20120727

Cidadáns ou traballadores? Paganos sufridores.

Despois dos últimos tempos, non é unha pregunta banal. En Ribadeo levamos esperando un estatuto de participación cidadá moito tempo (algo que, sendo cidadáns, sería estrutural, dende o primeiro momento de constitución dos concellos democráticos) e sinxelamente, está parado despois de comezar a súa andadura para aprobación totalmente sesgado a favor das entidades, en particular, empresariais.
Por outra banda, un día si e outro tamén, estase a falar polos nosos representantes políticos en Madrid da 'Marca España', 'empresa España' ou da 'débeda per cápita', do custe dos servicios abondo máis que da calidade, das decisións que toman pero non do contacto cos cidadáns nin siquiera das razóns de por que as toman ou de como pode afectar á xente, e así sucesivamente.
Claro que, cun parado cada catro posibles traballadores, falar de traballadores é algo de máis, pero os eufemismos chegaron xa hai tempo ó de 'traballador parado', e aí seguen. Claro que se entende que na estrutura dunha empresa, os traballadores son iso, traballadores sen máis dereitos que os laborais (que cotizan á baixa, máis en situación de monopolio empresarial) mentras que a empresa é doutros, dos propietarios. E no caso da Empresa España, a estrutura leva camiño de España S.L. máis que de España S.A.
Por certo, voltando á casa, Ribadeo parece que ten inaugurada xa unha nova rota turística: a das pintadas ó auga da billa. Comezaría No propio concello, con pintadas laterais frecuentes, e pasaría a ver primeiro unha vista superior e logo, baixando, lateral, da gardería con auga da billa por aforro recente, seguindo en descenso cara á Atalaia, onde se poden aprezar as pinturas murais dos vándalos, para seguir despois ... non vou detallar toda a rota. O da auga e as pinturas tráeno hoxe o xornal. E polo que se ve, os das pintadas son cafres repetidos, pois non é a primeira volta que na capela da atalaia aparecen pintadas diversas. En canto ó da auga, con petición de sinaturas polo medio, habería máis que falar por aquelo que os picariños beberon durante milenios auga sen embotellar, e non teño nada claro que a auga embotellada sexa mellor en xenérico que a da billa (de feito, parece ser que máis ben é o contrario), aínda que si hai periódicamente episodios en Ribadeo nos que a auga ven turbia, e coido que sería cousa de evitarllos.

2 comentarios:

El ángel de Olavide dixo...

He visto la pintada en La Atalaya y me parece una acción de algún descerebrado. La mejor medida es borrarla inmediatamente, sin mas. Es imposible luchar contra esa lacra por la via sancionadora. Hay mas descerebrados en este mundo que polícias para perseguirlos.

Sobre el agua. Parece que hay una leyenda urbana en Ribadeo sobre la mala calidad de sus aguas. Tambien hay que luchar contra esa imagen. No se puede desconfiar de los controles municipales obligatorios. Si se desconfía de ellos tenemos un grave problema. Este tema de la guardería exigiría un esfuerzo por parte del ayuntamiento en acreditar la calidad de las aguas. Sobre si en algunos momentos viene turbia la solución sería proveer de agua clara procedente de una reserva propia a los niños. Lo de las aguas embotelladas debe evitarse por razones no solo de calidad de las aguas. Por razones ambientales y económicas.

Algo que no saldrá en los periódicos y que me ha llamado la atención: la colocación en una casa de las cuatro calles de una cancela metálica pera evitar que en el escalón de la puerta se siente un pedigüeño. Podría hacer muchos comentarios sobre la materia pero me abstengo. Por lo que se ve para según que cosas hay dinero fresco en nuestros bolsillos.

Agremon dixo...

Coido que se tivera tido máis tempo pola mañá, tería escrito algo semellante ó comentario anterior.