad del pueblo.

Ignoro a dónde nos conducirá esta optimista visión de la vida. La realidad económica que se vive y que se proyecta hacia el futuro no parece prometedora. Ante esta triste situación la reacción normal parece que debería haber sido optar por una reducción drástica de los gastos en vez de aumentar los ingresos mediante los impuestos a los vecinos. ¿Hasta cuándo podrá aguantar la sociedad esta presión impositiva? Ya lo advertía Cervantes cuando le hacía decir a Sancho “nadie tienda más la pierna de cuanto fuere larga la sábana”.

Renuncio, por lo extenso y complejo de su enumeración, a detallar las distintas Ordenanzas afectadas por este incremento impositivo. Ya se enterarán Vds. por sus efectos en sus bolsillos. En general, los servicios más básicos quedan afectados por la aplicación de la subida del IPC acumulado que, como se hizo en un gobierno anterior dirigido por un alcalde “de cuyo nombre no quiero acordarme”, lo tomarán del período que más ventajoso parezca a los intereses del gobierno local y que asciende a un 3,9 por ciento. Otras subidas, con las que estoy más de acuerdo por afectar a ciertos sectores de alto nivel económico o por ser servicios de lujo, soportan subidas de dimensiones extraordinarias. Entre estas últimas se cuentan las que afectan a las terrazas del sector de la hostelería; a los cajeros de los bancos que tratarán de compensar aumentando sus comisiones bancarias a los clientes; y a la Escuela de Música que grava de forma importante las matrículas de los alumnos.

Un vídeo

2011-11-09T07:56:00.003+01:00

é certo, as xornadas preelectorais inflúen. Por exemplo, no blog, estánnme facendo prestar máis atención a temas xerais que particulares de Ribadeo, os que se ven submetidos, como na realidade, a máis constriccións.
Neste caso, o causante é un vídeo. En inglés, con subtítulos en castelán, 4 minutos 3/4, resulta curioso por estes pagos. Xulgade:

A cousa é que o que di non é novo, nin alí, os EEUU, nin aquí. Pero non sae pola tele, seguro que se mantivo ausente do chamado 'debate electoral', e quen pode poñerlle freo legalmente non llo pon.
Unha cousa máis: os datos 'en bruto' da última enquisa do CIS, isa que, entre outras moitas cousas, dalle a maioría absoluta ó PP, en ausencia de posibilidades de escano de protesta. Habemos seguir falando dalgún detalle dela.

Lo que se pierde en unas elecciones, puede recuperarse en otras

2011-11-08T08:05:00.000+01:00

Esa era a idea de Azaña, e segundo di el, repetida moitas veces (Causas de la guerra de España, -na versión de Público, 2011, na p.73-). E hoxe, no post debate, cabe lembralo, ó tempo que se lembra que hai unha elección cada catro anos, que se tenta reducir a un único momento e dúas posibilidades que tenden a parecerse con matices, ... mentras a vida segue, hai pleno mañá en Ribadeo (segundo di a prensa, que na web parece que xa non se avisa de novo, revisarase as taxas da escola de música e a ordenanza e taxas sobre terrazas -incluídos bocois-), as pezas atopadas na ría o mes pasado -que din abondantes e representativas- marcharán fóra, mesmo para informar, mentras o atopado nas Grobas hai xa anos segue no limbo, teremos de agora en diante en teoría máis información da zona por ampliación do suplemento da Mariña da Voz ós luns -a tódolos días da semana-, ou, a nivel España, tamén a Voz proclama públicamente que 'Sen Gürtel non hai Campeón' para indicar que cada partido ten as súas cousas que ocultar, e para que non llas destapen os outros, 'colabora' ocultado á súa vez as dos outros ... Coido que mentras non consideremos as eleccións como un día máis de participación, non elixiremos; elixirán por nós.