20110414

O novo domund


Tomo da rede dúas imaxes sobre o Domund, as 'huchas do día mundial da (santa) infancia' ben diferentes.
A primeira, con cabeza de 'chino mandarín' corresponde ó anuncio de venda (360 € piden) dunha das huchas usadas aló polos 60, empregadas para recoller cartos para enviar ás misións, supoñíase que na China (visto dende hoxe, dun xeito inxenuo: que deixara Mao entrar os misioneiros na China). Un tempo nos que 'nós' dabamos esmola 'ós chinos'.
A segunda imaxe, tomada de http://grupotortuga.com/IMG/jpg/El_Domund.jpg (que a tomou á súa vez, de http://insurgente.org) poidera ser a correspondente a unhas huchas actuais, se ben non se verán cativos patrullando as rúas con elas, senón dun xeito moito máis abstracto úsannas os políticos para secuestrar a nosa vontade económica. Quizáis as imaxes usadas non sexan as máis adecuadas, senón que só foron tomadas por ser os máis representativos dos bancos, pero coido que se entende ben de que vai.

Quedaría unha terceira hucha por poñer, a que é posible que usen 'os chinos' para darnos esmola a nós como esto siga así algún tempo máis. Zapatero xa vai aló pedindo inversións, que significa en certo xeito venda do que temos para poder pagar as 'nosas débedas', e préstamos, que haberá que pagar con intereses. Veremos as huchas cunha imaxe estereotipada dun galego das mans de pequenos chineses polas rúas dos pobos de Guangdong?

Ningún comentario: