20140611

De pasada: Ribadeo/Galicia e China

Hoxe, con pouco tempo, vin no xornal algún dato con relación ás PAAU en Galicia, e lembrei algo lido hai tamén poucas horas en relación á selectividade na China. Así, que, comparando...
Galicia: 10 000 estudantes fan as probas.
China: 9 000 000 (=900xGalicia)
Poboación:
Galicia: 2 865 000 habitantes
China: 1 340 000 000 h (=467xGalicia)
Relación de estudantes que se presentan ás probas de acceso á universidade en Galicia en relación á poboación: 0,35%
En China: 0,67%
É certo que a poboación de China e de Galicia teñen unha diferente estrutura da pirámide de poboación, pero é que case se presenta unha porcentaxe dobre en China!
Por estes lares aproban en xuño preto do 90%. Na China, cousa dun 70%.
En China chegan a cortar o tráfico para facilitar o acceso ás probas...
En Galicia estanse a preparar os locais nocturnos para a fin de semana posterior...
Falaramos nalgún momento de que o futuro está na economía do coñecemento e a relación? (e é que na China fabrícase boa parte dos 'aparellos de relación' -pc, móbiles, tabletas, etc- actuais)
O futuro parece estar xa sentíndose hoxe.
-- Unha nota: non puiden comprobar os datos sobre a selectividade na China que lembro ter visto nun medio --

2 comentarios:

Anónimo dixo...

http://en.wikipedia.org/wiki/National_Higher_Education_Entrance_Examination

agremon dixo...

Unha volta vista a ligazón que me deixaron, ratifico (aínda que cunha lixeira variación na procentaxe de aprobados) o escrito. Grazas!