20120726

De novo, pasou o día, pasou a romería

26 de xullo. Xa pasou a festa, e seguen os problemas de sempre. Un que colea na zona dende hai unha semana, a considerada pouca consideración de Turgalicia coa praia das Catedrais, segue mantendo polémica, de xeito que Burela pedirá que se inclúa entre os dez lugares a resaltar da famosa lista.
Outro, máis recente, é a posición de FeVE de restrinxir servizo. Nunha zona coa deslocalización que ten a nosa, iso implica tirar de máis gasolina, quen poda, diminuíndo o nivel e calidade de vida, de xeito absoluto e en relación a outros lugares.
Outro máis segue o camiño do Guadiana: aparece e desaparece periódicamente or diversas causas. É o 'caso Prestige', con dez anos ó lombo e agora nova ante o treito final pola diminución de abogados adicados ó caso debido á adicación necesaria e a motivos económicos. De calquera xeito, coido que a nova serían os dez anos de proceso, pero claro, a base de desgaste, van pasando e o nunca máis vése que pode eternizarse para lograr os seus obxectivos -na eternidade-.
Mentras, o tema do cobro dos alcaldes e concelleiros desvía nos medios da zona as novas sobre a crise ó nivel local, sen que por elo pasen as localidades a primeiro nivel: o soldo da lugar a comentarios da zona da Mariña, así como a curiosidades noutras zonas de Galicia, como Vilagarcía ou Pontevedra. Na polémica ista da rebaixa de soldos de políticos -con resultados que aínda están por ver, e en todo caso, despois de substanciosos aumentos de moitos nos anos de crise- métese, coido que con razón, outro apartado que é netamente político: o custe do posto en votos, do que é coñecido que en xeral é maior para os partidos pequenos que para os grandes, a calquer nivel, e que se relaciona cunha das motivacións de reduccións de políticos electos tanto nos concellos como por exemplo, no Parlamento Galego. Claro que ó tratarse unha cuestión estatística hai excepcións, como a actual distribución en Ribadeo, 7-4-1-1, que, de manterse o número de votos e diminuír a 11 concelleiros, quedaría 5-4-1-1, coa perda da maioría absoluta para o BNG. Algo que, co aumento de poboación ribadense, é posible que non contemplemos nas próximas eleccións ó cambiar o número de edís por ocupar un segmento de poboación diferente.

1 comentario:

jmrd dixo...

A presnsa de hoxe recolle a crítica do alcalde de Ribadeo hacia algúns alcaldes que, segúndo él, cobran demasiado pola sua adicación. Xa esqueceu o apoio que prestou o soldo co que se dotou a Balbino Pérez Vacas na súa etapa de alcalde.