20160314

De loitas e loitas

Loitar por conseguir cousas é unha constante nas persoas e na humanidade. Mais hai moito, moito tempo que nos decatamos que non todas as loitas son iguais. Iso non impide que se sigan a producir desigualdades na loita e entre loitas. Desigualdades na loita dende o comezo, pois os poderes que se enfrontan non teñen por que ser semellantes -nin moito menos-, o que non ten por que impedir que se loite: a vida é loita, e aínda nos 'casos perdidos' por unha loita que se considera xusta hai que seguir adiante. Colle A arte da guerra de Sun-Tzu e empápate para tentar ganar... (coidado! O primeiro que atopas é que non debes emprendela se non estás en posición de ganala!)
Desigualdades entre loitas.Non todas as loitas son iguais. Nin moito menos. Non é o mesmo a loita dunha nai por conseguir que o fillo coma aquel alimento que non lle gusta pero que lle fai ben que a que mantén para que non a moleste mentras podería sacar tempo para ver a televisión. Mesmos contrincantes, circunstancias diferentes, pero sobre todo, razóns diferentes en canto a desexabilidade para ambos.
Estes días está habendo unha loita en Luarca contra unha instalación dunha mexilloneira. A cuestión non é pola contaminación ou polo que afecte ó medio ambiente e biodiversidade na zona. Pode parecer o mesmo, pero o que se deduce das novas de prensa é que o enfrontamento está producido por que os profesionais que agora están extraendo percebe ou practicando a pesca de xeito artesanal verían a instalación como unha ameaza. instalación, por certo, que estaría promovida por unha empresa chamada 'mar aberto', no que algúns poden ver unha certa ironía.
É dicir, o enfrontamento é corporativo, non social nun sentido amplo. Non estudiei o tema para saber as implicacións que podería ter para a natureza, e evidentemente, nunha 'guerra' os bandos tentan aproveitar alianzas e sinerxias de cousas e circunstancias que non van en liña recta co que se pretende conseguir. Mais desenvolver unha guerra corporativa, dunha parte da sociedade, non é o mesmo que facelo para beneficiar a toda a sociedade. E iso, cando estamos metidos no tema, é difícil de ver aínda que se saiba dende hai moito, moito tempo, a diferencia.
Coelacan~commonswiki Creative Commons recoñecemento xenérico 2.0

Ningún comentario: